|
|
السلام عليكم بنات
انا طالبه مستجده وقطوني تخصص تكنلوجيا وانا مابيه
اللي يعرف عن تخصص التكنلوجيا ودكاترته وشنو تنصحوني اخذ المواد العامه ابي السهل عشان اجمع نقاط واحول
<<< جايني احباط نفسي
لا تضايقين…
الله يسلمج الي اعرفه عن تكنولوجيا التعليم..
انج تكونين اداريه ..
ويقبلونج 11 جهه هذا الي سمعته..
يعني وزارات ..مدارس..شركات..
دراستكم ولله مادري عنها..
بس اغلبيه دكاترتنا..زينين الحمد لله..
وحاولي تاخذين مواد عامه
ويبيي فيهم درجات عاليه ..a او b
وانشالله تقدرين تحولين ..موفقه
بس انشالله تحووولون بالتوفيق
والله تخصصنه ترا صج شغل بس يهبل صراحه بس بعد ما تخلصين ماده تحبينها لانه ونااسه دراستنه صراحه
والحلو مو مجبورة تكونين بمدرسه باي مكان وزارة شركة اي مكان يقبلونج هذا اذا كنتي ماتبين مدرسه اما لو مدرسه تكونين مشرفة تقنيات او اداره يعني والاحلى انج تقدين تكملين دراستج اي شي لانه موادنه وايد حلوه متنوعه مثل تصوير اخراج حاسوب وتصميم وااايد من خلال دراستج انتي بتحددين
انا سالتني بنت همن قبلوها بالتكنلوجيا وبحط رسالتها لج وقلت لها كل شي عن التخصص والدراسه
امم شوفي يالغاليه دكاترتنه مو شينين يعني بس يكرفون شغل بس يعني انصحج تبتعدين عن الحريم لانهم شوي نحيسات
والرياييل يعني همن زينين بس مثل ماقتلج يطلبون شغل بس اذا كنتي تحبين شغل بتستانسين لانه شغلنه اكثر شي واول موادج تاخذين رسم وبعدها تدشين بالحاسوب يعلمونج فوتوشوب وبور بوينت والوورد وايكسل وشوي تخصصنا داش بالاعلام تدرسين مواد تلفزيون وتصوير وتصيري مخرجه ومصورة وكل شي حتى تكتبين سيناريو واتسوين افلام تعليميه وكل شي وغيرهم اشياء حلوه طبعا هذا مع سنين تاخذينهم
انتي من تستلمين جدولج قوليلي منو دكاترتج وانا انشالله بعلمج باللي تبينه واي شي تبينه عن تخصص انا حاضره
الله يريحج مثل ماريحتيني
بس انا ابي احول لاني مابيه وش تنصحيني اخذ المواد العامه ابي المواد السهل عشان اجمع مجموع
انزين انتي اذا بتحولين تبين تصيرين مدرسه يعني ودج بهل الشي
لانه انا ما حب تدريس
خخخ
المهم ارد ع سؤالج حبيبتي انصحج تاخذين كل المواد العامه مثل ثقافه اسلاميه وقراءات واساليب وتدريبات لغويه ومواد علم النفس بس شدي حيلج عدل عشان ترفععين معدلج وفي بعد مواد اختياريه تاخذينهم مثل لياقه وثقافه موسيقيه وغيرهم مواد تساعدج ع التحويل وربي يوفقج
وانشالله افدج بردي واذا تبين اي سؤال انا حاضرة
بغيت اقول لج انا تخصصي تكنولوجيا تعليم واذا أبي احول من تكنولوجيا التعليم الى رياض اطفال جم يبون المعدل؟
واذا ابي احول من تكنولوجيا التعليم الى لغه انقليزيه جم المعدل؟
وآسفة على الازعاج
ابي اختي تحول كم المعدل يبون حق رياض الاطفال او الفنية ؟؟ وماتدرين متى تسجيل الجداول لاني بالجامعه واختي مستجده وبصراحة ما اعرف حق الاساسية
[ والله بنآآت يطلع كل مواهبج وراح تعرفين اذا انتي فنآآنة ولا لا .؟ ]
صرت مصممة ومهندسة ومنتجة افلام بس منذ دخولي لهالتخصص عرفت هوآآيتي والسبب هالتخصص
تخصصنآآ يجننن
وانا على وشك تخرج
[ المهم دامج تبين تحولين لازم يكون معدلج 2:45 ما ادري 3:45 ناسية والله بس واحد منهم … ]
يبيلج تشدين حيلج يالغلا
[ بس صرآحة دخلت تكنولوجيآ وانا ما ابيه ولا اعرف عنه شي ]
وبطلع منه واتمنى ما ينتهي ..
هذا غير الباب الواسع من الوظائف االلي راح تنفتح لك لما تتخرجين
يعني مو ضروري مدرسة …. 
[ انا ما احب التدريس ]
موفقه يالغالية
وسوري ع الاطآآله
ربي يوفقك يالغلا
ريآض الاطفآل كآني سمعت انهم سكروه !
[ لان اكتفوآآآآآآ حيل ]
مدري بسأل لج يالغلا …
~
تدرين رياض اطفال
راحة في الدراسة وتعب في الوظيفة لحد الارهاق
اعرف اكثر 20 وحده حولت ادارية لما بس توظفت كورس واحد تخيلي
من كثر ماهو تعب ..
فليش ادرس سهل واالمستقبل صعب
وتكنولوجيآ التعليم [ درآسه صعبة بس حلوة ] ومستقبل خفيف ومريح
ولازم تحطين في بالج [ المستقبل زوج + عيآل ]
انتي تبين تربينهم وتجآبلينهم مو تبكين دم على الوقت والتعب
جد انا شايفه هالحاله بعيووووووووني والسبب رياض اطفال
ادرس بعدها احول ادارية !
موفقه اختي
[ شكلي خرتهآ حيل ]