اللي يعرف بتحليل هرمون الحليب

مراحب بنات ..
يوم 3 من الدوره سويت تحليل هرمون البرولاكتين " الحليب " المهم النتيجه كالتالي 228 هذى النتيجه مالتي

ومكتوب الواطي40 والعالي 230

فهل يعتبر الهرمون عندي عالي ؟؟؟
وأقدر أخذ الدونكس ما ادري شيسمونه نص حبه كل اثنين ويمعه لأن سبق كان عندي مرتفع من فتره وعطتني الدكتوره هالعلاج …

ردوا علي بلييييييز

والله أنا كان عندي الهرمون 886 وعطتني الدكتورة حبوب صغار لونهم ابيض بس ناسية اسمهم كل يوم بعد شهر سويت تحليل طلع 698 وقالتلي لازم تاكلين وحدة بالليل وحدة الصبح مع الأكل وقبل كم يوم حللت طلع 13,8 قالتلي أوكية ألحين تمام الهرمون وانتي روحي لأي عيادة ترى حتى المستوصف يعالجه ترى بسيط وبسرعة ينزل مع الحبوب لاتحاتين إنشاءالله إنه مومرتفع .

اتوقع ان معدله طبيعي
لان اتوقع اذا النتيجه بين 40و230 طبيعيه
واللي فوق 230 عاليه

انشالله البنات يفيييدونج

بنات الموضوع يه بوقته

صج ان بعد الاجهاض ممكن ان يرتفع هرمون الحليب ؟؟؟

وشنو اعراضه ؟؟؟

وانا الحين طافت الدوره وماسويت تحليل الهرمون يصير اسويه بعد الدوره ؟؟؟

مشكووووووورررررررررين بنات وما قصرتوا …. بس همين لا بد من زيارة دكتورتي ول إن مالي خلق أروح لها

الفنانه … ما ينفع تسوينه بعد الدورةلأنه بالعاده إما يوم 3 أو 5 من الدوره ..

وتشكراااااات

حبيبتي ماتشوفين شر وبالنسبه للرقم اللي حاطته على ماظن طبيعي انا سويت التحليل وطلع عندي الهرمون مرتفع 845 وعطتني حبوب دوستنكس وبنفس الشهر لله الحمد حملت ..

والله انا سويته وطلع مرتقع والسبب الرئيسي له انه التفكير الدائم يسوي جذيه يلعب بالنفسية فهرمون الحليب نفسي

حياتي
آنا حالتي غير
حللت مرتين طلع الهرمون نسبته طبيعية وكل شي سليم
بس لاحظت قبل شهر طلعت نقطة حليب من صدري ولما سالت قالوا لو نقطة وحدة تمنع الحمل والحين بروح اليوم بشتري الحبوب وان شاء الله ما يمر هالشهر والا وكلنا حوامل
اللهم آمييين

بمبره لازم تسوين التحليل ما يصير تاخذينهم منيه والطريج

حياتي حنون
ما خذيتهم جذيه الا لما سألت اكثر من دكتورة وقالتلي هذا عادي وايد يصير وصرفت لي الحبوب
مشكورة على النصيحة

مستوى الهرمون عندج طبيعي وإذا زاد عن 500 يعتبر مو طبيعي والحبوب لاتآخذينهم لأن إحتمال ينزل الهرمون عن الطبيعي هو70 والرينج من 70-566 لأني توني مآخذه التحليل وحاطين الرينج والنيجه إذا كانت بينهم معناه هرمونج طبيعي

يعتبر مرتفع لانة عالحفة..بس لازم تروحين الطبيب علشان يحدد لج الجرعة ونزلتة سهلة

يعتبر طبيعي بس لازم تراقبينه الشهر الياي
عشان لا يرتفع

يعني الحين لازم اسوي التحليل ايام الدوره
انا اليوم آخر ايام دورتي
وودي اسوي التحليل
وين اسويه ؟ ابي عياده خاصه او مستشفى
وابي اعرف جم يكلفني ؟؟