اللي ولدو بمستشفى العرف يدخلون

السلام عليكم ورحمة الله وبركاته …

بناات بليييز اللي جربت ولادة مستشفى العرف تقول قصة ولادتها

وشلون كانت الولادة عندهم مريحه والا متعبه ؟؟

انا بجريه وحدي خايفه

مابي احس بشي

وانشاءالله ناويه اولد عندهم لان الاغلبية مدحوه لي

وفي ناس انصدمت يسبونه يقولون نحس بكل شي ومافي كمام بس طبعا الاقلية قالو هالكلام

وحبيت اتأكد منكم ومن تجاربكم

عند اي دكتور او دكتوره ؟؟

وطريقة المخدر كمام والا ابره بالدرب ؟؟

وبعد الكمام نحس بعوار والا مانحس نهائيا

بنات تكفون ريحو قلبي والله اني خايفه

بنات تكفون اللي ماتعرف ترفعلي الموضوع

اب اب

اب اب اب لعيووونج

ررررررررررررررررررررررررررررررررررررررررررررررفع

انا اول مره ولدت عندهم وكنت حدي خايفه من كل شي لدرجه ودوني لغرفه نفس غرفة الكشف بس كبيره وسرير طبي عادي قلت الولادة وين تكون قالوا هني بالغرفه عطوني الحقنه الشرجيه وانتوا بكرامه والحمام داخل الغرفه وقالوا انسدحي بالسرير وانسدحت والحمدلله كل شي تم على خير وتحمدت ربي وودوني لغرفتي اللي بالجناح تدرين متى حسيت بالعوار يوم ولدت وطلعت المشيمه جاني الم عادي قلت ابي كمام نقدت علي الطبيبه كل شي خلص حتى البيبي طلع وقتها تفشلت اقول بقلبي صج ياهل

السلام عليكم
انا ولدت فيه ومراجعاتي كلها فيه ولادتي كانت عند الدكتور مدحت رووووعه بس انا عمليه واعرف بنات كثار عنده بس طبيعي والكمام لازم يحطونه لج ورعاياتهم حلوووووه وعندج الددكتور منصور حلو بعد…

واتمنى اني افدتج،،،

حبيبتي فديتج والله
يعني ماكو عوار طلق؟؟
مادري في ناس خرعوني يقولون مايخدرون والفحص يعور من غير تخدير
انتي عند اي دكتور او دكتوره؟

مشكورة حياتي على افادتج
والله يتمم عليج حملج بأذن الله وتقومين بالسلامه

اب اب

فديتج والله

مشكور ياحياتي

هاي
انا بقولج عن تجربتي
العرف ثم العرف روحيله وانت مغمضه
انا ولدت عندهم وبطلق صناعي
والله ما وعيت علي عمري الا وانابغرفتي
راحه ما بعدها راحه والله
والحين بالغلط حملت وزوجي طبعا مستانس
قال مالج الا العرف وهو يضحك
لاني كنت مصممه علي دار الشفا او لندن
والله عجيبين
بس فيهم عيب واحد ان الادويه انتي تشترينهم
مو نفس دار الشفا يشترونها ويضيفونها علي الفاتوره
وملاحظه زعلتني ما يصورون البيبي يوم يطلع
والاالباقي روووعه من الممرضات الي الدكاتره
شوفي في وايد دكاتره حلوين بس انحاشي من البشه البتمبه
شنتال ابليسه يوم بحمالي كل اشوي تحاليل يعني مص دم
في في دكتوره روووعه اسمها اممممممممم مارينا رهيبه
مع حدي تعبانه بس والله ما تحسين شيء معاها
تسمي عليج وتهديج مع انها عجوز بس توووب والله
روحيلها وانتي مغمضه عجيبه

انا اختي ولدت عند منتهى وتمدحها

انا ناوية اولد فيه ان شالله
الكل يمدحه العرف واحسن دكتور مدحت وبعده منتهى وفيه بنت اعرفها مدحتت شانتال
استغرب الاخت ام بانة ذمتها اهنيه؟ انا الحين آخر موعد لي الاسبوع الياي ولادتي ان شالله بروح لهم وعند مدحت بإذن الله