=== اللي ولدت بجناح الكاميليا برويال حياه ضروري تدخل ===

مرحبا

حبايبي اللي ولدت بجناح الكاميليا برويال حياه………….

كم كلفتها الولاده اذا الدكتور من نفس المستشفى!!؟؟ انا اراجع عند نجلاء الزعفراني……………

وودي احط مبلغ الولاده من الحين لأن ماباقي شي
باخذ احتياطي

بليز ناطرتكم

جزاكم الله خير

الله يسهل عليج يارب

أنا اليوم كنت برويال و أخذت منهم الأسعار بالنسبة حق دكاترة المستشفى

بالنسبه حق كاميليا

طبيعيه: 1000 ليلتين

مساعده: 1100 ليلتين

قيصريه: 1765 ثلاث ليالي

اتمنى اكون فدتج

لا تنسيني بدعواتج

انا من سنه ونص ولدت فيها وخذيت كاميليا
طبعا انا قيصريه ودكتورتي من نفس المستشفي
كلفتني ١٨٠٠

حسب علمي اذا طبيعية ١٠٠٠
مع شفط ١٠٠ دينار
مع ابرة ظهر زيدي ١٠٠ دينار

انا والدة في رويال حياة مرتين طبيعي بدون شفط ولا ابرة ظهر و لله الحمد ماخذو مني زيادة بالفلوس بس كنت ماخذة جناح لوتس و اوركيد

ما عليج امر صاحبة الموضوع بغيت اسال سؤال وان شاءالله استفيد معاج

انا ابي اعرف بس سعر الغرف جم لان التامين يغطي سعر الولاده و كل شي بس اذا غرفه كبيره انا ادفع مبلغها و الي تعرف اتمنى انها تقولي

و مشكوؤره و الله يسهل عليناا يارب

غرفة عن غرفة تفرق انتي تامينج جم يغطي من الولادة؟
خصمي المبلغ من سعر باكج الولادة بالجناح اللي تبينه

مشكورين بنات ماقصرتو

يعني ١١٠٠ أحط ببالي

انا لي تامين حق الحمل و الولاده 1500 يعني راح تكفيني ؟! و اي غرفه ؟و مشكوره حبيبتي على ردج

و صاحبة الموضوع احسن لج حطي في بالج احتياط 1300 والله يسهل عليج ان شاءالله

حسب اللي اعرفه ان التامين يغطي سعر الولادة في الغرفة العادية اللي اهي سعرها برويال 700
معناته اذا تبين غرفة اغلى دفعي فرق السعر

اذا تبين كاميليا دفعي 300 زيادة

هذا اللي فهمته من موظفة رويال سالي شركة التامين عن التفاصيل
ولا انا عندي تامين الحين بس حزة ولادتي ماكان عندي

و حق اللي يشتغلون بوزارات لهم خصومات 10 و 15 بالمية مادري اذا تقدرين تستخدمينه مع التامين؟

مشكووره حبيبتي ماقصرتي لا انا عندي بس التأمين و ناويه ان شاءالله باجر اروح المستشفى لاني بشوف اذا ارتحت له ولا لا

و متوهقه مادري اروح حق اي دكتوره الكل يمدح نجلاء الزعفراني و نداء بوخضور و مادري اذا تستقبلني ولا لا لاني صارلي اسبوعين من دخلت شهري

السلام عليكم..

الله يسهل عليج يا رب وتولدين بالسلامة إن شاء الله..
آنا والدة هالأسبوع برويال بكاميليا ولله الحمد..

بس فجأة احتجت قيصرية وعقبها البيبي ظل بالحضانة يومين اسم الله عليج وعلى بيبيج

كله طلع علي 2350 دينار..

إن شاء الله ما تحتاجين كل هذا

والله يقومج بالسلامة يا رب

الاسبوع الي طاف مريت وهذي لسته الاسعار

كاميليا ولاده طبيعيه وليلتين تكلف 750

ونف الغرفه قيصريه وثلاث ليالي تكلف. 1415

والله يسهل عليج

انا ولدت عند نجلاء بروياال السنه الي طافت. تهبل الدكتوره والرعايه تهبل. اول ماتدشين تدفعين الف ولما تطلعين يحسبولج الزايد من ادويه واذا ابره ظهر ب100. وانا طولت يغرفه الولاده وقعدت بعدها يوم زياده عشان ارتاح
حطي ببالج من 200 لي 350 بالكثير زياده.

لسته الاسعار اذا الدكتوره من نفس المستشفى مثل نجلاء بتكون الغرفه شامله ليلتين .ب 1000 ومثل ماقلتلج احتياط بالكثير كثير فوقه 350

انا اليوم رحت مريت بس خذيت لستة الاسعار ملوت التأمين يعني الاسعار العاديه ما شفت اللسته مالتها

دخلت غرفة الكاميليا مادري توقعتها شي و شفت شي ثاني لاني بولادتي الاولى كنت بالسلام و خذيت جناح رويال سويت (١) حسيتها اكبر و اشرح من كاميليا يعني حتى الاثاث خشب و غامج حسيته يقمت مادري يمكن لاني متعوده على مستشفى السلام

الله يقومج بالسلامه ان شاءالله و يسهل علينا و عليج يارب*