|
|
السلام عليكم ورحمه الله وبركاته
الموضوع باين من العنوان
انا الحين بالمستشفى مبارك
وقالولي يوم الاحد راح يسونلي منظار ويشيلون الحصوه وبعدين بسوون لي عمليه المراره لان عندي انزيمات الكبد مرتفعه
وحدي خايفه من المنظار لانه راح يكون من الحلج وخايفه احس فيه
اللي مسويه المنظار والعمليه ياريت تفيدني وتقولي حست بشي
ووين سوت المنظار والعمليه؟؟؟
وتنصحوني اروح خاص او اتم عندهم؟؟
والله بموت من الخوف وبس قاعده وابجي
ولا تنسوني بالدعاء
انا سويت المرارة العام نفس هالحزة و قبلها منظار مثلج لأنة انزيمات الكبد كانت مرتفعه. يعطونج ابرة تنوج شوي و ماتحسين بالمنظار الا داش بس من غير عوار بس احساس انه في شي بلعومج. وللله انا كنت مثلج خوافة وايييد و كنت اقعد بنص العملية و حاجي الدكتور و قوله ترى احس انه بلعومي هههههههههه بس اثاريني اسمع كلامي بعقلي و هو يسمع خرابييييط و يقول للممرضة تعطيني منوم و ارد انام.
انشاءلله ماكو الا العافية و سهالات صدقيني و ماكو عوار انشاءللة و انشاءلله تقومين بالسلامه.
أنل سويتها بالأميري و المنظار عند ثنيان العانم عند دز وليد العازمي صج صج اينن و ترى العلاج نصه نفسي و الدكتور كان متحملني وايد
ويعطيج العافيه
والله يسهل ان شاءالله
هذي تجربة لعملية المرارة كاملة ان شاء الله تستفيدين منها وماتشوفين شر
أنا سويت عملية المرارة وعملوا لي منظار عقب العملية بس لاتحاتين توكلي على الله مامنها خوف أنا سويتها بالأميري سنة 2024 عند د. محمد عبدالعزيز وأعتقد طلع من الأميري
الله معاج ويردج حق اعيالج سالمه يارب …
والله يسهل ان شاءالله
انا امس صارت فيني نزلة معوية حادة ومع الفحوصات بالسونار بين ان في 2 زوائد لحمية صغار داخل المرارة وطمنوني قالولي ماكو شي ومامنهم خوف بس ان شالله ان احتياط براجع وبشوف شسالفة اذا احتاج منظار او لأ …
|
المشاركة الأصلية كتبت بواسطة وين^العهود
 السلام عليكم ورحمه الله وبركاته
الموضوع باين من العنوان انا الحين بالمستشفى مبارك وقالولي يوم الاحد راح يسونلي منظار ويشيلون الحصوه وبعدين بسوون لي عمليه المراره لان عندي انزيمات الكبد مرتفعه وحدي خايفه من المنظار لانه راح يكون من الحلج وخايفه احس فيه اللي مسويه المنظار والعمليه ياريت تفيدني وتقولي حست بشي ووين سوت المنظار والعمليه؟؟؟ وتنصحوني اروح خاص او اتم عندهم؟؟ والله بموت من الخوف وبس قاعده وابجي ولا تنسوني بالدعاء |
أولا سلامتك الف سلامة
ثانيا أنا عملت المنظار و شلت المرارة في مستشفى الأميري من تقريبا 10 شهور
كانت انزيمات الكبد مرتفعة عندي لدرجة شكوا انه معي التهاب بالكبد ( اللهم احفظنا من المرض )
بالنسبة للمنظار عادي ما تحسين باي شي بس بعد العملية أنا راجعت كتير بسبب البنج و كنت أحس حلقي يوجعني كأني مزكومة ( مرشحة – عندي برد ) ==> اتمنى تكوني فهمتيني
و بعدها ب 3 أيام عملولي عملية المرارة و الحمد لله بسيطة ان شاء الله و هي عبارة عن 4 فتحات صغيرة ( واحدة بين الصدرين – واحدة عند السرة – واحدة تحت الصدر من الجنب – واحدة عند الجنب من ناحية الكلى تقريبا و كلهم في الجهة اليمنى من الجسم )==> يارب تفهمي شرحي
و ما تبين اتطمني بس حتى اكون صريحة معاكي الفتحة ياللي عند السرة بتوجع شوي عند الضحك او الحركة او العطس انا ضلت تألمني يمكن 4 أيام و بعدين خلاص عادي مافي شي الحمد لله
بس ديري بالك انا بعد العملية ( شهرين او 3 شهور تقريبا ) زاد وزني كتير و سألت الدكتورقالي معظم يللي بيسووا المرارة بيزيد وزنها و خصوصا عند منطقة المعدة لأنه الدهون ما بتنهضم و تتراكم عند جدار المعدة
آسفة طولت عليكي بس حبيت أفيدك بالتفصيل
الله يقومك بالسلامة و اتطمني و ما فيكي الا العافية يارب
|
المشاركة الأصلية كتبت بواسطة kitten-85
الله يسهل عليج ان شالله …
انا امس صارت فيني نزلة معوية حادة ومع الفحوصات بالسونار بين ان في 2 زوائد لحمية صغار داخل المرارة وطمنوني قالولي ماكو شي ومامنهم خوف بس ان شالله ان احتياط براجع وبشوف شسالفة اذا احتاج منظار او لأ … |
تسلمين حبيبتي
وان شاءالله مافيج الا العافيه
|
المشاركة الأصلية كتبت بواسطة new mother 2024
أولا سلامتك الف سلامة
ثانيا أنا عملت المنظار و شلت المرارة في مستشفى الأميري من تقريبا 10 شهور كانت انزيمات الكبد مرتفعة عندي لدرجة شكوا انه معي التهاب بالكبد ( اللهم احفظنا من المرض ) بالنسبة للمنظار عادي ما تحسين باي شي بس بعد العملية أنا راجعت كتير بسبب البنج و كنت أحس حلقي يوجعني كأني مزكومة ( مرشحة – عندي برد ) ==> اتمنى تكوني فهمتيني و بعدها ب 3 أيام عملولي عملية المرارة و الحمد لله بسيطة ان شاء الله و هي عبارة عن 4 فتحات صغيرة ( واحدة بين الصدرين – واحدة عند السرة – واحدة تحت الصدر من الجنب – واحدة عند الجنب من ناحية الكلى تقريبا و كلهم في الجهة اليمنى من الجسم )==> يارب تفهمي شرحي بس ديري بالك انا بعد العملية ( شهرين او 3 شهور تقريبا ) زاد وزني كتير و سألت الدكتورقالي معظم يللي بيسووا المرارة بيزيد وزنها و خصوصا عند منطقة المعدة لأنه الدهون ما بتنهضم و تتراكم عند جدار المعدة آسفة طولت عليكي بس حبيت أفيدك بالتفصيل |
مشكوره حبيبتي على الشرح المفصل وماقصرتي
وانا اليوم سويت منظار بس بصراحه حسيت بكل شي
وباجر راح اسوي عمليه المراره
وان شاءالله ربي يسهل علي ويقومني بالسلامه
|
المشاركة الأصلية كتبت بواسطة وين^العهود
تسلمين حبيبتي
وان شاءالله مافيج الا العافيه |
الله يسلمج حبيبتي ..
اجر وعافية ان شالله الله يسهل عليج العملية وتقومين بالسلامة وين بتسوينها وعند منو ؟؟
|
المشاركة الأصلية كتبت بواسطة kitten-85
الله يسلمج حبيبتي ..
اجر وعافية ان شالله الله يسهل عليج العملية وتقومين بالسلامة وين بتسوينها وعند منو ؟؟ |
الله يعافيج عمري ويسلمج ربي
والله سويتها يوم الثلاثا في مستشفى مبارك عن دكتوره زهراء اسماعيل ودكتور ضاري الوقيان وهذا الدكتور شباب مو كبير بالعمر
بس حيل حيل تعبت وعقب العمليه حسيت بالام الجروح لانهم ماكانوا معطيني مسكن
وعقب لم طلبت منهم عطوني مسكن اسمه ترامال هذا بس يدوخ وينوم ومت من الالم جنه قاعديين يسوون لي العمليه بدون بنج
انا قبل شهر مسويه قيصريه وماحسيت بالام مثل عمليه المراره مع ان عمليه المراره وايد سهله مثل مايقولون
بس نصيحه اللي بسوي عمليه المراره ياعنده واسطه او يروح خاص
لان صج عانيت عندهم