|
|
السلام عليكم ..
بنات بغيت اسأل منو مسويه تحليل الدم اللي على اساسه يحددون شاللي يسمنج وشاللي ما يأثر بسمنتج ؟؟
انا اليوم سوويت التحليل .. وان شالله من توصل نتايج التحليل من المانيا يبلغوني واروح العياده .. وانا قلت مالي الا هالطريقة لان جربت كلللل شي بس امشي شوي واخرب ..
بس بغيت اسأل منو مسويه او تعرف احد من خواتها اهلها مسوين ..
نفع معاهم ؟ مشو عليه عدل ولا خربطو ؟ كانو يسوون رياضه معاه؟
وووياليت تشاركونا يومياتكم في هالموضوع للي يسوونه حاليا ً .. وشكرا ً
أنا ودي أسويه وقالولي تكلفته150 دينار,,,,
الصراحه واااايد ,,,,,
فياليت اللي سوته تحطه لنا وتذكر لنا فصيله الدم علشان الكل يستفيد,,,,
ولها ان شاء الله الدعوه اللي تسرها,,,
الله يعافيج جاي وحليب حطي النتيجه اذاطلعت,,,,,
بس شكلها بطول شكثر تاخذ علي ما تطلع,,,
ويزاج الله خير علي هالموضوع السنع.
اي والله وايد حسبي الله على بليس..
بس احنا نزلولنا عشتو سووه 125 لانه انا واختي مسوين ..
والله هاذي اللي اليوم قالت لنا تاخذ من اسبوعين الى 3 اسابيع على ما توصل ..
انا مابي احبطكم بس راح اقولكم
انا مسويه هالتحليل من سنتين حلو
وعلى اساس اوقف الممنوعات واضعف
وكنت مستانسه عبالي صج التزمت والى ابعد الحدود
بس النتيجه مابشرت بخير ولانزل وزني ولا شي بس
قطيت فلوسي على فاضي بلاش وتعبت نفسي على ولا شي
على فكره ان سويتا ب 120 مو150 في المختبر الالماني اللي بالجابريه
بس تشجعوا يمكن يفيد معاكم
وعطوني ممنوعات ومسموحات
قائمة في جدول أخضر وأحمر
ومن فترة شريت كتاب فصائل الدم (o+)
نفس نتيجة التحليل
وان شالله لي مشيت عليه اقولكم التطورات 
شنو فصيلة دمج ؟
ودي اسويه ..وين سويتيه جاايووو
بنت الكويت .. فصيلتي O-
جهراويه .. الله يبشرج بالخير.. انا احب الردود اللي جذي :>
والله سويته عند المختبر الالماني مكانهم بالجابريه .. بس عندهم خدمة لما تحللين ايونج البيت ياخذون منج الدم .. يدرون فينا شعب متكيييسل ..
اذا تبين رقمهم عند اختي اخذه منها
اذا جوللبيت اغلى ..انا اروح لهم عادي ..
بس خل تنزل الميتييين لووول[
وترا عادي ماكو زياده بالسعر اذا يو البيت نفس الشي
فأرخص لكم اشتروا كتاب ريجيم فصائل الدم وطبقوه طبعا مع حساب السعرات الحرارية لاتزيدون عن 1000 او 1200 سعره يوميا
وان شاء الله تنزلون