|
|
السلام عليكم
هذا اول موضوع لي في هالقسم بصراحه هذا الموضوع وصلني ايميل وحبيت انقله لكم
اكييييييد كل ام تحب تدلع بنتها فعشان جذي حطيت لكم الموضوع والموضوع طويل شوي وان شاء الله يعجبكم 
موضوع نسائي بحت
قبل ما نبدا لازم تفهمي حاجة مهمة عن الدلع
– الدلع مومعناه المياعة والنوم وقلة الشغل زي ما البعض فاهمين لاااااااااااا
– الدلع سلوك انثوي طبيعي موجود في تركيبة كل انثى بس في ناس تنميه وفيه ناس تدفنه
– عشان تتدللين بنتك وتعلمينها الدلال من صغرها وتحافظ على انوثتها وجاذبيتها بحركات بسيطة :
– انتي قدوتها في كل شئ فكوني خير مثل يحتذى
– دلعي بنوتتك في كل شئ (مظهرها-سلوكها-قناعتها عن نفسها)
أولا /مظهرها الخارجي:
اهتمامها بنفسها-شعرها-لبسها-اكسسواراتها-دولابها-فساتينها -حركاتها
في البيت
– لبسيها بجامة حلوة
سليبرز أو أحذية البيت
بلوزة مع تنورة شياكة
شوفي الدلع الطفولي والفطري (طبيعي ولاااااااايق)
علميها اول ما تصحى الصباح تفرش اسنانها وتتوضأ وتصلي
– تبدل ملابسها وتختار هي الشئ اللي نفسها تلبسه من الدولاب بمساعدة منك (طبعا لازم تعلمينها كيف تختار وكيف تنسق ) يعني مو تروحين السوق تشترين لها خليها تشارك في الاختيار عشان تتعلم ولا تلغين شخصيتها خلي عندها ثقة بذوقها( وانا اعرف حريم ترسل بنتها مع ابوها وتختارعلى كيفها) غلط
لالالالالا افراط ولا تفريط روحي معها ووعيها باللي يصلح واللي ما يصلح من ناحية الستر او من ناحية الالوان او من ناحية القيمة
– وبعدين اختبري بعد كذا اختيارها اذا كان مناسب اعطيها حرية الاختيار بعد كذا ودائما قولي لها انا اثق بذوقك
– شاوريها في لبسك لما تلبسين وقولي لها مثلا: طلعي لي اساور لايقة على لبسي –طيب ايش رأيك لو اخذنا ذا اللون وهكذا
والتقدير يزرع الثقة
والثقة ركن اساسي للدلال(عمرك شفتي وحدة دلوعة وماعندها ثقة في نفسها؟؟؟؟)
– وصدقيني العلم في الصغر كالنقش في الحجر
– اشتري لها منتجات عناية بالبشرة خاصة بالاطفال من كريمات لوشن- شامبو
وعوديها دائما تعتني في وجهها يديها-رجلينها وتلبس شراريب عشان تحافظ على نعومتها
عوديها ترطب شفايفها باستمرار خاصة في الصيف واحلى مرطب(لابيللو) اشتري لها واحد خاص بها واذا مافيه الفازلين مافيه منه للشفايف
يتبع لا أحد يرد
– خليها تلبس اكسسوارات اطفاااال(اساور –حلق-خاتم-ساعة يد) وحطي تحت كلمة اطفال مليون خط (لاتلبسيها شئ اكبر من سنها)
شعر طفلتك :
– عوديها تعتني فيه لانه تاج الجمال، اشتري لها مشط بنوتي
اطواق وشباصات
يتبع لا أحد يرد
ويبقى الجزء الاكبر من المهمة مسئوليتك كأم 00ابدعي في تسريح شعرها لتظهري جمال طفولتها البرئ:
الترتيب والتنظيم
من اهم صفات الانوثة التي تزرعينها في طفلتك : الترتيب والنظام
– اذا صارت تعرف الوقت اشتري لها ساعات بنوتية على ذوقها
عوديها تبقي شئ من مصروفها على جنب و جيبي لها حصالة او بوك بناااتي حلوو
-عوديها ترتب دولابها بنفسها وتنسق مع كل لبس اكسسوار وشنطة وجزمة
– اوكلي لها بعض الاعمال البسيطة في البيت عشان ما تكون اتكالية
في تكمله لاحد يرد
حمام طفلتك (اكرمكم الله):
لازم يتنظف باستمرار
حطي لها شبشب طفولي حلو
وبلمسات منك يطلع احلى
اكسسوارات حمام ناعمة
روب حمام بناتي نظيف يفتح النفس
مناشف صغيرة وحدة لوجهها الحلو ، ووحدة تجفف فيها المنطقة الحساسة بلطف (لها وحدها)
خليها تستخدم عطورات اطفااااااااااال واكرر حطي مليون خط تحت اطفال(تكفون عطور حريم لااااا)،بس بشرط علميها متى ووين تستخدمها
شطفي ملابسها بعد الغسل بداوني او كومفورت وخذي روائح حلوة وطفولية خليه مخصص لملابسها هي بس
غرفتها
– خلي كل شئ فيها يحكي انها بنت (مفرش السرير-الدولاب- ساعة الحائط-صندوق الالعاب-الستارة-اللوحات
– وما اقصد يكون كل شئ وردي لالالا،ولا اقصد شئ غالي ومكلف ، البساطة مع الاناقة والتنسيق احلى مليوووون مرة لمسات بسيطة منك تخلي غرفتها اررررروع من الرووووووووعة
مكتبة طفلتك
حطي لها مكتبة في غرفتها وحطي فيها كتب وقصص مناسبة لعمرها وحببيها في القراءة والثقافة عشان تطلع مدلعة على سنع مو على فراااااغ وجهل
باجي الجزء الاخير من الموضوع لاحد يرد
في الحفلات والعزومات البسيطة
لازم تعرفين ان مظهر طفلتك من مظهرك واناقتها مكمل لأناقتك
يعني مو معقولة تشوفين وحدة انيقة ، ولما تشوفين بنتها تلاقيها مبهذلة
لبسيها فستان انيق ساتر وحلو والوانه زاهية او بلوزة وتنورة مخصصة للطلعات وابتعدي قدر المستطاع عن الفساتين ذات الظهر العاري او ذات الخيوط من فوق الاكتاف او القصيرة بشكل منفر وخليها تتعود على الستر-حطي لها طوق على شعرها أو شباصات مناسبة
في الافراح والعزومات الكبيرة:
لبسيها فستان (منفوش)على قولتنا يوم كنا صغار كنا نمووووت فيها،
وتكفين لاتحطين لها ولانقطة مكيااااج) احلى شئ في الاطفال يكونون على طبيعتهم
حطي لها مناكير او حناء(يازينها في يد البنوتات)
وتسريحة حلوة مناسبة للاطفال
اتمنى الموضوع عجبكم وتستفيدون منه
وللامانة منقووووووول
أختكم CooL PrincesS
انا عندي بنت اسم الله عليها بتكمل سنه هالشهر انشاءالله
بس يقولون الياهل يفهم ومن صغرها امعلمتها على التدهن اني ادهن فيها كل اشوي وماتناام الا وكل شي مرتب وامعطره بعد
وصج انها صغيرونه بس لي رحت محل او حتى بلبسها اطلع لها بدلتيين من اختياري واخليها تحط ايدها على واحد منهم والبسها
وحتى وانا البسها واسوي شعرها اسولف معاها جنه وحده عووده واخر شي اوقفها جدام المنظره اوريها شكلها وتبتسم
مادري صج تو الناس عليييها بس هذي طريقتي ومتعوده عليها
اميرات
تسلمين على الموضوع الحلو
مشكوووورة
شكرا لج
اينن تسلم ايدج عالنقل قلبوووووووووو
وراح اطبقة بحذافيرة على بنوتي النتفة
:33_1 185028183: