|
|
شلونكم
ترددت كثير قبل انزل الموضوع بس قلت مالي الا خواتي بكويتيات اسالهم
انا توني متزوجه صارلي 5 اشهر
وزوجي من النوووع اللي يحب يتغشمر عاد انتم تعرفون غشمرة الشباب حيييل ثقيله
فانا اكثر من مره اقوووله انا مااتحمل غشمرتك ترا حييل ثقيله واهو يعاند ويستمر بغشمرته الثقيله
وتخيلووو يعني مره كنت اتغشمر معاه واهوا يتغشمر وبعدين قام وطقني طقه سنعه وقال انه يتغشمر انا ماتحملت عطيته نظره وماكلمته ورحت للغرفه الثانيه
المهم لما جا قلتله وخر عني مابي اكلمك اهوا زعل من هالكلمه
طبعا اهوا الغلطان يعني انا المفروض ازعل قام اهو زعل طوول اليوم وانا اللي اراضيه
المهم امي تقولي لاتراضينه اهو الغلطان بس مادري احس قلبي مايطاوعني
واهووو دايم يزعلني وبالاخير انا اللي اراضيه
مادري شسوي بس هم انا الزعلانه وابيه يعترف بغلطه
انتم شرايكم 
ماعليج دام انتي تعرفين طبعه وغشمرجي عاادي حبيبتي طووفي بس قولي غشمرتك تراا ثقيله خففهاا شوي
والا لك يوم بالغشمره تسوي فيني عاهه
راضيه بس حسسي انه غلطان
يعني شنو وين قاعدين يطقني واحنا تونا ماصرلنا سنه
ام ضاري تخيلي انا ازعل وانا اللي اراضي والله حاله
نورتي حبيبتي الموضوع بس وربي احس كرهت الزواج 
الجسم يبقع ويزرق ولا اكو فايده فيهم لوول
انا ابوي ليلحينه يتغشمر مع امي هالغشمره هههه
بس انا اشوف في شي غلط سويتيه انج قلتي حق امج
ما يصير كل شي يصير بينج وبين ريلج تقولين حق امج حتى لو عن الغشمره …
ومافيها شي اذا تنازلتي وراضيتيه بس هم اهوا لازم يراضيج يعني اذا شفتي شي غلط سواه وزعلتي حاولي ما تكلمينه
ولا تقطين كلام عليه تهاجمينه عشان ما يصيد عليج شي ويقلب الزعل لصالحه جربي تسوين جذي …
والله يخليكم لبعض ياا رب ويسخر زوجج لج قولي امين 
اي والله مثل ماقلتي جسمنا يزرق ويحمر واهوا ولا حاس ههههههه
لا والمشكله يسال ليش ايدج مزرقه
فديتج حبيبتي ع الرد
زوجي يقط علي مزحة ثقيله اقلبها نكد عليه
انا نفسج ريلي لما ازعل
اهو ينفس بعد وما يفكر
كللللللللللللللللللللللللللللللش
انه يراضيني
عاد انا اكلمه واطوف السالفة عادي
بس لي تراضينا وصا يكلمني عادي
اقوله ترى انت مضايقني
ولازم تراضيني
عاد شوفي عالمزاج
يا يراضيني يا يطنش
ويقول شكو انا مو غلطان
الله يكون بالعون حبيبتي
الوضع الطبيعي لما احد يغلط يراضي الثاني
صح كلام امج
والله يوفقج
او اذا طقج لا تزعلين لا ابجي حيل ووريه انج تعورتي وان هذي مو غشمره خليه يحس ان صج عورج .وقعدي ابجي ودموع وساناسيل وزعلي ….
وفي طريقه ثانيه عوريه مثل ما يعورج عشان تاخذين حقج بايدج……..
والطريقه الثالثه لا تغشمرين وياه كلش وقوليلا انا ما حب الغشمره وياك عشان انت تعورني
مع ان الدفش طول عمره دفش مثل ريلي ولا ويحب يعض بعد
خخخخخخخخخخخ والله وناسه بس مرات ينسى نفسه وهو ايده ثقيله يمه مره تغشمر معاي وانا حامل
يماااااااااااا بغيت اموووووووووووت …!! بس ماحب اكسر فيه وازعل …
اذا انتي ماتحملين قوليله عادي …!! مابيك تغشمر معاي غشمرتك ثقيله وان زعل لاتراضينه ,,!!
ثاني شي لما يبدي غشمرته الثقيله تلصقي فيه وطالعيه بنظره حلووه قوليله شوي شوي علي 