اللي عندها خبره بالبحث عن عمليات الخشم

السلام عليكم بنات و عيدكم مبارك

طالبتكم يا بنات

انا خشمي مره حجمه كبير بالنسبه لملامحي بدون مبالغه مغطي على كل ملامحي محد ينتبه من كبر خشمي
و بشرتي دهنيه و انا عارفه عمليات الخشم اصعب مع البشره الدهنيه
ابي دكتور يصغر خشمي بطريقه حلوه بدون ما تبان فتحاتي مسحوبه او مفعوصه. انا ابي نتيجه طبيعيه بس مابي كأني مو مسويه شي …ابيه يصغر و يبان انه صغران يعني يبي لي تصغير نص حجمه بس بدون ما يصير شكله بلاستيكي

انا مستعده اروح عند اي دكتور يعطيني النتيجه اللي انا ابيها ما يهمني وين مكانه

دكاترة لبنان ما اثق فيهم بعمليات الخشم اكثر من تجربه بالمنتدى ما اعطوهم النتيجه المطلوبه
انا مايله لدكاترة ايران شفت موقع الدكتور بهزاد فروخي بس اخاف ما يسوي لي اللي انا ابيه و انا مافيني حيل اسوي عمليتين صراحه

اللي تعرف دكاتره ايرانين بطهران او اي منطقه بايران ممكن يسوي لي اللي انا ابيه تعطيني موقعه او رقمه

و حتى اذا دكاتره مو بايران باي مكان قريب او بعيد لاني مره يآسه و الله

و اللي بيقولون لي عن الحكم الشرعي جزاهم الله خير مقدماً انا عارفه الاحكام و انا طالبه مساعده و ليس فتوى اذا ابي فتوى بروح عند رجال الدين ذوي الاختصاص

شكراً بنات و انتظركم و لا تنسون هذي مو مشكلتي بس مشكلة كثير بناات و اكيد اذا تساعدنا و سوينا مرجع للحالات اللي زي خشمي بتكونون ساعدتوا كثير بنات و بميزان حسناتكم و انتوا عارفين الارنبه اصعب من العظم

عندج الدكتور روجيه عياده الصفاه الامريكيه يسوي خشم حيل حلو انا مسويه عنده صاريلي ١٥ يوم وسعر عمليه ٢٠٠٠ روحي وشوفي

تسلمين حبيبتي بس انتي شايفه احد نفس حالتي مسوي عنده؟ و كيف كانت النتيجه ؟ و انتي وش كانت مشكلتك عضم و الا نفس مشكلتي ؟

حتى انا ابي اسوية ان شا ء الله لاني متعقده ونفسيتي تعبانة منه وخلاص اتخذت القرار باذن الله

اب اب لعيونج

عاشقة الانوثه ان شا الله اذا سويتها و ضبطت بحط تجربتي

مس استي لودر تسلمين <3

رفع

بنتي سوت خشمها عند خالد الصبيح ب2000 دينار بس فاجأني لما قال ان الذقن وايد صغير طبعا هالكلام قبل العملية وقال انه راح يحطلها شي عند الذقن راح يغير شكلها وبالفعل طلعت تهبل وسوا الذقن ب700 والمستشفى خذوا 330 وسامحيني طولت عليج بس حبيت افيدج

شكرا حبيبتي بس ما افكر اسوي عند اي دكاتره عرب لان مافي واحد اثبت نفسه انه زين و مو ورا الفلوس بس لحد الاآن و هذا رايي

شكراً اقين

[نصيحه روحي تونس ترا بنات فرنسا يسافرون لها عشان عمليات التجميل وخصوصا الخشم والله هذا كلام ثقه من وحده فرنسيه وهي نفسها ناويه تروح تونس تقول ان معروف عندهم في فرنسا ان دكاترة تونس شطاااااار لانهم دارسين في. فرنسا وارخص بكثير من اوروبا