|
|
الوان المنتدي كانت احلى الحين فاتحه حيل صح
انا يا بنات عندي دبلوم سكرتاريه وحبيت اكمل وآخذ بكالوريوس وأغير التخصص طبعا المهم قدمت على أجازه دراسية وانقبلت ولله الحمد والمنه وآخذت اجازه دراسية مبدئية وقدمت على الكلية وقبلوني والحمدلله بعدين رحت امس الأحد للعديليه علشان آخذ لمن يهمه الأمر وافتريت على مباني الهيئة كلها لا اضحك وياكم رحت مبنى 1 ومبنى 7 مبنى 3 تدرون ليش الورقه من مكان والتوقيع من مكان والختم من مكان والطابع بعد من مكان الله المستعان المهم خلصت ورحت سيده للتطوير والتنميه علشان اوقعها وبعدين اروح الديوام جااان تعطيني الموظفة تقريبا اربع اوراق عبيت بيانات فيهم ووقعت تعهدات كثر شعر راسي .
المهم قالتلي الموظفه روحي وراح ندق عليج بعد كم يوم علشان المديره مشغولة بعد ماتوقعها ندق عليج وتاخذينها للديوان وانا هذي كانت اهم خطوه اسويها لأن اذا الديوان خلصها اوديها الوزاره وبعدين ما عاد اداوم بدوامي .
الأسئلة اللي ابي اسئلكم اياها يالخبيرات هي كالآتي :
- متى تخلص الورقة من الديوان .
- وين اوديها بعدين .
- شكثر اقعد اداوم يعني تسعه كله لأني خايفة تبدا الكلية وانا للحين أنطر ورقتي تخلص في دوامي .
- وبالنسبة للتعهدات اللي وقعتها الموظفه قالتلي اي اجراء تاخذينه لازم تقولين لنا شتعرفون عنها .
- ودوامي خلاص ما ارد له ليما اخلص الأربع سنوات دراسه ولا ارد له كل ما عطلت الكليه ترى انا في مدرسة .
- وعطوني معلومات حسب خبرتكم يعني متى اراجع الديوان اثناء دراستي
.
مشكورين مقدما واتمنى ما تخلوني لأني احبكم واحب هالمنتدى العجيب واعتبركم خواتي
|
المشاركة الأصلية كتبت بواسطة كاني و ماني
 الأسئلة اللي ابي اسئلكم اياها يالخبيرات هي كالآتي :
. مشكورين مقدما واتمنى ما تخلوني لأني احبكم واحب هالمنتدى العجيب واعتبركم خواتي |
وعليكم السلام هلا اختي 00 اول شي مبروك على القبول والله يوفقج انشالله 00انا ماخذه اجازه دراسيه بعد وصارلي سنه بكلية التربية الاساسيه
الورقه تخلص نفس اليوم من الديوان لازم يكون معاج احد يكفلج مثل ابوج او زوجج ولازم معاه شهادة راتبه 00 بس في خطوة موذاكرتها بالضبط تصير قبل روحه الديوان او بعدها انج تصدقين جم ورقه بالوزارة 00 المهم وانتي بالديوان راح يقولونلج انهم يطرشون الاوراق الى الجابريه مركز التنميه والتطوير ويدزون نسخه حق مدرستج او انتي تودينها للجابريه و للمدرسه على حسب وضعهم ولما توصل تسوين اخلاء طرف وتقولين مع السلامه بايباي حق الادارة يعني يمكن اداومين اول اسبوعين من شهر 9 وراح تروحين الكليه وللحين مابلش الدوام عندهم وبالنسبه حق التعهدات مثلا حابه توقفين قيدج او تتركين الدراسه يعني مثل هالشغلات يعني قبل لاتسحبين اوراقج من الكليه لازم تبلغينهم فهمتيني بس انشالله تكملين دراستج احسن من الدبلوم والدوام ماتردينله لما تخلصين الدراسه 4 سنوات وكلما تخلصين كورس وتنجحين باذن الله تروحين قسم التسجيل بالكليه وتاخذين نسخه من شهادتج وتصدقينها من نفس الكليه تحطين طابع ويختمونها لج وتودين نسخه مصدقه حق الديوان ونسخه مصدقه ثانيه حق الجابريه مركز التطويروهالشغله بعد كل كورس ضروري علشان يحسبونلج عدد الوحدات المجتازه 00 بس ماقلتي باي كليه انقبلتي ؟؟ اذا التربيه الاساسيه حاولي تاخذين بالكورس على الاقل 16-17 وحده مو اقل هذي من توصيات مركز التطوير
وانشالله اكون فدتج
الله يوفقج دنيا وآخره قولي آميييييييييييييييييييييييييييين واللي يدش الموضوع يقول الله يجزاها الف الف خير
اكيد يا حياتي افدتيني الصراحه هالمنتدي صج يستاهل الواحد يشارك فيه تعاون ومتكامل من مجاميعه على قول المصريين
انا انقبلت في كلية التربية الاساسية تخصص التربية الخاصة تفوق عقلي تخصص جديد ويمدحون دوامه وفيه ان شاء الله اجر وراح اسمع نصيحتج واخذ اكبر عدد وحدات بس يقولون ان الجداول اول كورس جاهزه واختار منها يالله الله كريم مشكوره مره ثانيه وفديتج يا اطيب عضوه
وبالنسبه حق الجداول الثابته يكونون على 14 و15 وحده انتي اختاري بو 15 وحده او يمكن يصير فيج نفسي خلصوا الجداول فعطوني موعد وسجلت من النت والحمدلله كانت خيره سجلت 17 وحده
يالله موفقه واذا بغيتي اي شي راسليني على الخاص
السلام عليكم اختي
الف الف مبروك القبول بس ياريت تفيديني الله يوفقج يارب ويسهل امورج
بغيت اعرف شلون طريقه القبول .. يعني جم نسبتج اللي قبلوج فيها ؟ وهل شهادتج يديده ولا قديمه ؟ وفي واسطات ولا لا ؟؟
ياريت تفيديني لان ناويه اكمل والله يوفقج يارب