اللي عندها خبرة بخااام الجوخ والتيجان ؟؟؟

السلام عليكم 000بنات الله يعافيكم 00اللي عندها خبرة بعمل التيجان 000انا ناويه اسوي تيجان للبيع وابي خبرتكم 0000اقدر استعمل خام الجوخ على التاج 000يعني احطه على التاج كله بدال شريطة الستان 000ينفع او لأ ؟؟؟وشلون تسووون اشكال على خام الجوخ ؟؟؟وشاكرتلكم

اي يصير حبيبتي حطي التاج ورسميه على الجريده او باترون وسوي منه قطعتين بعدين خيطيه من الاطراف بغرزة البطانيه وبس
والاشكال حق الجوخ رسمي اي شكل تبينه وبعدين حطيه على الجوخ وقصيه
انشاء الله استفدتي

روحى الصفاة ..محلات الكلف ..اكو جوخ مقصص اشكال و الوان ..و انتى و شطارتج و ذوقج قعدى ركبى الالوان و الديزاينات ..
اكو موضوع للعضوة المتميزة عهد الامل ..رووووعة ..دوريه و شوفى ردودها و شنو حاطة ..راح تستفيدين وايد منها

السلام عليكم
حبيبتي في محل بدسمان عنده اشكال جوخ روعة وافرلك من الصفاة وانظف من القص اليدوي
واللة يوفقج يارب

وعليكم السلام
اختى ما انصحج تحطين على كل التاج جوخ بيطلع شكله مو حلو
شوفي اشتري تيجان وربطات الوان واشكال بالاساس اهي حلوه وملونه ونوعها تمام
واحلى شكل لجوخ التيجان اهو الورد سوي طبقات والوان وفوقه تقدرين تحطين احجار او اي ديكور صغير
واشتري بعد قلتر ترى ينفعج للجوخ ايبسه لج ويصير احلى
والله يوفقج حبيبتي

الله يوفقج حبيبتي

حبوبه في عند البلوكات محلات وايد فيه على خام الجوخ مقصص وفيه على ريش وفيه كاملين انتي بس تجيبين تاج وتلزقين الشغله على التاج

مشكووووورة حبيبتي

يسلموا على المرور ويعطيج العافيه

جزاج الله خير

مشكورة حبوبة ويعطيج الف الف عافيه

الله يوفقج بس ما انصحج تلبسين التاج بالجوخ لبسيه بشريط ساتان ام مخمل تلاقينه عند الكلف و تلاقين مرات تيجان ضعيفه ذربه حتى مو محتاجه تلبيس وفالج التوفيق