اللي عندها اي معلومه عن الصيدله تدش بليز

السلام عليكم

شخباركم بنات !!

انا بدش بالموضوع على طوول ..

انا ان شا الله مفكره ادش صيدله بس ما اعرف شي عنها الا اذا تخرجت اشتغل بالمستوصف او بالمستشفى صيدلانيه بس هذا اللي اعرفه و اعرف بعد ان الصيدله لازم ادش كليه الطب اول سنه و مع اللي بيروحون طب بشري او اسنان هذا اللي اعرفه بس ..

الله يوفق اللي ترد علي ..

ابي اي معلومه تنفعني مثل : سنوات الدراسه !!

او المعاش !!

و شنو نوع دراستهم (بالعربي / الانقليزي ) !!

محتااااجتكم لانكم انتو خواتي انا مالي غير الله ثم انتو !!

ان شا الله تردون علي ..

هلا حبوبـه انا ما عندي فكرة بس حبيت اساعدج هذا اقتبـاس من موقع جامعـة الكويت بتلاقين ان شاء الله الاجابة حق سؤالين سألتبهم ; )

كلية الصيدلة

أنشئت كلية الصيدلة بموجب المرسوم الأميري الصادر في فبراير 1996. وتقع في الجابرية بالقرب من مبنى كلية الطب. وهى تمنح خريجيها درجة البكالوريوس في الصيدلة، ومدة الدراسة بها خمس سنوات [ 10 فصول دراسية]. وتتطلب الدراسة بها التفرغ الكامل والحضور المستمر. ولغة التدريس بالكلية هي اللغة الإنجليزية

((((( وتتطلب الدراسة بها التفرغ الكامل والحضور المستمر)))))) :s

تسلمين يا قلبي والله انج عسسسل ..

الله يعطيج العافيه ..

هههههه خفـتي من هالجملـه هـا الله يسلمـج حبـوبه ويكتب لج اللي فيـه الخيـر

ههههه اي

آمين ..

رفع ..

ما عندي أي معلومه
بس الله يوفقج ان شاء

مشكوره ع المرور ..

و الله يوفقج بدراستج ..

ما فيه احد ..

وينكم ؟؟؟

رفع ..

وينكم محد يعرف شي ؟؟

رفع ..

الصيدلة برأيي احلى تخصص للبنت واذا كنتي ناوية ادشينها شدي الهمة حيييييل بس لازم تكون لغتج الانكليزية زينة وايد حتى تمشين فيها لأن الدراسة بالانكليزي واغلب الطلاب اما من المتفوقين حيل فتكون لغتهم زينة او خريجين مدارس انكليزية وبعدين لازم تجتازين اختبارات القدرات (الانكليزي والكيمياء والرياضيات) بنسبة عالية واذا دخلتي العلوم الطبية فأول سنة حتكون تقرير مصير يعني لازم تستميتن بالدراسة حتى تدخلين صيدلة وما يجبرونج تحولين لتخصص ثاني..وبالنسبة للوظيفة اكيد حتكون حلوة مو مثل اللي دارسين دبلوم صيدلة يعني انتي المشرفة عليهم بالصيدلية وتقدرين تفتحين صيدلية باسمج .. يله شدي حيلج مافي شي مستحيل والله يوفقج ويحقق أمنيتج.

مشكوووووووووووووووووووووووووره حبيبتي و الله ما انسالج معروفج ..

بس ما تعرفين كم معاشهم اول ما يتوظفون ؟؟

اللي سمعته انه يبدأ اول شي ب900 دينار ويوصل ل1200 دينار
موفقة حبيبتي

مشكوره و الله يوفقج و يسهل لج امورج ..