اللي عاشت قصه حب قبل الزواج تتفضل بلييز

شلونك كويتيات
حبيت اقول لكم عن حالتي انا احب ولد عمتي و اهوا يحبني و احنا متفقين على الزواج بس انا مااكلمه كل يوم و لا اشوفه واايد مرت علي فتره ما شفته قـالي ليش هالغيبه ترااا صرت متعود مااشوفج و لا اسمع صوتج صاار عاادي عندي غيابج و بعد فتره قالت لي عمتي انه عنده علاقه مع بنات وانه يخون و انا مااحب اللي يخون ماني عارفه شنو اسوي معاه و المشكله الاكبر انه اذا خطبني من اهلي ماراح يرضون فيه لانه الكل يقول انه مو خوش صبي ابي حل ماني عارفه شنو اسوي انا اموت عليه و الله
وانت

ملاحظه : اللي ما تعترف بالحب قبل الزواج يا أنها ترد رد حلو ولا لاترد

الي كاتبه لج ربج راح يصير واذا كنتي تحبينه حاولي تغيرين من طبعه علشان يغيرون اهلج رايهم فيه وكل انسان يتغير مع الوقت والله يكتب الي فيه الخير

انا اعرف الحب الي قبل الزواج بس الحب النظيف الطاهر بدون علاقات بنات يعني
احسنلج وخري وبتنسينه الحين احسن من انج تعورين قلبج ولو كان لج مكان بقلبه جان ما فكر يحط نص بنت
بدالج وتقبلي رايي

حبيبتي حاول تغيرينه واذا اهو صج يحبج بيسوي الي تبينه عشان يرضيج ..
واذا ما تعدل انتي بعدي
ادري مو سهله حبيبتي
بس حاولي
عشان مصلحتج
وانا حاسه فيج والله 🙂

سؤال مستغربه منه

امه شحقه اتييلج تقولج ن ولدي عنده علاقات ويخون !!

مادري يعني ماتوقع في ام تطلع عيوب ولدها

بس برايي دام كلامج عمتج صحيح انا انصحج تتركينه

والله يوفقج حبيبتي

ههههههههههههههه نفس تفكيري

اول شي الي يحب تنترس عينه ومايطالع غير الي يحبها

الي عندج اسمحيلي مع احترامي لج مراهق عنده الحب سوالف علاقات وخرابيط

وبعدين شالحركه البايخه عمتج تقولج ولدي عنده علاقات؟؟؟؟

شنو متوقعه منج يعني لجنه اصلاح ولاشنو؟؟

والله على حسب مااشوف شكله حتى عمتج بتكرهج فيه ماتبيكم لبعض

سوري على هالكلام لكن الكتاب باين من عنوانه

Gourges

الله يعطيج العافيه كفيتي ووفيتي

انا اأيدج 100%

انا مع حبيبتي Gourges كفت ووفت بصراحة والله يكتب لج اللي فيه الخير والصالح وييسر امورج ويرزقج بولد الحلال اللي يحبج ويخاف الله فيج ويحطج بعيونه ان شالله يارب !!!

أنا ماكنت أؤمن بالحب قبل الزواج .. لكن عشت الحب قبل الزواج وآمنت فيه ..!!

حطي في بالك النصيب والمقسوم بتاخذينه من رب العالمين ..

ثاني شي بهالأمور لازم عواطفك ماتغلبك خلي عقلك وتفكيرك بعقلانية

وأنتي أكثر وحدة تعرفين إذا ولد عمتك هذا حق زواج أو لا ..!!

مهما نصحناك وقلنا لك أنتي أكثر وحدة لازم تقررين ..!!

كل شاب له سوابق مستحيل يكون ماكلم بنات .. لكن أنه يستمر وهو على وجه زواج ..!!

يعني لو يحبك ويفكر أنه تزوجك مافي بنت بتكون بحياته ..!!

قولي له أنا بنت خالك وأبي أشوف مدى تمسسكك فيني .. سمعت عنك سوالف وش كثر ..!!

تبي تحطني بعيونك أحطك بعيوني .. تبي تشريني عمري ماراح أبيعك ..!!

الحب يعني تضحية وعطاء ومو حبني وأحبك عالهواء

الحب لحاله مايوكل عييش ..

ولحظتهااا بتشوفين مدى حرصه على علاقتكم ..!!

وبتعرفين إذا هو حق زواج أو لا ..!!

أنا عشت قصة حب وماتوقعت توصل للزواج ..!!

دست على قلبي وفكرت بعقلانية والحمدلله متملكة صااار لي خمس شهور

خلي لك هيبة بهالأمور وشخصيتك لأن الزواج حيـــــــــــــــــــاااة ومسؤلية

الله يوفقك ويكتب لك الصالح

تعالي امه شكو تدري في علاقتكم بعدين ليش تقولج

مادري وقفت عند ها النقطه هذي ابي جواب لها

دام ولد عمج بيوفقون قصب لو بيقول احير بنت عمي ولا احد يتزوجها مع ان مافي تحير بها الزمن

وبعدين تعود على غيابج لان في احد مسليه ومبعد عنج عشان جذي قال بعدج صار عدي

اذا هذي بدايتها ينعااف تاليها … صدقيني طيعي اهلج لان مايبون لج المضره … وربي يكتب لج اللي فيه الخير ياااااقلبي

تأكدي إذا اهو عنده خرابيط أو لأ.
و إذا عنده ، وخري عنه أحسن و قعدي 6 شهور لا تكلمينه و لا تشوفينه
و إذا قدرتي تسوين هالشيء معناته راح تقدرين تنسينه و تعيشين بدونه
ترى بنت خالتي خذت واحد عنده خرابيط و قال لها تبت و تزوجها و بعد فترة تطلقوا لأنه رجع حق خرابيطه
صلي استخارة و سوي اللي قلت لج عليه

ياقلبي مدام تدرين ان اهلج ماراح يرضون ليييييش معلقه نفسج فيه انتي من الحين مومرتاحه من علاقاته اشلون باجر,
انا متزوجه عن حب وتعبت تعب يهد جبااااال وانا كنت بعدي جاهل مااعرف شي الحب قبل الزواج موشرط اساسي لنجاح حياتج الزوجيه تبقى الاخلاق والعشره والثقه لاتحطين حياتح بئيد واحد له علاقات بس لانج حبيتيه وتعلقتي فيه الحب اعمى حبوبه موكل شي نحبه يكون في صالحنا.
ودامج تموتين عليه هالكثر سويله اختبار شوفي مدى تمسكه فيج مويقولج تعودت على غيابج وتخافين شنو ايتمنن عليج اهو؟!!! فكري بنفسج ولاتضيعين وقت عالفاضي.