اللي صارلها حمل خارج الرحم تدخل ضروري وتفيدني

السلام عليكم ورحمه الله وبركاته

خواتي انا قبل سنتين حصل عندي حمل خارج الرحم وماكنت ادري لمده 4 شهور كل شي طبيعي والدوره كل شهر كانت تجيني لين بيوم كنت قاعده جان احس شي انفجرررررررر داخل بطني وقمت اصارخ من العوار لين وصل الاسعاف ورحت المستشفي وطبعا كنت قاعده اصبصب ماي وحاسه بطني قاعد يتقطع وشكو بالزايده وسولولي تحليل جان يقولون حمل خارج الرحم ولازم الحين عمليه طبعا علي طوووووووول دخلوني العمليات وانا من دشيت المستشفي طبعا ماكنت واعيه علي شي من العوار المهم دخلوني غرفه العمليات وسولي شق بطن واستأصلوا واحد من الممرين مالوت قناه فالوب يعني المرأه بكل دوره تحمل يا من الخط اليمين او اليسار انا شالولي اليمين لأن البيبي انفجر داخل الانبوب وسوا تشوهات فا اطروا يستأصلونه
وللحين ماحملت طبعا قاعده اتعالج عند عياده الدكتوره ماجده اليتامي عندها وحده مصريه اسمها دكتوره سمر بس احس انها مادري شلون مو مرتاحه معاها وشكلي بحول ملفي عند دكتوره ماجده
تكفون انا بسألكم تعرفون وحده صارلها نفسي وحملت بعدين ؟
اللي تقدر تفيدني بأي شي الله يخليكم لا تتأخر علي لأني انا ماعندي اولاد واتمني ربي يرزقني
ومشكورين وعسا كل وحده تحمل وتشوف عيال عيالها يارب

والله مااعرف شيء الله يفرج لك

حبيبتي انا معرف عن حالتج
بس انا نفسج سمر حرام زينة بس انا ما ارتاح لها
ومشاء الله ماجدة ما القا عندها مواعيد الا متاخرة
حولي على شرين نفس العيادة ترى حدها شاطرة
وكل شي تسوية تستشير ماجده وايد حملو عندها
والله يرزقج يارب

والله اختي احس شي منصور العرف الكل يمدحة وبعدين شاطر وكل شي بيد الله سبحانة

الله يارب يرزقج ويرزقنا بالتؤام اللي يعوض عليج يارب

حبيبتي انتي

شوفي انا اختي مثلج بالضبط توه برمضان حست بعوااااار جهة اليمين وراحت لدكتوووره فوزيه القطان وقالتها انتي حامل لج 3 ونص بس خارج الرحم
ونيموها بالمستشفي وشاالوه انبووبها اليمين جذي مثلج لان انفجر البيبي دااخل

وقالتلها تحملين طبيعي وعااااااادي

ووايد عضوات هنيه بالمنتدى يحملوووون

بس انتي سوي كل الفحووصات والتحااليل وربي يعوضج وعوضني قريييييييييييييييييييييييب

حبيبتي امي حملت خارج الرحم وشالو الانبوب الايمن.. وعقب سنة حملت وجابت اخوي ووراه اختي
والله يرزقج بالذرية الصالة اللي تفرح قلبج

والله كلامج صح اهي زينه بس مارتحت لها نفسج بالظبط بس صج انا شكلي بحول علي ماجده احسن
ومشكوره ياقلبي وماتقصرين والله يرزقج ويرزقني بالذريه الصالحه احنا وكل بنت محرومه امين يارب العالمين

amooory
يارب ارزقني بطفل
كويتيه مذهله 87
ام علي ويارا

مشكورييييييييين والله وماقصرتوا والله حييل ونستوني بكلامكم وحسيت انه عادي راح احمل ان شاء الله دام في نفس حالتي وحملوا
الله يرزقني ويرزقكم الذريه الصالحه عاجلا غير اجلا يارب العالمين

انا مرت عمي حملت اول ما تزوجت حمل خارج الرحم ..
وسوت العملية وشالوا الانبوب لها ..

وبعدها اقل من سنه جابت بنتها ..

والحين معاها 6 ما شاء الله عليها ولا كنها فيها شي ..

وعلى فكره انصحج غيري ملفج اللى عند سمر لانها ولا شي ..

روحي لماجده .. واذا قالولج عندها زحمه قولي مو مشكله انطر ..
انا لي سنه عند عيادة البراء .. وكل موعد احدد عند ماجده ..
ودايم يقولون لي عندها زحمه .. اقول مو مشكله انطر لو نص الليل ..

حرام تتعنين للبراء ولا تختارين ماجده ..

انا صار معاي حمل خارج الرحم شهر 5 اللي طاف بس اشوه لحقت على عمري وسولي منظار وشالو الجنين بس ما شالو القناة وقالي الدكتور القناة اللي سوينها فيها العمليه ماراح تشتغل الا بعد 4 او 6 شهور وراح تقعدين على واحد وشهر ونص وحملت طبيعي الحمدالله عند دكتور حسام بدار الشفا

انا صار معاي حمل خارج الرحم مرتين ورى بعض وسويت اشعة الصبغه وطلع عندي الانبوب اليمين مسكر ورحت عند دكتور منصور العرف والحين ربي يتمم علي ويرزق الجميع يارب بالذريه الصالحه حامل لاتخافين حبيبتي الله سبحانه حطلنا من كل شي بجسمنا 2 ان وقف الاول الثاني شغال وربي يسهل امورج ويرزقج

انا اختكم من السعوديه

قلبي انا من ثلاث سنوات حملت وكان خارج الرحم وطبعا استئصلوا الانبوب الايمن عندي

وبعدها بسنتين حملت وبالطقاق بس للاسف اجهضت

والحين لي سنه انتظر الحمل ولا حصل

عموما قلبي اللي في مثل وضعنا لازم منشطات حتى تضمن ان المبيض اللي من جهه الانبوب السليم

ينتج بويضات كل شهر

الله يعوض علي وعليك يارب

الله يرزقني ويرزقك بالذريه الصالحه واخواتي المتأخرات في الانجاب