اللي ساكنه في بيت حمولتها وودها تطلع وتفتك من الجحيم اللي هي فيه,,عندي خطة جهنمية

السلام عليكم ورحمة الله وبركاته,,,,

اما بعد,,,

بنات شلونكم

دايما اقرى مواضيع اللي تشتكي من ام زوجها واللي تشتكي من حماتها واللي تشتكي من تمرد مرت حماها والمشاكل والبلاوي اللي تصير,,,

من تجربتي الخاصة,,,

بنات انا كنت مثلكم,,, الكل اشوف شرير والكل اشوفه حقير والكل اشوووفه نذل بنات تبون تقوولوون من رداتي اي والله من رداتي ليش اني اسات الظن وسوء الظن اثم بس والله اني تبت وعسى الله يسامحني,,,

مثل ما تدرون (ان الله لا يغير ما بقوم حتى يغيروا ما في انفسهم)

قعدت بروووحي افكر قلت ليش ما اشوووفهم بنظرة حلوة واقووول اهم طيبين,,,صدقوني بنات اذا حطيتوا حمولتكم طيبين وحبوبين والله بيصيروون جذي اما اذا حطيتوا في بالكم انهم اشرار وخبيثين راح يظلووون اشرار مدا الحياااة,,,

بنات انا ما اقووول ان كان عندي مشاكل مع حمولتي ,,, لا ,,,, بس كنت اتحاشاهم وابعد عن المشاكل لان دايما يصير بيني وبينهم سوووء تفاهم واهو اللي يخلي الشيطان يلعب بمخي ويقووول ما يحبونج ويكرهونج وخبيثين وحطيت في بالي انهم خبيثين وودي اطلع من البيت اليوم قبل باجر ,,,,,,,,, بس لين ما نبهتني وحدة من رفيجاتي بكلام والله والله عسل والله يجزاها خييير عاللي سوته وانا قلت لها انتي خدمتيني خدمة تفيدني طووول العمر,,,,,اللي اهي شنو؟؟؟؟؟؟؟؟؟؟؟؟

( مع مرووور السنين والاعوام راح تعيشين برووحج وراح تفقدين اللمة الحلوة اللي انتي فيها حاليا مهما عشتي معاهم بالحلوة والمرة راح تشتاقين لهذي الايام اللي انتي فيها الحين راح تقولين اي انا كنت غلطانه وانا كنت غلطانه راح تقووولين الله يذكرها بالخير يوم سويت فلانه كيت وكيت,,,ويوم اكلنا مع بعض ويوم تعشينا ويوم قعدنا اهنييه ويوم سولفنا اهنيييه ويوم تهاوشنا اهنييه ويوم ويوم ويوم,,,,,حينها راح تشتاقين لهذي الايام وتقوولين يا رب عووودها ونتجمع مرة ثانية)

بنات وربي كلامها صح والله العظيم كلامها صح

بنات اذا حطيتوا في بالكم ان فلانة وعلانة ردية وحقيرة ونذلة راح تكون جذي بنظرج واذا حطيتي لها عذر وقلتي في قلبج لا اهي ما تقصد واهي طيبة وربي انها راح تكون طيبه وحلي لسانك تكسب خلانك..

قعدت فكرت بكلامها ومشيت عليه وتعدلت علاقاتي مع ان مع الاكثرية متدهورة بس وربي بنات والحمدلله تعدلت,,,

بنات

باجر اذا كل وحدة فيكم طلعت لبيت بروووحها وتفارقتو لا تستانسون الا راح تندمون لان البيت ماراح يكون مليان مثل الحين اللجة والصجة والنقاشات الحادة والجادة والضحك والسوالف راح ترووح والله

بنات

استغلو كل فرصة حب في بيت الحموله ترا والله ما جمعوكم في بيت واحد الا لانكم بنات حمولة وناس طيبين ويدروون انكم راح تتوالفون

انسوا سوالف غيرة يعني شنو لبسها احلى مني او زوجها احلى من زوجي او او او او

اهم شي انكم اذا طلعتوا من البيت تطلعون والكل يذكركم بالخير والكل يقووول كانت حبوبة وطيبو النعم فيها

استغلو كل فرصة يا بنات وحبوا بعض وهالله هالله بالكلمة الطيبة ترا لها مفعول سحري عجيب

والخالة تراها طيبة ومنى عينها تشوفكم قدامها مرتاحين مع عيالكم حتى لو انها عوبا وقشرة اسكتوا ولا تراددون حتى لو انها سوت اللي ما يتسوا مصيرها راح تقتنع بـ مراح اتعرف قديري لين اتجرب غيري,,,

بنات والله هذا اللي تعلمته غيرت اللي في نفسي وتغيرت حياتي كنت اكره والحين احب وعقب الحب راحه ما بعدها راحه

اتمنى انكم استفدتو مني بنات وبس والله لو اني ما احبكم ما قلت هالكلام لكم,,,,,,,,,,,,,,,,,,,

يعطيج العافيه حبيبتي

وانشالله الكل يستفيد

وانا بصراحه فقدت اللمه لما سكنت بروحي واستاحشت مع اني اول ما تزوجت كنت بروحي لانه اهل زوجي بايعين بيتهم

بس بفتره نساتي كرهت شقتي والوحده وسكنت ببيت ابوي على اساس اسبوع ولا اسبوعين

واحس اني رجعت للحياه مره ثانيه

وزوجي بعد ارتاح وقررنا نسكن بشقه ببيت ابوي والحمدلله اوضاعنا حلوه

الوحده شينه

مشكووورة عالصراحة والمرووور يا قلبي عساج ما تستاحشين والله لا يفرقكم

موضوعج حلووووووووووووووووووووووووووووووووو واايد فديتج 10/10
مشكووره صراحة طريقه حلووووووووووووووة واايد وانا اشكرج من قلبي وانا صجج استفدت من الموضوع واايد واايد واايد وبعد واايد شنو اقول لجج موضوعج سهل وبسيط وحلوووووووووووووووووووووووووووووووووو فديتج حبيبتي على هذا الموضوع

صح كلامج المفروض الوحدة تعتبر ام زوجها امها وتعاملها مثل ما تعامل امها واهي راح تحبها وماترضى عليها وخواتهم جنهم خواتها

مشكوره والله لايغير علي مع حمولتي فديتهم

الله يجزآآآآآآج خيــرر

ويجعلـه بميزآآآآن حسنآتج ,,

وكلآآآآآمج صح ,,

< بنستفيد منج بالمستقبل

حياكم الله يا قلبي وانشالله تستفيدوون وابي منكم دعوه صادقة من ظهر قلب ابي تدعون لي بالهداية

اللي يدشون ويقرون ننطر تعليقاتكم يا حبوبات

كلام سليم 100% يعطيج ربي الف عافيه

عقلج كبير ومشكووورة عالتعليق

انتي والله 100/100

ميرسو عالمرووور

يعطيج العافية
والله يرد زوجج بالسلامة
(توني قارية موضوعج الثاني!)

اميييين يا قلبي

ومشكوورة عالمرووور