اللي دخلت ولدها المجموعه الانجليزيه بسلوى

السلام
خواتي باسالكم عن المجموعه الانجليزيه اللي بسلوى على الشارع
اهيا حضانه وروضه وفيه ابتدااائيه اذا في وحده منكم خوااتي دخلت اعياالها تقولي تجربتها استفاادت والا لاااا
ويعطيكم الف عافيه
وعلى فكرة اهما عندهم نادي صيفي

شوفى حبيبتى انا بغيت اسجل ولدى بحضانتهم بس الماده ما صارت معاى
بس المجموعه اتينن وروعه
حتى مره رحت وقت طلعت اليهال وسالت ام وقالتلى الحضانه اتيننننننن بالضبط والله ولو والله عندى زياده بالمعاش جان حطيته وبدون تردد

بنات ممكن يقبلون ولدي على الكورس الثاني ولا مايصير لاني انا مو بالديرة؟؟

انا ولدى فيها سجلته Pre-kg–بس اول شى كنت مدخلة بنتى الصيف اللى فات قبل لا يفتحون المبنى كانت روعه المدرسات اجانب وتربيتهم على مبادئ,,بس الحين الرسوم زادت والمدراسات اللة بالخير وكله خدم وفلبينيات وسوريات حتى ولا شفت نتيجه مع ولدى بالعكس احس انه تعلم كلمات مو حلوه من عندهم صج صارو حراميه ……بنتى الكبيره فى اكسفورد اولى روضه واذا تبين حضانه انصحج بالمعالى فى الرميثيه رووعه ……..اتنمنى اكون فدتج

انا رفيجتى مدخله ولدها عندهم تقول صاروا حيل خواره فلوس على الفاضى والستاف كله فلبينيات وماتعلم ولاشى ولدها

حتى السنه اليايه بتنقله مدرسه ثانيه

انا دخلت عيالي فيها صيفي بس كانو صغار حمام سباحه وجذي واضن ياخذون علي الياهل بالصيف يا 150 او 200 ماني ذاكره
بس ماعجبني النادي يمكن عشان كانوا عيالي 3 سنين ونص مادري

نا توني امسجله اعيالي فيها ووايد ناس امدحوها حقي وانا سجلتهم حضانه صج غاليه بس امدحوها حييييييل بس الصراحه ياجماعه خرعتوني بردودكم بس بما اني سجلتهم راح اتوكل على الله واوديهم وبغيت اعقب على كلام الاخت ان جميع مدرساتهم انجليزيات مافي الا مدرسه وحده سوريه مالت اللغه العربيه وطبعا ان الخدم مكن جنسيات خدمنا يعني مومعقوله بييبون خدم انجليزيات وانا اقولكم عن ثقه لان ذبلت جبدهم كل يوم رايحتلهم واشوف الوضع عندهم شنو حتى الكلاسات داخلتهم واي سؤال عنهم انا حاضر

شوفى الفنانه 79 … انا ماقلت ان الكلام عن السانى بس هاذى رفيجتى بالدوام كانت مدخله بنتها فيها قبل وايد تمدحها لما الحين دخلت ولدها تقول وايد تغيرت حتى ولدها ماتعلم اى شى مقارنة باليهال اللى يدخلون حضانات اقل سعر

على العموم دامج رحتى وارتحتى لها توكلى على الله