|
|
السلام عليكم
ولدي على نية خطبه باذن الله فياريت اللي خطبت لولدها ولا توها متزوجه تفيدني
اخذ منو معاي للخطبه (امي واخواتي وخالتي وحمواتي)؟ ادري ماله داعي بس الدقه اني ما ابيهم يزعلون
من اول مره ولدي يدخل معانا؟
اخذ طبق حلو معاي؟
شنو نوعية الاسئله اللي اسألها ؟(((والله ما عرف موليه بهالامور )))
امتى احسن وقت نروح بعد صلاة المغرب ولا العشا؟
اذا البنت طالبه شلون نسأل عنها يعني اذا موظفه الاغلب يسألون زميلاتها بالخفا بس اذا طالبه شلون ؟
اذا عجبتنا البنت نرد على اهلها على طول ولا نثقل وننطر جم يوم مثل بعض الناس ؟
جم تقريبا اسعار المهور هلايام ( احنا حضر) ؟
لازم دزه وشبكه مع المهر ؟
شكثر تطول الخطبه يقولون كل ما طولت احسن ؟معنا انا ما افضل (خير البر عاجله )بس بعرف شنو الدارج هالايام
الله يجزاكم خير والله يوفق الجميع
خل اجاوبج على الاسأله؟
اخذ منو معاي للخطبه (امي واخواتي وخالتي وحمواتي)؟ ادري ماله داعي بس الدقه اني ما ابيهم يزعلون
من اول مره ولدي يدخل معانا؟
اختي اول مرة او خالتي اتروحين طبعا انتي مع اختج الاكبيرة واذا عندج بنات اكبار (متزوجات اخذي وحده).لان رايحين اتشوفين البنت ماله داعي تاخذين العايله كلها تاخذينهم ان شاء الله ابقص المهر اذا صار نصيب.وولدج كيفج اذا تاخذينه ولا لأ انا اقول يروح معاكم احسن لان نظرته غير عن نظرتكم وما اتروحون واتيوون ….الخ
اخذ طبق حلو معاي؟
لأ طبعا لييش لوووووول
شنو نوعية الاسئله اللي اسألها ؟(((والله ما عرف موليه بهالامور )))
مافي اسأله الاسأله الي يبيها ولدج يقولها حق البنت وانتو الحريم اتسولفون عادي .
امتى احسن وقت نروح بعد صلاة المغرب ولا العشا؟
بعد العشا طبعا.
اذا البنت طالبه شلون نسأل عنها يعني اذا موظفه الاغلب يسألون زميلاتها بالخفا بس اذا طالبه شلون ؟
الريال يعرف البنت الزينه من الشينه من اسلوبها وطريقه كلامها بس تقدرون تسألون ييرانهم(جيران)
اذا عجبتنا البنت نرد على اهلها على طول ولا نثقل وننطر جم يوم مثل بعض الناس ؟
لأ طبعا ردو علطول البنت اهي الي تثقل وما يردون علطول .
جم تقريبا اسعار المهور هلايام ( احنا حضر) ؟
العاده 4 الاف مال الحكومه بس اذا الله راهي عليكم زيدو الف من عندكم .(البنات خو هالايام يشترون كله خلاجين )
لازم دزه وشبكه مع المهر ؟
لأ مو لازم بس انتي عطيها هديه طبعا سوارة مثلا او طقم ذهب.(تستانس)
شكثر تطول الخطبه يقولون كل ما طولت احسن ؟معنا انا ما افضل (خير البر عاجله )بس بعرف شنو الدارج هالايام
والله انا اسبوعين وعرست واخوي نفس الشي اذا قصدج الملجه طبعا وعلعموم لما اتخلصون شغلكم الي اهوة الاثاث الشقه وهالسوالف يعرسون
وبالتوفيييج وممبروك مقدما نقو عدل عاااد شكلج خاله طيبه حييييييييييييل وعلى نياتج ان شاء تلقين وحده نفسج …..
عليكم السلام ..
ولدي على نية خطبه باذن الله فياريت اللي خطبت لولدها ولا توها متزوجه تفيدني
اخذ منو معاي للخطبه (امي واخواتي وخالتي وحمواتي)؟ ادري ماله داعي بس الدقه اني ما ابيهم يزعلون
من اول مره ولدي يدخل معانا؟
اخذي ثنتين مثلا امج وآخيييتج بس , , لاتكثرييين لأن انتو رايحين خطبه
اخذ طبق حلو معاي؟
اي اخذي ليش لـآ
شنو نوعية الاسئله اللي اسألها ؟(((والله ما عرف موليه بهالامور )))
اممم اسالي شتدرس البنيه .. شنو تحب شنو مآتحب ,, عرفيها على نفسكم شنو عآدآتكم وتقآليدكم .. طبعا ولدج اهوآ الي بيسـأل
امتى احسن وقت نروح بعد صلاة المغرب ولا العشا؟
بعد صلاة العشـآ
اذا البنت طالبه شلون نسأل عنها يعني اذا موظفه الاغلب يسألون زميلاتها بالخفا بس اذا طالبه شلون ؟
جيرآنهم أو أحد يقرب لهم
اذا عجبتنا البنت نرد على اهلها على طول ولا نثقل وننطر جم يوم مثل بعض الناس ؟
لا بالكثير يومين او ثلاثة ايام
جم تقريبا اسعار المهور هلايام ( احنا حضر) ؟
اناا ماعرف مهوركم .. لأني بحرينيه :p
لازم دزه وشبكه مع المهر ؟
على حسب ظرووفكم
شكثر تطول الخطبه يقولون كل ما طولت احسن ؟معنا انا ما افضل (خير البر عاجله )بس بعرف شنو الدارج هالايام
على حسب حبيبتي
الله يجزاكم خير والله يوفق الجميع
حيـآج الله وربي يوفقه ..
بس مالاداعي صحن الحلو !! اول مره اسمع فيه 
وخلي الولد يروح معاكم احسن من اول مره وقولوا ان يبي يشوفها علشان تفتكون من الروحه و الييه
وعسى الله يوفقج ويوفق وليدج ياااارب وتعزمينا كلنا على عرسه
ايي واخذي معاج( اختج و امج ) او بنتج اذا عندج كبيره ومتزوجه و اختج ) مادري احس حماتج و حمولتج كلها مالاداعي الحين ان شاء الله بقص المهر وديهم ومافيها زعل ابد ان شاء الله زاذا اهم من النوع اللي يزعل اخذي حماتج و اختج معاج
انا اقول تروحين انتي و يداته و خالته الكبيره بس ماله داعي كلكم تخرعون الابنيه جذي
و من اول مره ولدج ايي معاكم احسن لان يمكن البنت تعجبه و يشوف شي انتو ماتشوفونه فيها
و بالنسبه اذا عجبتكم البنت انا اقول احسن شي تدقون عقبها بيومين بالكثير ماله داعي تعلقون الابنيه و تخلونها تحاتي
والمهور الحين الاغلب ٥ و دبله الماس
و يفضل تودون دزه و تتوصون فيها بعد
و بالنسبه لمده الخطبه
الحين على ما تسوون تحاليل و تطلع النتايج هذي بروحها يبيلها من اسبوع لي ١٠ ايام و فتره السؤال و قص المهر يعني كلهم على بعضهم شهر تقريبا كافي بنظري انا
|
المشاركة الأصلية كتبت بواسطة noo7a
 الله يوفقه يارب و تلقين بنت الحلال الي تستاهله
انا اقول تروحين انتي و يداته و خالته الكبيره بس ماله داعي كلكم تخرعون الابنيه جذي و من اول مره ولدج ايي معاكم احسن لان يمكن البنت تعجبه و يشوف شي انتو ماتشوفونه فيها و بالنسبه اذا عجبتكم البنت انا اقول احسن شي تدقون عقبها بيومين بالكثير ماله داعي تعلقون الابنيه و تخلونها تحاتي والمهور الحين الاغلب ٥ و دبله الماس و يفضل تودون دزه و تتوصون فيها بعد و بالنسبه لمده الخطبه |
معاها والله يقدم الي فيه الخير انشالله 
نبض انثى
ملواكي
eman84
كويتية ورديه
noo7a
فراولة اهلي
شوق
افراحي
ما قصرتوا عسى الله يبلغكم باحبابكم اللهم امين
بس شنو التحاليل اللي قلت عنها فراولة اهلي ؟ منو يطلبها ويين يسوونها ؟
البنات ماقصرو
بخصوص منو يروح معاج مثل ماقالولج .. اختج العوده واليدات واذا عندج بنت متزوجه عادي ترووح …
الولد يروح معاكم من اول مره انتي ادشين والحريم " بدون صحن حلو ولا شي " والصبي ينطركم بره ادش البنت بدون حجاب تشوفونها … عقبها قولوا ولدنا بيدش .. ادش البنت تلبس حجابها وولدكم يدش … ادش البنت شوفوها …
اساله عااديه .. وين تدرسين؟ … باقيلج جم سنه على ماتخرجين .. عسى الله يوفقج يارب … اهوا الغرض من الاسئله بس تسمعون حسها يعني فيها تأ تأه ولا شي يعني بس …مو تحقيق
بعدها لاتعطوونهم كلمه يالله يالله نبيها لا .. قولي قبل لاتطلعين انشالله بينا اتصال .. والله يكتب الي فيه الخير .. وبعد يومين دقي … قولي والله البنت عجبتنا " ان اعجبتكم " وان انتوا شارينها وقولي يا ام فلان شتامرين عليه شماتامرين عليه .. سالي بلي تبينه .. وهذا ولدنا يشتغل بالمكان الفلاني وعاد عطيها بياناتكم وخلوهم يسالون عنكم …
واذا ماعجبتكم لا سمح الله هم لازم ادقين بعد يومين تقولين والله ماكو نصيب … وعسى الله يوفقهم والله الشاهد البنت دشت قلبي … عسى الله يوفقها …
اذا تم كل شي بالخطبه
المهر من 5 وطاااالع بس ما انصح باقل من 5 !!
والشبكه اذا تبون تعطونها فيكم الخير ماتبون مو ملزومين …
بس الدبله عليكم دبله الماس …
وتحطون بالدزه ساعه هذا الدارج .. وعاد تزينونها وتضبطونها …
واذا تمت الخطبه على خير وفي موافقه من الطرفين …
لازم يسوون الفحص الطبي …
الفحص الطبي ياخذون ورقه من العدل .. اول شي ياخذ بطاقة البنت جنه من ابوها وياخذ بطاقته ويروح العدل يطلع ورقه .. ومن بعدها يروح حق فحص الزواج على ما اعتقد يم الصباح …في لهم مكان مادري وينه بضبط … يروح اهوا والبنت وايكون يايبها ابوها او اخوها … ويسوون الفحص وتطلع نتيجته بعد اسبووع … واذا سليمه تاخذون الاوراق وباي وقت تملجون
موفقه يارب
نصيحه مني أول مرة رايحه تشوفونها لا تروحين الا انت والولد ,احد كبير مثلا بناتج الكبار أو اختج العوده بسأحد ما يدخل ولا يتكلم
اييه تبين تيبين وياج طبق شالمانع
وبالنسبه حق السوالف هذا دشة شوفه فلا تناقشين بتفاصيل وايد خل سوالفج عاديه لنا يمكن ما يصير نصيب فا مو كل شي ينشاف
ويا حبيبتي لا تنصدمين أذا طلعولج بسوالف وشروط عجيبه غريبه
ترا عاااادي البنات صايرو أرف من شرووطهم
المهم
انتي أم المعرس يعني الكلمة الأولى والأخيرة لكم
وخلي ولدج ايهو يسولف مع البنت ويشوف
بالنسبه لج انتي
وانتي تسولفين معاهم شوفو شنو طبعهم شنو سوالفهم
شنو حراكاتهم
اذا عجبوكم بعدين الرمه الثانيه تتكلمون بالتفاصيل
وانا انصح الخطبة ثم الخطبة ثم الخطبة
واااااااااااااااااااااايد مهمه تتكشف فيها أشياء ولا تنغرين بالكلام الحلو شووووووفي ما بين السطور
الله يوفقج بولدج وانشالله تمسكين عياله بيدج وتوزجينهم بعد
)) يعني عادي توقعي يقولون لج لا اول بنتعرف عليكم ونقعد معاكم ونسأل عن الولد والمرة اليايه إيي وياكم
في ناس مايرضون يدخلون الولد بيتهم و أهمه مايعرفوونه .. مايدخلون أي أحد يشوف بنتهم ويمشي
وأهلي كلهم جذي ..
والله يرزقكم بالبنت الزيينة