اللي جربت عملية المنظار بليز تدخل

السلام عليكم بنات
مبارك عليكم الباقي من الشهر
بنات اللي جربت عمليه المنظار بليز تقولي تجربتها لاني قاعده احاتي وايد بليز بنات لا تردوني انا مالي غير الله ومن ثم انتو بليز اي احد يعرف شي لا يبخل علي جزاكم الله الف خير

منظار شنو قصدج
حق فتح الانابيب؟
انا مافى شى ما جربته الحمدلله
جربته
يعطونج بنج عام ويفتحونلج فتحتين وحدة تحت السرة على طول والثانية تحت صور المبايض والرحم الفتحات صغيرة حيل ويحاولون يفتحون الانبوبة فيها وانتى وحظج
وبعدين يخيطون الجروح
وبتحسين بالم بسيط عادى بعد عشر ايام تصير بمب

وين سويتيها وعند منو

فى كويت كلينيك او شى من هالنوع
نسيت والله اسم العيادة لانها قديمة
عند دكتور محمود الاسطل كلفت حوالى 400 دينار او اقل والله ناسية
حسب المستشفى للى بتسوينها فيها
لانج تروحينله بعيادته

لوف ماي سلف ما قصرتي

بنات بليز ردو اللي تعرف بليز لا تبخل علي

سويتها بشهر فبراير اللي طاف بمستشفى السلام عند الدكتور احمد الشاذلي
كلفتني 400 دينار – فتح لي ثلاث فتحات وحده بالسره نفسها وثنتين تحت مع تخدير كامل طبعا
الالم يا خذ له 5ايام ويروح وعسى الله يشافينا ويعافينا يارب

الله يرزقنا جميعا

انا كان عندي كيس على المبيض
وسويتها في مستشفي العرف وكلفتني 400
ما تحسين في شي بنج عام وفتحات صغار
ومع المسكانات ما تحسين وخمس ايام وتصير طيبه

ما تشوفين شي وعسي ربي يرزقج امين

حبوبه انا سويتها بمستشفى الفروانيه قبل 7 سنين لا تخافين ما تدرين عن شي طريقتها نفس طريقه المراره فتحات صغيره بالبطن