اللي جربت زراعه الاسنان تتفضل اهني

السلام عليكم ياحلوات
الموضوع مبين من عنوانه اللي جربت زراعه الاسنان تقول تفيدني بتجربتها لان عندي موعد الاسبوع الجاي وحدي خايفه

1ـ مده وضع الزرعه
2ـ هل عمليه الزرع مؤلمه اثناء الزرعه وبعدها
3ـ متى تم تركيب الضرس في الزرعه
4ـ في اي عياده حطيتي الزرعه ومنو الدكتور
5ـ اذا في اضافات ثانيه ياريت تخبروني عنها
وسلاتكم

وااااااااي مابي اخرعج بس صج اتعس تجربة اسنان مريت فيها

انا من زمان مسويه الزراعة فماذكر بالتفاصيل !

سويت الزراعة عند د. خالد مهران في الحكمة اللي ببلازا حولي وانا كنت محتاجة زراعة عظم اول شي وبعدها بجم شهر ركبلي الضرس

الله يعينج

اولا اشكرج على ردج
ثانيا انا سمعت في زراعه عظم وزراعه ضرس وسمعت ان زراعه الضرس اسهل بواجد بس مادري شنو الفرق بينهم
عندج خبر بالفرق بينهم
بس صج خرعتيني

انا سويتها قبل يمكن ثمان سنين يعني مااذكر عدل بس بعياده الفوزان سويتها على ضرس من الطواحن الي ورى كان عندي عصب وضرسي مكسر ماكانوا يقدرون يركبون فوقه لانه ضعيف فشالوا الضرس وحطولي مثل المسمار (بس مو حديد ولا اهو مسمار) عشان يثبت الضرس التركيب بس اخذ مني 5 ايام اليوم الاول شالوا العصب والضرس ونضفوا مكانه وخذوا قياس للفك عشان يسوون التركيب ملائم لمكانه وركبوا المثبت الي مثل المسمار والايام الباقيه راحه والخامس رحت شالوا الضرس المؤقت وحطولي الدائم

بالنسبه للعوار فكانوا معطيني بنج بس الي لوع جبدي عوار الراس من الضغط _ الي يبي الدح ما يقول اح روحي سويها عسى الله يسهل عليج وان شاء الله مافيها ألم

اي صح كلامج زراعة الضرس اسهل

حتى لما رحت دكتور ثاني استغرب انه وايد عورني لما قلتله انه زرعلي عظم قالي هذا السبب !

عاد انشالله انتي زراعة ضرس على طول

انا بعد مفكرة اسوي

بس قالي الدكتور لازم زراعة عظم بالاول

الله يعين

مشكوره حبيبتي
وصاجه اللي يبي الدح مايقول اح بس انا مضطره حيل والا انا خوافه

للاسف مادري اذا زراعه ضرس والا زراعه عالعظم الدكتور الله يهديه ماقالي لما وديتله البراغي خخخخخخخخخ

الله يستر ويكون بعونه يارب

اسعدني مروركم

بنات ابي تفاعل اكثر الله يجزاكم خير واللي تعرف الفرق بين زرع العظم والضرس تقولي شنو الفرق ابي اعرف

انا الي محيرني ان اسنان الانسان مافيها عظام اصلا شكو يزرعون عظم اول؟؟؟ لايكون قصدهم المثبت مثل الي ذكرته ؟؟؟

بليز بنات الي تعرف او مجربه تعلمنا لان وايد بنات يسألون

زراعه العظم ضروري حق اللي فقد اسنانه وصارله مده طويله يكون العظم انضمر او كميته قليله فما يقدرون يزرعون وكمية العظم غير كافيه لان اساس الزرعه وجود العظم حوله

اما بالنسبه للالم ماراح تحسين بشي نهائيا اثناء العمليه وترا ماتخذ منج اكثر من ساعه او ساعه الا اذا كانت رزعه وحده وبعد العمليه بعد ما يفج البنج راح تحسين بالم وانتفاخ وعليج بالبروفين بس اول يوم وكمادات بارده اما ثاني يوم تسوين كمادات دافيه اذا في انتفاخ

ولا تخافون وايد سهله العمليه بس لازم تعرفون ان في مطرقه خخخخخخخخخخخ يعني لا تخترعون من صوت التطقطق لان زراعه عظم لازم يوسعون العظم عشان يغرسون الزرعه داخلها

وااااي ماحب اتذكر الزرعه كان يوم اسووووود

يزاج الله خير صاحبة الموضوع كنت بكتب موضوع نفس العنوان تقريبا
امس كان عندي موعد في مستشفى السلام كان عندي ضرس مسوس تقريبا كله سوولي اشعه قالولي انه لازم يشيلونه ويزرعولي اول شي مثل المعدن يضل ثلاث اسابيع وبعدين يركبون فوقه السن طبعا قالولي اذا تبين انركب فوق السن المعدن سن مؤقت علشان الشكل وبعد ثلاث اسابيع يشيلونه ويركبون الدائمي وقالولي انه مايعور كلش بس السعر للسن الواحد
200 دينار مادري حسيته وايد على سن وحده بنات فيدونه بالنسبه للاسعار احد جرب مستشفلى ثاني وجم الاسعار

عيل عياده اسنان الزراعه بس 400 والعظم سعره 160 شوفي شكثر تحتاجين عظم
اما السن اللي يركبونه سعره يبدي من 100 واغلي شي 250 هذا الزيركون

واااي يما عندي الاسبوع الياي زراعه 3 اسنان ميته من الخرعه بس ماادري جم سن بيزرع بالبدايه
حدي خايفه طاف على موعدي اسبوع بالضبط كل يوم احط موعد واكشت من الخوف

يا مسهل سهل علينا

مشكوره اختي بيبسي على تفاعلج وانا ماني فاهمه شنو زرعه العظم وشلون يسويها الدكتور وشنو زرعه الضرس ماني فاهمه شي

الله يجزاج خير
قلنا درنفيس عشان يفرون البرغي ميخالف الحين السالفه فيها مطرقه لووووووووووووووول
حبيبتي نازك شلون تقولين العمليه سهله وتقولين يوم اسود
وفهمينا الله يخليج شلون يزرعون العظم يعني العظم هذا عباره عن شنو بالضبط وشلون شكله وشلون يحطونه اهو شكله مثل البرغي؟؟؟؟ والا شنو

هلا اختي شاطئ الامل
ياريت احط يعطينا شرح وافي عشان نفهم انا بسوي بالحكومه والدكتور ماشرحلي بس عطاني ورقه فيها صوره براغي وقال روحي اشتريهم وشريتهم ب 140 دينار عدد 2 واحد حق ضرس امامي والثاني داخل شوي ولما وديتهم له عطاني موعد يوم الثلاثاء الجاي ومادري شراح يصير بس كل اللي قاله انه بيعطيني مرضيه 3 ايام ومده الزراعه تاخذ ساعه تقريبا وانا حدي خايفه

امبي مافهمت شي
يعني الزراعه غير والعظم غير والسن غير انا لما كنت اراجع بالميدان قالي زراعه الضرس ب 450 دينار بس وماذكر سوالف عظم وسن ولاشي

انا سألني الدكتور قالي تبين ازرعهم اثنينهم بيوم واحد قتله كيفك يعني فاهمه
وحدي متصرقعه
انتي متى موعدج؟
انا موعدي يوم الثلاثاء الجاي اللي تجرب قبل تبلغنا على طوول شنو يصير معاها
يارب يتقبل منج وتكون سهله بإذن واحد احد
بنات نبي خبراتكم مانبي نروح وننصدم
كل وحده تقول تجربتها تكفون

بنات هذا رابط صوره البرغي
اهي صوره العلبه اللي يكون داخلها البرغي وهو من ماده التيتانيوم وماقدر افتحها اخاف يتلوث لوووووووووووووول
https://www12.0zz0.com/2010/01/01/00/953238280.jpg