اللي تعرف للقطاوة تدخل بسألها سؤال :(

السلام عليكم ورحمه الله وبركاته …

بنات

بدخل بالموضوع على طول

انا يا بخاطري اشتري قطوة شيرازي فارسي

بس

امي الله يهداها تقول شعره يطيح بكل مكان
وعشان جذي رافضه الفكره هل هالمعلومه صج انا اول مره ادري انه شعرها يطيح
اوووووووووووووووووووووووووووف حدي بخاطري قطوة
وشنو نوع ثاني احسن انا ابي تكون بيضه وشكلها نظيف وكيوت :/

بليز اتمنى تردون على :/ :/ :/

انا كان عندى قطتين كان شعرهما يطيح فى ملابسى خاصة الغامقة ولا تطلع حتى من الغسل

وكمان بتجيب امراض كثيرة من هذا الشعر

للبنت تحصل لها مشاكل عند الولادة

اما الولد تتعبله صدره

فانصحك اسمعى كلام امك

طيب شنو تنصحوني فيه بديل عن هالقطوه :/

لا مو شرط اذا القطوه نظيفه وطعمينها وتهتمين فيها عدل ماتييب الامرااض
وفي دوا ينابع حق الشعر القطوه ومايخلي يطييح شعرها

حبيبي حطي في بالج كثر ما تهتمين بشعر القطوه كثر ما راح ترتاحين والحين تحصلين اشياء وايد تخلصج من الشعر مثل الرول اللزاق واداة مثل شكل حرف الt وفيها ربل تلم الشعر وفي انواع وايد من المشوط الي خاصه بالقطوه الي تخلصج من الشعر الميت وبعدين لازم تمشطينها كل يوم عشان ما تعطين مجال ان يتطاير بالهوا ولا يحت ويلزق بكل مكان عرفتي قلب وموسم الي يتجدد شعر القطوه احسن حل لها التحليق تودينها البيطري يحلق شعرها وويطلع من يديد وناعم وكله طول واحد ومايحت بعد يصير يهبل
وهم تقددرين تاخذين سياميه لان شعرها قصير واريح من الشرازي وانتي على راحتج

وطول ما انتي مهتمه بالقطوه ومهتمه بصحتها ونظافتها وشعرها ما تييج اي امراض بس اذا بتطنشينها وما تمشطينها ولا تسبحينها ولا تعالجينها لي مرضت ولا تطعمينها اكييييييييييد انتي بتمرضين وتتأذين منها
اذا انتي حاسه نفسج انج مستعده وقادره تهتمين وتعتنين اخذيها بس اذا حاسه انج مو قدها لا تاخذين عشان لا تأذين القطوه ولا تأذين نفسج وتبتلشين
حطيلج هامسترين ولا عصفورين :*

حبيبتي القطوه ماتيب الأمراض ولا شي طول ما انها داخل البيت ماتطلع وتاخذ تطعيماتها
وبالنسبه حق الشعر لازم تمشطينها كل يوم وتسبحينها دايما وماراح تطيح شعر وايد

مو شرط انا كانت عندي شيرازي ما كان يطيح شعر وايد وانتي راعيه ومشطيها دوم ما يضرها شي ان شاء الله

القطوه اذا كانت مريضه تيــيـب الامـراض ..

اهتـمي فيها و ديــها البيطري من فتره لي الثـانيه و تصـير السـالفه عادي .

شــعرها لازم كل يوم تمشــطيـنه علشـان يروح الشعر الميــت و ما يلزق بالهـدوم .. و اهي كل ما

خافت كل ما يطيح شعرها زيـاده .. وفيه انواع ما تطيح شعورهم أنـا عندي ثنتين وحده اذا مـا مشطنا شعرها نص يوم

اوووو يتلفنــا . و الثـانيه ما يطـيح وثنــتيـنهم شـيرازيـات .

اي الشرازية وايد تطيح شعر ام السيامية شعرها قصير وما تطيح شعر وايد او حتى ماتطيح شعر

شوفي حبيبتي احسن نوع المون فيس والهيملايا قليل ما الطيح شعر الهيملايا حيل حيل شويه
مو انتي تقولين تبين فارسي الفارسي ممل ومليغ كل قاعد ومتين اغلبهم ياكل يننام ومن كثر ما هو ممل
يحب القط هذا سماع البيانو
من معلوماتي الي اكتسبتها

ان شاء الله اكون فدتج

^ ما شآء الله عليهمـ ما قصروو ^

انا عندي قط شيرازي ابيض شعره طويل ..تجي فترات يطيح شعره ..بس مو لهذه الدرجة يمرض
اذا نظيف وباستمرار تودينه للطبيب مايسير شي ان شاءالله

قصج فترات البرد اكيد صح