اللي تعرف شي عن الاكاديميه الامريكيه للبنات بسلوى aag

السلام عليكم
لوسمحتوا بنات اللي عندها خبره في مدرسة الاكاديميه الامريكيه للبنات بسلوى aag تعطيني رايها بصراحه من جميع النواحي وخاصه اذا كان تعليمهم الانجليزي قوي او لا؟
لان بنتي عندهم kg1 وانا مدخلتها بس علشان اتصير بلبل بالانجليزي
تكفون لاتبخلون علي برايكم واذا تعرفون مدرسه افضل قولولي علشان احولها لها السنه اليايه انشالله
ناطره ردودكم

وعليكم السلام

هذه روابط تفيدج ان شاء الله

https://www.q8yat.net/showthread.php?…E1%C8%E4%C7%CA

المدرسه قويه بالانجليزى ….عن تجربه

الصراحة المدرسة حدها قوية
نظامها امريكى والابلات امريكيات ومجتمع المدرسة حلو الطالبات كلهم كويتيات اللى تفضلين ان بنتك تحتك فيهم قليل الجنسيات الثانية
بنتى سنة ثالثة واللغة الامريكية حدها قوية عندها وطبعا الاكسنت قوى ومدخلتها نادى حمزة للغة العربية لان المعروف ان اللغة العربية تكون موقوية
وماافكر اغير مدرستها ومومتحسفة على المبالغ اللى دفعتها

وانا حاضرة حق اى استفسار

مشكورييييييييييييييين على ردودكم
سيدة لكويت والمحاميه لطوفه مشكورين ريحتوني الله يريحكم

بنات عفيا اللي تعرف شي تقولي لاتبخل علي
لاني سمعت انها قبل كانت قويه بس الحين لا مستواها نزل
وخواتي سيدة الكويت والمحاميه لطوفه مدحوها لي وريحوني نوعا ما بس والله للحين مارتحت وايد ودي اسمع اكثر وارتاح ولا اغيرها لوحده بتمدحونها اكثر
لا تنسون المهم عندي قوة الانجليزي ابي بنتي بلبل انجليزي على الاقل kg1&kg2 وبعدين احولها مدرسه ثانيه او حكومه مع معهد للانجليزي

لاتترددين لان المدرسة وايد قوية بالانجليزى
والمدرسات وايد زينين وحتى لو كانت المساعدة عربية لو تموتين ماتكلمج عربى
وانشاءاللة راح ترتاحين نفسيا
وصدقينى راح تتحسفين تنقلينها وبتخلينها تكمل

العفو ام حمود ……….اهما مدرساتهم شويه عسرين لو البنت تتعب وتحاول ما يشجعون ويمدحون وايد …..بس المدرسه قويه بالأنجلش …

موفقه

حبيبتي
انا كنت سامعه ان المدرسه قويه وكنت راح ادخلها فيها
بس الشي الوحيد اللي ردني انها بعيده علي
انا بنتي بال AIS
الامريكيه الدوليه مالت الريس
المدرسه تهبببببل شويه عليها
انا بنتي الحين ب grade4
وبصراحه انا مرتاحه والاهم بنتي مرتاحه فيها
بس مو معناته ان مدرسة بنتك مو زينه
قلتلك انا مشكلتي الوحيده كان البعد

المحاميه لطوفه وسيدة لكويت مشكوررررررررررررين مره ثانيه كلامكم حلو ويريح
mimi fawzi مشكوره حبيبتي على رايج الحلو والصريح وهمن ريحتيني لمن مدحتيها بس لفت نظري كلمتج عن مدرسة بنتج (تهبببببببل شويه عليها) من اي ناحيه قصدج؟ وشلون تقدرين تحكمين على المدرسة؟ يعني شنو الشغلات اللي تثبتينها موجوده ولا لا؟