|
|
السلام عليكم يابنات …
اول شغله انا وحيدة الوالده عسى الله يحفظها مالى احد الا انتوا خواتي وانا ماعرف شى
الوالده ودها تفرح فيني وتبينى اسوي عرسي بفندق
ومحتارين بين الرايه والماريوت والشيراتون ….
السؤال الحين ….
اذا دفعنا للشخص شنو يشمل ؟؟؟ يعنى الكراسي وشنو ؟؟؟
وشلون على البوفيه ؟؟؟ وصوانى تقديم الحلو + الشاي + الفناييل وغيرها ؟؟؟ احنا نييبهم والا شنو ؟
الكوشه …
شلون طريقتها ؟؟؟ وبوكيهات الورد من وين نييبها ؟؟؟
البطاقات ابي شى ناعم بس رخيص لاني ابي اقط على العرس
اذا بسوي نظام طاولات يفرق بالسعر والا لا؟؟
لما ندخل الفنادق نلاقي فازات فيها حلاو احنا نييبهم والا اهمه ؟؟؟
الله يخليكم والله صاكه فيني الدنيا والوالده صحتها على قدها ياريت تساعدوني الله يعافيكم .
بس اللي اعرفه حيل غالي وانه نظامهم يحسبون على الاشخاص
الله يهنيج يارب
مرحبا حبوبه انا بقولج اللي اعرفه
الرايه روووووووووعه
واظن البوفيه علىا حسب انتي جم شخص حجزتي والديكورات لا عليج انتي اظن مو من الفندق
انتي حجزي مصصم للتزيين والكوشه والبطاقات والمداخل وألخ وقوليله شنو تبين شوفي خالد المالك اهو دايم تصاميمه بقاعة الرايه رووعه خل يروايج الصور
والله يوفقج
يشمل لكراسي و البوفيه و ما يفرق طاولات او مدرج معاهم
بس يهم مع مصم الكوشة اهوا اللي يحسب
طبعا الكوشة و لورد و الحلاو هذا عليك لأن مع الترتيب
الفندق دايما يعطيك سويت للاقامة هدية و ساعات كيكة العرس
الراية غرامي يهبل و الشيراتون اغلى واحد فيهم الماريوت القاعة صغيرة اذا المعازيم وايد ما تصلح
حلو القهوة و الصواني عليك بس التوزيع و العصاير و الشاي و القهوة لأ
افتري على مطابع حولي رخاص و حلوين
اغلي فندق الراية الشخص يبدي ب 26 دينار
الشخص يعني البوفيه +العصير+الشاي +القهوة +السيرفس البنات الخدمة حسب عدد الاشخاص بنزلزنهم لج من ضمن السعر+سويت المعاريس ليلة وحدة
الراية + الشيراتون اقل عدد 500 شخص
اذا المعازيم اقل حرام اخذي الشيراتون عندهم قاعة اصغر
عندج الماريوت
الحلو + اللي بالفازات عند المدخل والحمامات كلهم انتي تييبينهم
ليش انتي تحجزين مو المفروووض المعرس ؟؟؟
شووفي فندق المارينا جديد ومحد هب فيه يعني بتكونين مميزه …القاعه حييييييييل راهيه وحلوه
>>>كانوا يبونه لعرسي بس شهر 12 كله محجووووووز حق معرض مدري شنو …المهم …
روحي شوفيه وان شاء الله يعجبج …
قهوه فرنسيه انا حضريه علشان جذية انا اسوي حفلتى وانا اللى طالبه العرس
وانا عندي الموفمبيك أرقى من الرايه بعد وهم عندج الملكية بمشرف
بالنسبه حق الاسعار الشيراتون يبدي أقل شي من 25 للشخص لغايه 45 هذا حق صاله الماسيه
في صاله ثانيه اصغر بالطابق السابع ناسيه اسمها صغيره مجكنمه تبلش ب 22 دينار للشخص >> قبل شهر داقه عليه وقالي هالاسعار
الرايه والموفمبيك يبلش ب 20 دينار على الشخص
الحجز يشمل بس البوفيه طبعا والكراسي وانتي تختارين طريقه الكراسي مدرجات ولا طاولات >> على حسب الفندق في فنادق يفرق بالسعر وفي لأ بس ما اتوقع وايد
سوالف الحلو والكاكاو والكوش والورد هذا كلللللللله من عندج انتي تضيفين وتييبين على راحتج
نصيحتي سوي الكوشه والبطايق من نفس محل الكوش اللي بتصميمن فيه كوشتج عشان يكون بنفس الديزاين
وموفقه حبوبه 
ارقى الفنادق بالكويت اولا شيراتون
بعدين الراية و وراها الفنادق الثانية مثل ماريوت ريجينسي و غيرها
طبعا انتي تختارين عدد المدعويين و يشمل البوفيه طبعا و انتي تختارين البوفيه بس اذا حابه تزيدين بالاكل انواعه تقدرين على حسابج
و يشمل العصاير و الشاي و القهوة و كل شي
اما عن الفازات و هالسوالف طبعا على مصمم الكوشة يسويلج كل شي بالقاعه من كراسي اضافيه و من ملابس للخدم و من الكوشه و الورد
و كل شي و الله يوفقج
انتي الي عليج البخور طبعا و المكسرات الي تنحط على الطاولات
و السويت الكاكاو و غيرها ساعات في مصممين يوفرولج هالاشياء و ساعات لا
اما عن الطاولات و شكلها انتي و على راحتج ماراح يختلف شي بالسعر و هذا على الفندق طبعا
good luck
نصيحه لا تحطين علوج لان راح يصير شكل المعازيم مو حلو كل اللي قاعدين يتعلجون
المهم
انا سويت عرس بالرايه قبل كم سنه و الحجز يكون على حسب المينيو مال البوفيه يعني البوفيه عندهم انواع و كل ما زادت اصناف البوفيه راح يكون سعر النفر اغلى في البوفيه الاقل سعر بعدين الاغلى و الاغلى للنفر و نسيت جم يحسبون النفر بالضبط
الكوشه و الديجيه و الحلو و التصوير عليج و ارقى فندق حاليا الرايه و ما يفرق السعر اذا كان طاولات او مدرجات و بالتوفيق