|
|
السلام عليكم
بنات شلونكم شخباركم
حبيت اليوم اكتب لكم عن مشكلتي اللي كنت اواجهها قبل فتره
من 3 شهور تقريبا صار معاي شي غريب ان من ادش مكان يكون التكييف فيه بارد حيل خشمي يسكر وما اقدر اتنفس والتنفس كله يصير من حلجي اول الايام كنت مطنشه ومو منتبهه بس مع الايام حسيت الموضوع مو راضي ينتهي واللي خلاني اخاف ان احيانا اختنق لما ابلع ريجي اهني قلت لا عاد مصخت السالفه جان اقوم واروح للمستوصف جان يعطوني علاج ما منه فايده ولا فاد معاي قمت بعدين ورحت لعياده خاصه وقالي ان فيني لحميه بس ما كنت مقتنعه في كلامه لان اللحميه ما اتيي بيوم وليله ومالها علاقه بجو بارد او حار اللحميه اتأذي الآدمي على كل وقت .
جان بعدين اقرر اروح لدكتور ثاني مدحه لي أخوي المهم يا محفوظات السلامه تشجعت ورحت للدكتور طبعا سئلني جم سؤال اذا كانت هالحاله اتيني من قبل والا لا وقلت له انها بدت معاي من فتره ولما كانت تصير معاي ما اطول اكثر من يوم وسئلني عن اذني اذا كنت احس بعوار او انسداد وقلت له ان اتحوشني حكه وتسكر احيانا المهم ان اهو فحص اذني واخذ لها تخطيط وفحص خشمي وقالي اسوي اشعه واراجعه وعطاني مضاد حيوي وبخاخ للأنف عقب اسبوع سويت الأشعه وراجعته وسئلني اذا تحسنت او لا المهم ان انا ما تغير علي شي ولما شاف الاشعه اكتشف ان في التهاب عندي بالجيوب الأنفيه وقال ان بيحاول يكمل معاي علاج لمدة 10 ايام ونشوف اذا راح الالتهاب والا لا ( الالتهاب عباره عن وجود ماء او على ما اعتقد يسمونه مخاط في الجيوب الأنفيه )
المهم ان عقب 10 ايام سويت الاشعه وراجعته وكان الالتهاب في مكانه وما تغير شي قال ان اهو اللحين لازم يسوي شفط المهم ان سوالي شفط وارتحت عقبه حسيت جني شايله صخره من داخل خشمي بس للحين ما تخلصت منه بالكامل بس احس براحه وقال الدكتور ان بيسوي لي غسيل للجيوب علشان اتخلص منه نهائي لان الماي متجمد ومو راضي يطلع وان شاء الله عقب ما اسوي غسيل الجيوب راح اعطيكم النتيجه وادعوا لي
فنصيحه للي تعاني نفس حالتي انسداد بالانف وما تشم تروح لنفس دكتوري الله يعطيه العافيه صار لي جم يوم وانا مرتاحه من عقب ما سوالي الشفط واسم الدكتور
الدكتور / اسماعيل الفودري
ادري طولت عليكم سامحوني
بنات شلونكم شخباركم
حبيت اليوم اكتب لكم عن مشكلتي اللي كنت اواجهها قبل فتره
من 3 شهور تقريبا صار معاي شي غريب ان من ادش مكان يكون التكييف فيه بارد حيل خشمي يسكر وما اقدر اتنفس والتنفس كله يصير من حلجي اول الايام كنت مطنشه ومو منتبهه بس مع الايام حسيت الموضوع مو راضي ينتهي واللي خلاني اخاف ان احيانا اختنق لما ابلع ريجي اهني قلت لا عاد مصخت السالفه جان اقوم واروح للمستوصف جان يعطوني علاج ما منه فايده ولا فاد معاي قمت بعدين ورحت لعياده خاصه وقالي ان فيني لحميه بس ما كنت مقتنعه في كلامه لان اللحميه ما اتيي بيوم وليله ومالها علاقه بجو بارد او حار اللحميه اتأذي الآدمي على كل وقت .
جان بعدين اقرر اروح لدكتور ثاني مدحه لي أخوي المهم يا محفوظات السلامه تشجعت ورحت للدكتور طبعا سئلني جم سؤال اذا كانت هالحاله اتيني من قبل والا لا وقلت له انها بدت معاي من فتره ولما كانت تصير معاي ما اطول اكثر من يوم وسئلني عن اذني اذا كنت احس بعوار او انسداد وقلت له ان اتحوشني حكه وتسكر احيانا المهم ان اهو فحص اذني واخذ لها تخطيط وفحص خشمي وقالي اسوي اشعه واراجعه وعطاني مضاد حيوي وبخاخ للأنف عقب اسبوع سويت الأشعه وراجعته وسئلني اذا تحسنت او لا المهم ان انا ما تغير علي شي ولما شاف الاشعه اكتشف ان في التهاب عندي بالجيوب الأنفيه وقال ان بيحاول يكمل معاي علاج لمدة 10 ايام ونشوف اذا راح الالتهاب والا لا ( الالتهاب عباره عن وجود ماء او على ما اعتقد يسمونه مخاط في الجيوب الأنفيه )
المهم ان عقب 10 ايام سويت الاشعه وراجعته وكان الالتهاب في مكانه وما تغير شي قال ان اهو اللحين لازم يسوي شفط المهم ان سوالي شفط وارتحت عقبه حسيت جني شايله صخره من داخل خشمي بس للحين ما تخلصت منه بالكامل بس احس براحه وقال الدكتور ان بيسوي لي غسيل للجيوب علشان اتخلص منه نهائي لان الماي متجمد ومو راضي يطلع وان شاء الله عقب ما اسوي غسيل الجيوب راح اعطيكم النتيجه وادعوا لي
فنصيحه للي تعاني نفس حالتي انسداد بالانف وما تشم تروح لنفس دكتوري الله يعطيه العافيه صار لي جم يوم وانا مرتاحه من عقب ما سوالي الشفط واسم الدكتور
الدكتور / اسماعيل الفودري
ادري طولت عليكم سامحوني