اللي تراجع عند الدكتورة فوزية القطان تدخل ,,, عن طريقة الحمل بولد

السلام عليكم

بنات انا توني فاتحه ملف عن الدكتوةر فوزية القطان على اساس اسوي طرقة الحمل بولد

باذن الله

بنات اللي مجربه عندها من قبل تحاول تفيدنا وتقول شنو عطتها وشنو صار معاها

الله يجزاكم كل خير

ولا تبخلون عليا بتجاربكم ونصايحكم انا توني مبلشه اخذ حبوب فيتامين سي وفوليك اسيد وبديت النظام الغذائي اول شي قلت ماني مسويته الحين عشان رمضان لكن اصراري من داخلي خلاني ابتدي

بنات فيدوني والله انا خايفه وايد بنات ما امدحوها لي مادري ليش اشفيها؟؟؟؟

وشنو يعطونكم باقي الدكتورات غير اللي اهي تعطيه نظام غذائي وحبوب فوليك اسيد وفيتامين سي وفوار قلوي شراب وغسول مهبلي قلوي وابره تفجيريه الحين بعرف شنو يعطون بعد؟؟؟؟؟

والله يا ذهب انج ذهب انا بعد قلت مثلج بكمل عندها والله يكتب اللي فيه الخير والحين ماشيه على النظام واااي ذبحني الاكل كله ذره وفواكه وسوالف الواحد يمل يا ربي انا ما استغنى عن الجبن والزيتون والزعتر ههههههههههههه

ااااه ه ه وانا اذا ابي احمل ببنت لالالازم اكل جبن واشرب حليب وانا ماحب منتجات الالبان خير شر واموت بالذره والملح والبطا ط جان زين انا وانتي نتبادل لووول

والله يا حنين اني ما اقدر اطالع الجبن وما اكله انا اصلن بكبري جبنه من كثر الجبن اللي اكله هههههههههههههه عشان جذي عندي بنات لكن ولكن ولكن عندي اصررررااارررر وعزيمه باذن الله وراح استمر صار لي ست ايام وانا حارمه نفسي من الجبنات والحمص اخ تدرين شنو اموت بشي اسمه حمص باللحمه والصنوبر ههههههههههههههههههه امبيه قمت اتشهى جني حامل واتنسا هههههههههههههههههههه اللي يرزقني احمل واييب ذاك الولد الاشقر بو عيون عسليه هههههههههه يا رب يا عظيم ارزقني وارزق كل وحده تتمنى الولد او البنت يا ربي ما تخيب من يطلبك

والحين قاعده اكل بطاط بو كتشب تعالي بسالج ما تدرين القهوة والشاي شنو قلوي ولا حمضي ولا شنو؟؟

أشوووووف ليش أحمل ببنات
من كثر ما أكل جبن
الحين عرفت السر
الحمدلله والشكر عالنعمه

شوفي الجاي مادري عنه بس القهوه امبله يقولون خل ريلج يشرب القهوه قبل الجماع بنص ساعه يقوي الحيوانات الذكريه وصج ريلي 24 يشرب قهوه تخيلي قمت اخششها عنه لووول وهم اكلي لحم وايد مثل الشاورما والستيكات لان هذا اكلي وقالتلي الدكتوره خففي لحوم شوي وانا نوعي ماحب الدياي افضل اللحوم والاشياء الملحه واموووت بالذره والنفيش ياحسرتي شلون بسوي نظام الله واعلم

هههههههه ضحكتيني وان شالله انا بعد ايب هذيك البنوته الشقره وعيون زرق لالا ولا اقولج خضر احلا لووول <<<<<<< تحسين احلالالام

ههههههههههههههههههههه قولي امين يا رب العالمين يرزقج ربي ببنوته حلوة ويرزقني بولد انا وياج بنفس الشهر ونولد مع بعض ونبشر بعض كل وحده ان فيج بنت وفيني ولد ياااااااااااااااارب والله يا حنين ما تدرين اشكثر ودي اييني هالولد وافرح قلب زوجي وخالتي ام ريلي واااااي ودي ودي ويعني طمنتيني يعني عادي اشرب قهوة وشوفي انا عقب باجر موعدي بروح اسوي تحليل وبدخل على الدكتورة فوزيه وبخليها تفهمني عدل مدل وشسمه بسالها وايد مثلا عن الشاي لاني احب الشاي وعناشياء وايده كل ما ابي اكل اقول مادري هذا قلوي ولا حمضي ههههههههه ينيت انا

انتي تراجعين عند اي دكتورة حنين انا دكتورة فوزيه القطان واول مره اروحلها

انا دكتورتي معصومه مخصيد بس فوزيه القطان الكل يقول انها شاطره بهسوالف ان شالله تشوفين علي ايدها الخير يارب عاد مايحتاج لي سويتي سونار تحوس وتحوس بهسونار وتقولج boy وااااااي حزتها بطيرين من الفرحه عاد انتي هالله هالله بالون الازرق والدشاديش هههههههههه عاد وااااي اينن اولد ما ينولد وانتي لافته بشال الازرق واااي كلللبش

وااااااااااااااااااااااااااااااااااااااااااااااااي سكتي حنون شوقتنيني ودي ودي اصلن تلاقيني احوس صوب ملابس الاولاد كل مره مادري شفيني وزوجي يزفني خلصيني اشتري حق بناتج بلا فراره صوب الاولاد واللللللللله ودي ودي وان شاء الله بحول الله ربي يرزقني تدرين في بنتي الاخيره لمن سويت سوناااار قلبي يدقدق هههههههههه اتذكر نفسي بس الحمدالله على النعمه والله مو معترضه على حكم ربي ونعمته لكن ربي خلقنا ذكر وانثى واحنا نحب يكون عندنا النوعين مبيييه حنون جم بنت عند وجم ولد انا بنتين عندي

واي شوقتيني ودي اروح لها
بس مادري تو الناس انطر لاكملت بنتي الصغيره سنتين
احمل
بس يمدححون ماجده اليتاامي

ربي بخليلج بناتج يارب انا حبيبتي عندي 4 صبيان اسم الله عليهم وبنوته وحده فقيره خخخخ

انا بعد انطر لين ولدي يدش السنه الثالثه واحمل ان شالله