اللي تبي الأجر تدش

السلااااام عليكم

بنات انا بسألكم اللي جربت او سمعت عن وحده مجربة شي من هالاشياء تقولي لأن تعبت و محتاااره

انا من سنة و نص متزوجة و طيحت مرة كنت ماخذة منشطات

و عفبها ما عالجت… أبي اسألكم

انا شارية (عسل+طلع النخل)
(بردقوش)
(مرقدوش)
(قشعة)
(القسط الهندي)

شنو احسن شي ناطره الدورة تجيني و انشالله اكون حامل انا حللت و ماكو حمل بس قالي احتمال يكونفي مو مبين
عطاني حبوب اذا اكو حمل يثبت و اذا ماكو تنزل اذا انزلت شنو اخذ من هالاشياء؟

ماعندي فكرة والله

الله يرزقج انشالله

وانشالله هالشهر تكونين حامل

ماعرف
كان ودي اساعدج

القسط البحري وايد زين الرسول عليه الصلاة والسلام وصى عليه ..
ومايمنع تستخدمين الباجي بكميه معتدله ..

مشكوورين حبايبي ياليت اللي تدش ترد علي 60 وحده بس 3 بنات ردوا شدعوة بنات

ان شاء الله ياقلبى الله يرززقج الذريه الصالحه يارب

بس اعتقد العسل احسن فى ناس تقول المرقدوش وبرفعلج الموضوع اسمحيلى يا قلبى

انصحج عن تجربة شربي عصير العنب ينشط المبايض والاناناس وقت الدورة بس موبارد

لاتعبين نفسج اهي عنيدة اذا بغيتيها تغلا انسيها تجيج

الله يرزقج بحمل سليم معافي ويعطيج الي في بالج ويفرحج بشوفت ضناج بحضنج ويقر عينج وعين زوجج ان شاء الله
مادري بس من تجارب البنات الي قريتهم بمواضيعهم بالمنتدى
كل وحده نفع وياها شي من الي قلتيه .. حسب الوحده يعني

مادري اذا انتي مو مستعيله يعني شرايج تجربين تسوين لج نظام معين وتقسمينهم .. هذا رايي

الله يرزقج ياااااااااااااااااااااااارب

وخليها ع الله

البردقوش و المرقدوش نفس الشي