اللي بتدخل لها الاجر انشااله

بس أقترح عليج

* أول شي تختارين الموهوبين عندج بالصف مثلا الموهوبين بالقران وبالتمثيل وبالرسم وبسرد القصه ألخ ألخ ألخ

*وتسوين ملف بطريقه حلوه شرايج الغلاف تحطين صور عيالج مثلا صورة الطفل بموهبة الرسم علي شخصية رسام وموهبة القرأن أذا بنت علي شخصيه فله بالحجاب وإذا ولد علي شخصيه مقرئ القرأن وهكذا

تسويلج مقدمه حلوه عن الموهوبين تلقين شكثر بالنت

*وتكتبين مقدمه عن عيالج كل واحد بصورته وأسمه وبياناته مثل تاريخه الميلاد وترتيبه بين خوانه لأن هذه المعلومات لها علاقه بتأثير الموهبه عليه

*وبعدين تحطين صفحه تكتبين عليه موهبة الرسم

والصفحه إلي وراها تكتبين رسامنا فلان الفلاني مع صورته وتحطين بعض رسوماته وتتوصين أهله بعد يجمعون رسومات من البيت له

وتحاولين تعلقين علي رسوماته بشكل مختصر

وحلو بعد تسوين معاه لقاء تسألينه ليش تحب الرسم؟؟منو علمك الرسم؟؟شنو الألوان إلي تفضلها؟؟؟ شنو تحب ترسم؟؟؟

وهكذا بباقي المواهب!!!وبالنهايه تحطين كلمه ختاميه تدرين شلون خلي الناضره تكتبها وصوري عيالج الموهوبين مع الناضره وحطيها بالملف