|
|
السلام عليكم ورحمة الله وبركاته
اشلونكم خواتي عساكم بخير
عيدكم مبارك وعساكم من عواده
بالنسبه للدكتور سليمان البدر ومقرر تاريخ شرق ادني القديم
منو اخذ عنده واشلون طريقه امتحاناته الفاينل وبالنسبه لبحثه ليش ما يعطي درجة كامله
انا امتحنت اول اختبار وكان سهل حيل بس لاني رحت القاعة امبجر والبنات كانوا قاعدين يرجعون
تلخبطت عندي المعلومات فكتبت معلومه غلط وزدت اشياء من عندي فعطاني الدكتور 7من 10
هذا غير لما قال الاختبار مدته نص ساعه وتوهقت ما عرفت شكتب وكنت حدي متوتره لما قال
ياللا باقي 10 دقايق كتبت حيل حيل من غير حتى ما اراجع مع اني درست له زين حسافه والله
بنات في مجال اذا شديت حيلي بالاختبار الثاني والبحث اني اجيب a
وفي شغله قالها عن الفاينل وما عرفت شنو يقصد قال اقروا كتب خارجيه وان راح اييب اسئله من برا النوت
اشلون بالله ؟ ليش ما قال لنا من اول عن الكتب عشان نقرا منها ليش قال هالكلام لما بدينا بالاختبار الاول
وحتى قال البنيه لا تفرح وايد اذا كانت باعمال السنه يايبه 45 من 50 لان في بنات وايد يابو بعدين بالفاينل 12 من
50 وقال السبب بس ما فهمت عليه منهي اللي فهمت بليز تقولي
ومنو اخذ عنده من قبل وياب 7 وعطاه a او حتى -a
وايد احاتي بنات لان كلش هذا مو مستواي بس والله الدكتور وترني واحتريت اكثر ان في بنات كانوا قاعدين
يغشون ويابو اعلى مني ،،،اشلون ممكن ارجع الى مستواي !
واهوا دكتور حقاني
مجرد يجمع درجاتج ويعطيج حقج
بس هذا الحجي من زمان وسمعت ان تغير
موفقه حبووووبه
ما ادري الدكاترة ليش يتصرفون جذي
صراحه حالتج صعبه علي
ما ادري شقول لج وهقه والله
الله يعينج …….
حاولي قد ما تقدرين تشدين حيلج وبالنسبه للكتب اللي خارج
المنهج حاولي انج تفهمين مضمونها لا تحفظينها يمكن بس جذي يخوووفكم