اللى تعلمنى بالعلاج بدعى لها

هلا حبيباتى
انا مشكلتى انه بنتى عمرها 5 سنوات وطالعه ها ثعلبه في شعرها جربت علاج الدكتور ومافاد واللى يخليكم قولو لى اى شيء يودبه بالمره
امانه اللى تعرف لا تبخل على بالرد

ماتشوف شر انشاءالله بنت عمى كانت كذا اقري عليها وحط عليها زيت مقرى فيه لان الثعلبه عين وافركي على شعرها ثوم الى ان يطلع دم خفيف بس بنتج صغير ماراح تحمل العوار لان الثوم حار

حبيبتي فركيها بثومة ليما يطلع الدم واستمري عليها

حياتي فركيها بالثوم والله يشافيها ويحفظها من كل عين

ما اعرف بس اب لعيونج

نصيحه مني لج حبيبتي اخذي بنتج للحداد يقرا عليها ومثل ماقالو البنات الثوم زين بس ديري بالج لا تنعدين منها لأنها تعدي إذا مسكتي شعرها وبعدها لمستي شعرج

والله يشفيها يارب

ثومه فركيه ينفع

او شيقور من الحواج كل يوم بللي قطنه منه على مكان الثعلبه راح يصير مكانه اشقر بس عادي اسبوع ويطلع شوي شوي عن تجربه

ششششششششششششششششششششششششششششششــــــــــــــــــــ ــــــــيخ دين ظروري هاذي والله اعلم عين اي مرض يصيييييييب الشعر فجاه يعتبر عيييين وبنتج لاتخافين عليها توها صغيره الله يخليها لج ترى اعرف بنات واجد كان فيهم وراح الحمدلله
اغسلي شعرها بماي زمزم وماي مقري وادهنييه بزيت مقري وارقيها بالرقيه الشرعيه وحصني بنتج من عيون الناس مشكلة اغلب الحريم يزينوووووون بنااااتهم حييييييل والناس تفز فيهم بدون لا يحصنون لانفسهم ولا اطفاالهم والحمدلله انها جت ع جذي وماتشووفووووون شر

باذن الله فركيها بالثوم (( عن تجربة ))
بنتي طلعت فيها ثعلبة متوزعة في شعرها والحمدالله فركتها وراحت

ما تشوف شر ان شاء الله

والبنات ما قصروا افركيها بثوم واقري عليها اللي فيها عين الله يكفيش شر خلق الله

الله يشافيها اول شئ حدديها بلون صبوره او اي قلم عشان لا تكبر

ثاني شئ خلي احد يقرا عليها وفركي بالثوم ووبصراحه امدحلج بو حمره لان اعرف وحده تعالجت عنده من 3 ثعلبات براسها يغزها ابر مكان الثعلبه وعلى الله شفاها

بنتي طلع فيها ومالقيت حل غير القران سبحان الله
راحت كلها
ادعي ربج بالشهر الفضيل وربج ماينساج عسى ربي يشفيها ويعافيها يارب ياكريم امين
الامانه تدعين لها وتطلبين من الي تعرفينهم يدعوون لها تري الدعاء مطلوب ومرغوب في شفاء

انا عندي بنتي فيها داون وكل شوي يطلع فيها ثعلبة في شعرها و حده نصحتني في دواء من الصيدلية اسمه هيرجرو أو hairgrow باليوم استخدمه مرتين و الحمدا الله اختفت و الله يشافي بنيتج

اخذي بابونج مطحون مع حنه وعجنيهم مع بعض وحطيهم بس على المكان وان شاءالله تروح بسرعه عن تجربه

انا كان فيني لما كنت صغيرة

امي ودتني عند احسن دكتور.. جان يقولها اخذي حزمة جرجير و حطيها بالخلاط.. عقب اخذي شاش او غترة وعصريها لما يطلع الماي.. وحطي الماي بشعرها

طريقة مضمونة =) و لاتنسين الأذكار

إن شاء الله يرد شعرها أحلى من قبل ويخليها لج