|
|
شلونكم بنات
ابى اعرف اذا وحده حاطه لولب هرمونى شنو مميزاته وشنى عيوبه
وشنو احسن نوع
لانى حاطه لولب عادى وتعبنى بالافرازات والنزيف
وحابه اغير واحط لولب هرمونى
يا ليت تساعدونى خواتى
أنا سمعت عنه كل خير …..حتى د.ماجده حاطته ….ونصحتني فيه بعد الولاده …..
اللولب العادي جربته ….كرهت حياتي ,,ألم البطن والظهر والأفرازات …وأخر شي قرحه ,,لا وحملت عليه
وركبته لي الدكتوره ماجده اليتامى
بصراحه يلوع الجبد انسي شي اسمه نظافه وطهاره
الحين مفكره اقطه قبل رمضان بصوم على طهاره
السنين الي طافت افرازات دعمه وحمرا وكككككككل الالوان لاعت جبدي منه
بس كنت مضطره
عموما ركبته ب 107 دنانير
وخواتي ركبوه بالحكومه بلاش
انصحج ركبيه بلاش عشان اذا ما عجبج ما تحسفين تقطينه
الدوره مالها مواعيد كلش ملش ما تدرين الا اهيا طابه وتعالي اخذي برابيس تبينها تخلص لا لزقه على الفاضي دعومه وصفار وبس هذي حالتنا
وترى انا وخواتي نفس الشي وحتى وحده من اهلنا نفس المعاناه
ترى العيادات الخاصه يحاولون يقنعونج فيه بس علشان يلطون فلوس
قطيعه هالدكتورات يشفطون فلوس ويردون لي ورا
شسوى بعمرى اللولب العادى متعبنى
وانا بصراحه بس شلته حبلت وولدت وعلى الاربع شهور حبلت مره ثانيه ومفكره بس اولد اخلي منه
ونفس مشكلتكم الدورة مالها موعد وتطول 15 يوم واكثر
عاد آنا قلت لا مالي خلق اتوقع هالشي يأذي كفايه أذا قربت علينا وننطرها تنزل نطره فهونت عنه الحمدلله