|
|
السلام عليكم
تكفون اللي عندها خبر او تعرف تفيني افادكم الله
انا وحده طموحه بس الزمن كسر مجاديفي كنت في التربيه الاساسيه وتم فصلي بسبب ظروف لم يتم تقديرها توظفت بالقطاع الخاص على الثانويه وكملت دورات خاصه بالتطبيقي واخذت الدبلوم قالولي البنات الموظفه تقدر تكمل دراستها وتاخذ بكالريوس ورحت الهيئه التطبيقي قالو سبق ودخلتي التربيه ( على فكره التكمله في التربية الاساسية ) بعدين قالو لا سار في فرصه ثانيه للي سبق ودخلو التربية انهم يدخلون مره ثانيه ويوم رحت مره ثانيه قالو التكملة الدراسة فقط لموظفات القطاع الحكومي شوفو الظلم جن موظفة القطاع الخاص ماتكرف اكثر وجن موحاطين حملة هده خله يتحده عشان الشباب يتوجهون للقطاع الخاص وصكوها في وجهي ساعدوني أنا طموحه وودي أكمل دراستي وعندي اجازه دراسيه من العمل
هل تقبلني جامعة الكويت او في امل التطبيقي يقبلوني وغيرون قراراتهم في احد مرت عليه مثل مشكلتي مع العلم تقديري في الدبلوم امتياز مع مرتبة الشرف ولها الاجر اللي بتساعدني او على الاقل تدلني على طريق الصواب سامحوني على الاطاله عليكم ولكم مني جزيل الشكر
انا لانه سكرتيره المدرسه اللي انا فيها صديقتي عرفت من نشره من النشرات
ان اللي وياها دبلوم بغض النظر عن تقديرها بس ماتكون متعديه ال30 مادري38 سنه جنه جذي لانه اذا تعدت هالعمر لازم يكون تقديرها امتياز..
المهم
يحق لها تكمل للبكالريوس سواء كانت تبي تكون مدرسه او اداريه مثل اخصائيه امينه مكتبه…
او اذا على خبري روحي لقسم التسجيل بكليه العلوم الاداريه لانهم يقبلون خريجي التطبيقي اللي لهم نيه لتكمله الدراسه وجنه يشيلونلج سنتين بس يعني تكملين بس سنتين لان وياج دبلوم فيقصون من المده والا هي اساسا لخريجي الثانويه 4 سنوات
اتمنى اكون فدتج بس يعتمد على العمر وعلى كم قضيتي بعملج يعني اذا 4 سنوات بالقطاع العام يمشون معاشج كامل وتاخذين اجازه دراسيه القطاع الخاص مادري عنه بس سألي
وياريت اللي مرت بنفس موقفي تساعدني ولها جزيل الشكر
انا تقريبا مثل مشكلتج …كنت شااطررة حيل بس صارت لي ظرووف ونزل معدلي بالثانوية حيييل
ودخلت الدورات الخاصــة وتخرجت بامتياز مع مرتبة الشرف
والحين امنيتي أكمل في أي كليـــــــة 
ناس تقولي مستتحيييييييل
وقريت في المنتدى وايد يقولون يصير تكملين
وللامانه ما رحت أسال في التطبيقي
تكفوون بنات فيدونا جزاكم الله خيرر؟؟
سوري اختي لا تفهميني غلط.gif "Eh S(6)")
انتي اتقولين انهم ما اقبلوج لأنج تشتغلين بالقطاع الخاص؟؟؟ عيل واللي يقولج ان آنا موظفه بالتطبيقي عندهم وكملت 4 اسنين وقالولي ما يصير لأن شهادتج دبلوم الدورات الخاصه ( سنتين بعد الثانويه )…. واذا بتكملين يصير بره الكويت لكن بالكويت مستحيل انزييييين.
لا وازيدج من الشعر بيت :::: يقولون حتى بره الكويت ما يقبلون ابشهادة
( الدورات الخاصه )
يا فرحتنا واحنا تحقق املنا .gif "Eh S(9)")
بس ابصراحه احنا لازم ما نسكت عن هالشي لأن معظم دول العالم يسمحون للموظف ان يكمل دراسته اذا كان عنده شهادة دبلوم أو حتى ثانوية عن طريق الاجازة الدراسيه… ليش احنا مايصير واشمعنى؟
((((((((((((((آنا اقول لو نجتمع احنا خريجات وخريجوا الدورات الخاصه اللي نطمح ان نكمل دراستنا وانطالب الحكومه انها تغير هالقانون اللي يقلول ( مايصير ))))))))))))))))))
علشان نرفع من مستوى ديرتنا الثقافي وانكون كلنا جامعيين بدال لا أغلبية خريجي الثانوية كلهم دورات دورات دورات ولا تخرجوا معاشاتهم اضعيفه وما تكفيهم لي آخر الشهر ياعيوني ويتحسرون ويتحسفون طول عمرهم.
وللأمانه رفيجتي سكرتيره بالتربيه والحين تكمل بالتربيه الأساسيه وقبلوها على شهادة الدورات الخاصه ولاااااااااااازم تفرغ دراسي من جهة عملج