الله يخليكم بسافر وانا بالشهر السابع يصير ولا لالالالالالالالالا

السلام عليكم بنات الله يخليكم افيدوني انا حامل و ابي اسافر دبي الشهر القادم يعني بنهاية السادس لي او بداية السابع اللحين السؤال اقدر اركب الطياره وانا بالسابع لا تقولون لي سالي دكتورتج بامبي اسالها ابي اللي مجربه ومسافره بالسابع

في دكاترة يقولون ممنوع .. بس رفيجتي سافرت ألمانيا شهر مع عيالها الحمدالله ردت مافيها شي ..

بس ترا كل وحدة يختلف حمالها .. عن وحدة .

ماانصحج ترى تعب انا سافرت بالسابع ورحت بس تخيلي الخبر والبحرين وتعبت معنى كنت مريحه نفسي وهم تعبت

وماراح تستانسين ثقل وغثى ومالج خلق

وانا بعد من المشي والتعب طحت عليهم والله ماتسوى علي وهذا كنت مريحه نفسي

خلي سفرتج بعد طلعتج من الاربعين اونس لج وهذي تجربتي

جنات الورد رحتي بطياره وله بالسياره

بسياره

اي صح متعبه بس ابي اللي بالطياره شلون مع الضغط الجوي

يابعد عمري انا من حملت وانا اسافر بالطياره بس اخذ الدرجه الأولى علشان اريح عمري بس مطره اسافر لأن ادرس بلبحرين والحين خلصت
الحمدالله . وانا وانتي تفس الفتره انا راح اسافر اخر الشهر دبي بس 3 ايام بروح اجهز حقي وحق البيبي واكون في نهاية السادس بس كل مره اسافر اخذ موافقة الدكتور ويعطيني تقرير.

حبيبتي اذا كل شي تمام فحملج ان شاء الله ماعليج شر
انا صايره ابن بطوطه كل شهر اسافر مره بين البحرين وقطر
والحين بسافر وانا فالثامن والدكتوره قالت لي قبل موعدج بشهر بس اللي مب زين ولان القانون ما يسمح
وانا كله اخذ الدرجة الاولى اريح لي عشان ما اتعب كلش والحمدلله سهالات

اذا بالسابع ما يخلونج تركبين الطياره

انا سافرت بالخامس و طبعا لازم درجه اولى ….و لازم تلبسين الدلاغ الضاغط و تمشين او تحركين ريولج كل 10 دقايق

وةكانت معاي وحده بالطياره هم حامل بس كانت بالسابع الكابتن نزلها

و انا اللي اهرفه الاشهر 3 الاخيره ممنوع السفر فيها و لاوم تسئلين دكتورتج و تعطيج الموافقه

بنات شنو الدلاغ الضاغط ؟؟

انا رحت امريكا بااخر السادس اول السابع حيل تعب بس عادي بس نزلت من الطياره راح التعب

الدلاغ الضاغط ..تشترينه من بووت تقولين لهم ابي دلاغات الطياره ب 7 دنانير او اكثر سعره

يلبسونه اللي فيهم دوالي او ضغط او حوامل علشان يمنع تجلطات الريل

مشكوره حبيبتي مقصرتي

يعطيكم الف عافيه على الردود الجميله ياحبيباتي

يسسلمو على الموضوع نفس استفساري كان