|
|
الله يحرم وجيهكم عن النار ويدخلكم جنات انعيم الي ترد علي
——————————————————————————–
——————————————————————————–
اريد ان ابدا قصتي واريد الحل منكم انافتاه ذات دين واخاف من الله كنت ادرس التحفيظ وكانت حياتي ولله الحمد مرتاحه فيها مع زميلاتي الملتزمات في التحفيظ وذات يوم جاء رجل يخطبني من ابي وهو متزوج ولديه بنتين وولد اصغرهم عمرها 19 وصدقوني كنت اكره التعدد من الي اشوفه من ابوي لانه متزوج ثنتين وانا متعقده من مشاكل البيت وجاء الخبر كالصاعقه والمهم وافقت وانا ابكي لاتقولون مغصوبه لاوالله هروب من المشاكل وتزوجت وكان من اهل الرياض وعمله في الرياض وزوجته معه وانا سكني عند اهله في صحراء قريبه من القصيم وكان يجيني بعد سته ايام ويجلس عندي 3 ايام ويروح كنت في وحده واهلي بعيد ولا اتمشى زي الناس كنت اجلس عند بابي وابكي وكانت الدموع هي ونيسي الوحيد وكنت ادعي الله انه يرزقني ذريه صالحه وبعد مرور سنه ونص حملت وجات احلى بنت وكانت ماليه علي حياتي المهم زوجي نقل اهله قريب من عندنا في قريه زينه فيها ناس مدري حس فيني ولا لا يوم نقلهم وصار يجلس 6 ايام في الرياض و4 يقسمها بينا مرت الايام وطرد المؤجر زوجي وكان بيت زوجته اجار ماذا تتوقعون سوا ورغم ظلمه لي وكان يضربني على اتفه الاسباب ويحب زوجته اكثر مني وووو الخ كان انسان قاسي وكنت صابره واحتسب الاجر لله وجاء عندي وهو ضايق الصدر وسالته قال المؤجر بيطلعني خلال اسبوع وانا ماادري ويش اسوي صدقون بدون تفكير قلت بيتي كبير اسكنوا عندي حتى تبني بيتك عندنا وقال هذا بيتك مااقدر اغصبكي بشي انت ماتبغينه كنت افكر استشير احد بالفعل دقيت على داعيه وقلت هذا الي سويته علشان افرج كربت زوجي ومن فرج كربت اخيه المسلم فرج الله كربه من كرب يوم القيامه وايدتني وقالت نعم الزوجه انتي وسكنو عندي وقلت الحين راح يغليني كثير وصار العكس صحيح صار يهاوشني على اتفه الاسباب ويرفع صوته علشان الكل يسمع صار اذا طلبت شي يحرجني عندها ويقول ماعندي شي ويعاملني بقسوه ولاعمري فتحت فمي وقلت انا سكنتك عندي ولهم اكثر من سنتين عندي ومرتاح وهي مرتاحه لانها تسمع كل شي حتى يوم ينام عندي تعرف انه مايسوي شي الابعد كم يوم عكسها هي كل يوم وفي اليوم اكثرمن مره وتقول لي انه مايرتاح الا عندها هو قايل لها وقالت اصلا مااخذكي الا علشان الاطفال هي ماوقفت بس هي مطوله ماجابت والان انا حامل بالثاني ,وكل ماحملت يكرهني ومايصدق اني حملت ويصير كل شي يسوي عندها من راحه وضحك وسوالف وانا بس لتربيه و بنتي صارت تحبها اكثر مني لان اذا جاء عندها صارت تنادي بنتي علشان هو يحبها اكثر مني والله تعبت وادعولي ان الله يفرج همي ويرزقني بالولد الصالح هل انا غلطانه اني سكنتهم عني؟ او علشان وافقتك بس محد يدري ليش وافقت انا اعيش للاخره وربما سكنهم عندي وتفريجي لكربت زوجي تكون سبب لدخولي جنات النعيم الدنيا ظل زايل وعسى ان يرحمنا بواسع رحمته والسلام
[
ربي يشرح صدرج ويرزقج من حيث لاتحتسبين ويرزقج الولد اللي يغنيج عنهم
والعوض بالجنه يالغاليه والله محد بهالدنيا مستريح !!
آهم شي الدعاء ومصير الآحزان تنساج وتفتكرهم !!
ويحسوون بقهرج وظلمهم لج
ربي يسعدج يالغاليه
كلها جذيه .. وقصتج عاديه بالنسبة لمشاكل السعوديين .. الابو متزوج كثير .. وزوج البنت لمتزوج وكبير عليها ..
والحين مو سعيده .. وغير انه السعودية تغيرت كثير من الناحية الاقتصادية بعدما كانو السعوديين والبدو من الاغنياء بالخليج ..
الحين نشوف القروض والبيوت المأجرة وووو ..
شنو المشكلة بالضبط ؟؟
لانه اختي هذي حياتج نفس طبع اهلج .. ماخذيتي واحد مو من ثوبج .. يبيلج شي علشان تعيشين سعيده مع التأقلم مع الاوضاع اللي ماتقدرين عليها ..
ظنج ابوج بيخلي عنده بنت مطلقة ؟ عبالج اهلج سهلين .. الناس عبالج سهلين بالرياض .. انتي بروحج تعرفين هناك شلون .. لانه بيوم من
الايام حتى ولدج جذيه لين صار محد يقدر يعيب عليه .. هذي توارث اصول .. وبدو السعودية غير عن بدو الكويت ..
بدوية الكويت يمكن تقدر تسوق تقدر تشتغل تقدر تتصرف ولها كلمة .. اما البدوية من الرياض غير وضعها ..
والله يعوض صبرج بالاخره اضعاف مضاعفه
اللهم امين
بعدين شوفي الاشياء اللي تهون عليج تذكري الاشياء اللي كنت تعانين منها عند اهلج وشلون ارتحتي منها الحين والاشياء الحلوه اللي بزوجج مو معقوله مافي شي زين كافي ان يخاف الله هذا اللي مبين في ناس تشرب وتعاطى وتحرض زوجاتهم عالرذيله………. الحمد لله دام يبي منج عيال اكيدر بيحبج ترى العيال يألفون القلوب…………. لو مهما كان قاسي بيصحى ضميره ………….
نصيحه اختي داومي على الاستغفار والله بتشوفين اشياء ونتايج رهيبه والله انا مجربته كانت في اشياء بحياتي مستحيل تصير وصارت وبسهوله الحمدلله…………..وحده اكثر منج مع زوجها بس هذيج تزوج عليها ومايبي منها عيال قامت تقول كل يوم حسبي الله لا اله الاهو عليه توكلت وهو رب العرش العظيم.7مرات الصبح وبالليل…. وصار مثل الخاتم باصبعها……..
يااختي دشي المنتدى وفضفضي و وسعي صدرج مافي انسان خالي من الهموم ……… ما راح انساج من الدعاء باذن الله
المهم انج تكثرييين الاستغفااار والصبر الصبر الصبر ، مالج غير الصبر
ولا تندمين لانج سكنتيهم عندج ، لان هذا عمل خير ، ودامج سويتيه لا تندمين علشان الله مايحرمج اجره
وعسسى الله يعوضج خير يالغاليه
اتجهي الى ربج والزمي الاستغفار لاتياسين فهوا باب للرزق
ودايم ادعي ربج وقولي دايم يارب يارحيم وريني عجائب مقدرتك ياكريم
واذا هاوشج او عصب عليج وعلا صوته عليج استغفري ربج بوجه وادعي ان الله يهديه ويصلح ما بينكم ويحبب ويحنن قلبه عليج
واقري القرءان واخاصه سروره البقره وان شاء الله بتعدل حالتج وبتدعيلي
توجهي لله فلن يخيبك !
اللهم فرج همها وأسعد قلبها واجبر كسرها
اللهم آمين
أكثري من الاستغفار والصلاة على النبي عليه الصلاة والسلام
وستتفاجئين بتغير الأحوال
والحمد لله على كل حال
يمكن تتكشخله تبتسم بويهها اتضحكه اتسولف معاه اتفرفش معاه تتتدلع عليه اتسويله جو << وترا كل هذا مقدور عليه وانتي تقدرين اتسويييينه وصدقيني ماكو ريال يضعف قبال أي مرة انتي بس استخدمي اسلحتج الفتاكة وجذبيه صوبج وعلى بنتج لا اتخلينها اربعة وعشرين ساعة عندها اهي بنتج انتي مو بنتها اهي ولا تكبر واتظن ان اهيا امها ويروح تعبج وحمالج عالفاضي
وهم كسبي مرته الاولية عشان ما اتشيشه عليج واتحبلج الخير مثل ماتحبه لنفسها
والله يعييينج
ونعم التصررف وكلا في ميزان حسناتج ان شالله