الله يجزيها الجنة اللي ترد علي اخذت اجازة مرافق مريض و معاش العطلة تبهذل ليش ؟؟؟

اعتقد عرفتو السالفة
سافرت مرافق مريض 3 شهور
راتب العطلة المفروض ينزل هاليومين بس لما جيكت على ديوان الخدمة المدنية بشوف كم بينزل لقيت المعاش مقصوووووووووووووص قص
مخصوم اكثر من الف دينار من معاش 3 شهور
شهر 6 و 7 و 8
اذا احد فاهم شالسالفة يفهمني
و تسلمووووووووون

انا اللي اعرفه .. بعد 6 شهور من مرافقة المريض
يخصمون من المعاش بس انتي اتقولين ان بس 3 شهور مرافق مريض
يعني في شي غلط .. انزين انتي باشرتي العمل ودزوها المنطقه ولا لاء ؟؟

هذي السنة قسم المالية في الوزارة وايد ناس غلطان في حسابتهم الي كانوا مرافقين مريض …وراجعوا الوزارة وردوا لهم بعض الفلوس روحي للوزارة وجيكي والله يسهل امرك وامر المسلمين

رجعت اول 6 و سلمتها باليد للمنطقه

مشكورين على الرد
بس وين اراجع بالضبط يا ليت تفيدوني
و اللي تعرف شنو صاير او عندها خبره بقسم الرواتب تفيدني

تروحين للوزارة قسم الرواتب خبري بالسرداب وتطلع ملفج وتحسب الاجازة من الكمبيوتر وتوريج شكثر الخصم الي يتم والله يعوض عليج بابرك منهم

اجازة مرافق مريض ما تستحقين مقابلها اجازه فيتم خصم مقابل كل يوم اجازه ثلث يوم من الصيف تقريبا يعني 3 شهور مرافق مريض يتم خصم شهر من معاشات الصيف الله يعينج

حبيبتى همامه اسمحيلى افيدج انا كنت مثلج طالعه مرافق مريض من شهر 2 وتميت 4 اشهر وراجعت بعد رجعتى الاسبوع اللى طاف وزارة التربية مبنى 2 قسم المالية واحسبوها لى يطلع 1500 وشى وانا طلبت منهم بعد الحنه يحسبونها لى لأنى بدفعها كاش وبعد السين والجيم وليش وشحقه قالى الموظف احنا نخصم المبلغ من راتب شهر 9 لما اداوم يعنى مو بالعطله وطبعا هذا قانون عندهم علشان ما يبهذلون راتبج بس انا طلبت منهم ادفع المبلغ مدام الحمدلله عندى الله يعافى الجمعية اللى داشتها عوضتنى وبس سلامتج اتمنى انى جاوبتج باللى صار لى
والله يعوض علينا

الله يعوض على الجميع
مشكورين على الردود بس عشان افهم يعني راح يخصمون من معاش شهر 9 بعد؟؟؟؟؟؟؟؟؟؟
صارت حوسه
بنات اللي فاهمه تفهمني بعد شهر 9 راح يخصمون من معاش شهر 9 ؟؟؟؟؟؟؟؟؟؟؟
بصراحه وضع الوزارة عندنا مو طبيعي

اب
اب
اب