|
|
السلام عليكم
انا يا بنات محتاره بين :
الدكتوره دلال السالم
الدكتوره ناهده العلي
الدكتوره نزهت اللي بالسلام
الدكتوره نجمه بالسلام
ابي دكتوره شاطره فاهمه صدرها وسيع.gif "Eh S(17)")
ومحتاره بالوالده بين السلام و المواساه ابي العنايه
الله يرزق كل من ترد علي بالذريه الصالحه كاملة الخلق و الخلقه
بس مشكله انتي منو ترتاحين لها ناهده وايد يمدحونها
واعرف وحده والده عندها تقول تعاملج جنه بنتها
وحتى دلال في بنات يمدحونها واعرف ناس ولدو عندها
بس تبين نصيحتي جربي اول روحي حق نجمه او نزهت
بتقولين ليش اقولج انا افضل الدكتوره من المستشفى
لو صار شي الا اهيه قريبه من المستشفى اسهل
من الدكتوره اللي من عياده خارجيه على مايدقون
عليها وعلى ماتيي وتصير العنايه افضل لج لان
السستر يعرفون الدكتوره وهذا رايي شخصي
يمكن في بنات يفضلون من بره المستشفى
وبالنهايه انتي وراحتج النفسيه مع منو من الدكاتره
واما اي مستشفى انا ماجربت الا السلام
عنايتهم زينه بس انا ولدت وطلعت ماطولت عندهم
ثاني يوم طالعه ماقدر امدح واذم وايد
بس انا جربت مراجعه وحدة عند دلال السالم ما ارتحت لها مع ان الكل يمدحها
و ناهدة دلال وايد زحمة عليهم النطرة تغث
ماجربت ولادة السلام و لا المواساة
بس كل مستشفى في من يمدح و من يذم
انا جربت رويال حياة مرتين و امدح و غيري ممكن يذم
المهم الراحة النفسية و الاستخارة
روحي زوري المكان شوفي الغرف و الاجنحة و شوفي غرف الولادة
انا زرتً كل مستشفيات الكويت و شفت كل الغرف و الاجنحة و غرف الولادة ماعدا السلام كان ممنوع اشوفهم
و الراشد مافكرت اروحله
المهم بعدها استقريت على رويال حياة و صليت استخارة و الحمدلله ولادتين عندهم سهاله و ان شاء الله بعد هالمرةً عندهم
انصح بطريقتي انج تزورين و تشوفين و تقارنين الاسعار مع الخدمات و جودة الغرف و الادوات وبعدها اذا استقريتي على مكان استخيري و توكلي عالله
مو من النوع الي تطلب تحاليل وخرابيط وانا افضل التحاليل بشكل دوري
بس بالولاده مو طبيعيه انا جربتها 3 مرات الحمدالله سمحه وسلسله بوقت الولاده مع اني ادق عليها بالوقت الضايع بس ماتخليني
ومن ناحية الخياط ممتاااازه وتعاملها وهاديه وقت الولاده مو من النوع الي تشطج او تخرعج ودايما السانها يسمي وتستغفر وتذكرج تدعين تجربتي معاها ولله الحمد من احسن مايكون
المستشفيات ما جربت الا دار الشفا ما اقدر افيدج من ناحيه المستشفيات الله يسهل عليج حبيبتي ويكتب لج الخير
ربي يهون عليج
الادوية اللي توصفها رخيييصة وتاخذينها من اي عيادة ومراجعاتها و ولادتها ماتكلف دليل انها مو مادية كلش وحليوة وتعطي من قلب ويمدحون خياطها
بس هم دلال السالم عليها مدح قوووي ويمكن بولادتي الياية ان شاء الله اروحلها والباجي ماعرفهم
انا اخترت ناهدة لان حالتي مو سهلة والعايلة كلها عند ناهدة فتطمنت لها
اما المستشفيات السلام كشخة و كبير وحلو بس زحممممة سواء من الطريج او من داخل بعد قبل لما راجعت عندهم انطر 3 4 ساعات تخيييلي اما ناهدة بالمواعيد فعلى طول تدشين
والمواساة طريجه حلو ومن داخل مو زحمة بس مو كشخة نفس السلام مع انهم اثنينهم اسعارهم غالية
ونصيحة اختاري الاقرب والله يسهل عليج