اللهم اجرني في مصيبتي واخلفلي خيرا منها

السلام عليكم و رحمه الله و بركاته

اشلوونكم بنات؟

أنا متزوجة من 5 سنين تقريبا و عمري 23 و عندي ولد عمره 3 سنين الله يخليه ليه و بعد ولدي تأخرت ما حملت لاني رضعته سنتين و بعد السنتين يلست فتره ماحملت طلع عندي هرمون الحليب مرتفع فتعالجت منه و يلست 3 شهور ماحملت فرحت حق مره و مرختني و بعدها حملت على طول و فرحت كثير بحملي و تميت اقرا كل يوم على بطني و اتمنى ايي اليوم اللي اولد فيه و عرفت انه فيني توأم في الشهر الثاني و خفت كثير لاني دوم اسمع عن مخاطر حمل التؤام بس بعدين فرحت و استمريت ع الاذكار و الادعية لكن قدر الله اني اول ما ادخل الخامس اني اولد ولادة مبكرة فولدت تاريخ 8/5/2012 و كنت تقريبا 19 سبوع من الحمل و توفوا اولادي بعد الولادة بساعه ونص و قرر المستشفى اني اسوي عملية تنظيف لان بعض اجزاء المشيمة ما نزلت بس أنا ما رضيت و قلت بروح البيت و بشرب ادوية واشياء حاره و بتنزل ان شاء الله و المستشفى عطاني موعد 3/6/2012 إذا ما نزلت قطع المشيمة انهم راح يسون العملية و سويتها يوم الاحد بس لقوا قطعة من المشيمة منغرسه داخل جدار الرحم فاضطروا يسحبونها بقوه فانسحب جزء من جدار الرحم مع القطعة فاضطروا يوقفون العملية لانه صار نزيف بسيط و خاوفوا انه الجرح اللي صار في المشيمة يحتاج خياطة بس الحمدالله طلع الجرح ما يحتاج خياطة بس قالت لي الدكتورة انه ضرووري سنة كامله ما احمل

بنات أنا نفسيتي واييييد متحطمة وابي منكم دعوه ان الله يصبرني و ياجرني في مصيبتي و يرزقني بعد سنة اني احمل بتؤام كاملين و يتمون لين الشهر التاسع و يكونون بخير و صالحين ?نه كان خاطري اييب اخوان لولدي و خاطري كثير في توأم و الحين ما ادري شلي راح يصبرني سنة كاامله ما احمل

استغفر الله العظيم واتوب إليه

وبعد ابي اعرف مانع حمل تمام عشان لما اقطة بعد سنة احمل على طول ما ابي مانع حمل ياخر حملي بعد السنة

والسموحه ادري طولت عليكم بس حبيت افضفض لكم

حبيبتي

{قل لن يصيبكم الا ماكتب الله لكم}

خييييييييره وقولي الحمدلله على كل شي

والله يعوضج ويعوض صبرج بالتواااااائم الصالحه

وحمدلله على سلاااامتكم وتطلعين من الشررر

من ناحية الحبوب المانع اسالي دكتورتج بتفيدج اكثر مناا …

يا حياتي الله يعوضج يا رب و صدقيني كل شي بهالدنيا مقسوم و مكتوب والواحد لو مهما سوا مراح ياخذ غير رزقه

انتي دايم خلي هالجمله ع لسانج

( فوضت امري لله والله بصير بالعباد )

بتلقين الامور سبحان الله تتيسر وتتسهل

قولي الحمد لله ياربي اللي رزقج بولد و فكري فيه الحمد لله ياربي هذا اكبر نعمه
وسنه بسيطه ان شاء الله بتمر ما حسيتي فيها دام الوضع سليم في ناس تقعد سنين تتمنى ريحه الجاهل ولايدرون شالعله وشالسبب
اهم شي ياقلبي انتي لا تضايقين نفسج ولا تكدرين وادعي ربج الخيره و كل شي باجره باجر يشفعون لج عند ربي

وبالنسبه للمانع ماعندي خبره فيه
ادري طولت عليج اعذريني

الحمدالله على كل شيء

اللهم آمين الله يسمع منج و الله يسلمج و مشكوووره فديتج ع الدعوة

فوضت امري لله والله بصير بالعباد

مشكوووره حبيبتي والله ردج ريحني وايد و ان شاء الله يتمم لج حملج ع خير

والله يزرق كل محرومه بالحمل التام

حبيبة قلبي الله يعوضج خيير ان شاء الله ولاتحاتين هالسنه بتمر بسرعه اهم شي انتي حاولي تتناسين اللي راح وحطي بالج على نفسج وولدج وبيتج
وان شاء الله يااارب بس تمر هالسنة تبشرينا بحمالج بتوأم
بالنسبة لحبوب منع الحمل تختلف من جسم لي جسم فالأحسن تسألين دكتورتج

الله يصبرج ان شاء الله ويعوضج

ويرزقج بالتوائم يااارب لي الشهر التاسع وينولدون بصحه وعافيه

الله يعوضج حبيبتي وان شاء الله المره اليايه
تحملين بتوأم و تولدينهم بتاسع

هذا ابتلاء من رب العالمين ومن حبه ربه ابتلاه

شوفي شلون الايام والشهور تمر بسرعه والحمدلله انها سنه

ولاصار شي اكبر لاسمح الله

الله يصبرج ويعوض صبرج خير ويرزقج التوأم الصالحين المتعافين ياارب

ويتمم عليج حملهم ان شاء الله

حبيبتي أول شي الله يخليلج ولدج و يعطيج الصحه و العافيه الله يصبرج و يشفيج ياارب صدقيني الي تشوف مصيبة غيرها تهون عليها مصيبنها و الحمدلله الخيرة دائما فيما اختاره الله

الله يعوضج يارب
والحمدالله على سلامتج

الله يعوضج ويصبرج ويرزقج

الله يرزقج يارب حبيبي.
الخيره فيما اختاره الله صدقيني
أودايما رددي دعاء ربي لاتذرني فردا وانت خير الوارثين

الله يعوضك يارب وبيكونون شفعاء لك يوم القيامه ومامريتي فيه تكفير باذن الله وربي بيعطيك لحد ماترضين
قال المولى عزوجل (ولسوف يعطيك ربك فترضى) الله ارحم فينا بانفسنا والسنه الجايه بتجيت تكتبين عن حملك وولادتك
باذن الله

الله يعوضج ان شالله وسنه بتمر ان شالله بسرعه وبتحملين ان شالله وضعج احسن من غيرج بكثير تذكري هالشي والل مايكتب للانسان الا لي في مصلحته
وعن حبوب المانع في كذا نوع اخذي للي يناسبج جربي او خلي المانع طبيعي عزل وغيرة
الله يرزقج بتوم المتعافين