اللحميه بعمر سنه ؟؟

السلام عليكم
بنات انا ولدي الحين عمره سنه وقالوا لي لما كان عمره 3 شهور ان فيه حلميه ونصحني الدكتور ان كمل سنه نسويله عمليه نشيله لان ملعوزته كله تعبان منها وكلا منتشل ولازم كل شهر مريض من ورا هاللحميه عاد اشرايكم اسوي له اشعه واوديه اشوف وشنو تنصحوني بأي دكتور ممتاز بهالسوالف واللى كان ولدها جذي ياليت تذكرنا السالفه واشلون شالوها

اي والله انا هم شاكه ولدي فيه الحين عمره سنتين وكله منتشوول وخشمه يصب ..

والحين صارله شهرين يشخر وهو نايم ولا يقدر يشرب حليب وهو منسدح .. تتوقعين هذي لحميه ؟؟

منو الدكتور اللي اقدر ارجع له بهالامورر ؟؟

والله مادري شقولج

مشكلة اللحميه انها ترد مره ثانيه

انا شلتها حق ولدي واهو صغير بالعسكري بس الحين ردت مره ثانيه

بنات راجعوا المستشفى العسكري ترا دكاترتهم ماشالله ممتازين

اختي انا ولدي البكر كان عنده لحميه من ولدته وقالوا لي صبري عليع ليما يكبر جريب الخمس سنسن لان لما يكبر الراس راح تصغر انا ولدي كمل اربع وما تغير حجمها كانت متوسطه الى كبيره الحجم وكله كانت تلتهب اذنه
اخر شي استخرت وديته المواساة عند صادق هارون قال حرام عليج هاذي كبيره تاثر على لسمع و النطق ما صدقته رحت اعبدالله العلي قال نفس الكلام رحت الحكومه سوا له تخطيطي اذن قالوا ما فيه شي شويت ماي وشمع وما سوو له العمليه رديت رحت لعبدالله العلي قلت الولد ما قصر صبر اكث من اي ياهل
قالي احسن له عمليه

المهم سويتها عنده والحمدلله وطلع اذنه اليمين مسكين كلها ماي وشمع حراام حطوله انبوبه باذنه

ولدي الثاني كان كله يمرض ويدخل مستشفى ما كنت ادري ان فيه لحميه بعدين على عمر سنه قام يفصل التنفس عنده واهو نليم وكله يشرق ولما سويت له اشعه طلعت لحميه كبيره
على طول رحت لعبدالله العلي و قال دام ان نفسه يفصل لازم تنشال
لما سالته ان كل شي كان عنده طبيعي مو نفس اخوه قال اللحميه تفرق حسب الحجم و وين اهيه مايله صوب الحلج او الاذن
وساعات اللحميه تكون بالحجم الطبيعي بس تلتهب وتكون متعبه
العمليه انشاء الله سهالات البنج والعمليه نص ساعه
والله يوفقكم و يشفيه

[

بنت اختي بعد الحين عمرها سنه الدكتوره قالت فيها لحميه ويوم سألنا منو احسن دكتور قالت خالد الصبيح الي بالمواساة
وصج رحنا له وانشالله على الشهر الياي عمليتها لانها صج صج صج تعبت من اللحميه .. والله يسهل عليها انشالله

والله والله وبالله انه غير الدكتور عبــــدالله العـــــــــلي لاتروحين الله يرحم والديه بالدنيا والاخرة

انا بنتي اتعاني مثل ولدج وكثر بكثير وكان عمرها 6 شهور وخلني اسوي لها اشعه وطلع فيها لحميه عودة كان يسبب لها اختناق في النوم وعند شرب المميه لما رحتله وعطاني دوا واحد بس قالي داومي فيه شهر ونشوف والله قتله اوكي بعد شهر بس انا ابيك تسوي لها العمليه وطلع فيها ماي بالاذن غليظ جذا ولحميه عودة ولله الحمد الان بنتي الحين صحتها تمام بفضل ربنا و الدكتورعبدالله العلي

ولا تحاتين على ولدج روحي ولا تنطرين الدوا توكلي على الله وسوي العمليه وراح تشوفين الفرق بعد شهرين والله واخذيه منى انا المجربه في بنتي

انا بنتي فيها لحميه ولوز حبيبتي والله

ام زينب وين عياده عبدالله العلي

ممكن عنوان عبدالله العلي ورقم تلفونة

شيليها قبل لا تكبر وتلعوزه زيادة وتسبب ماي بالاذن
ترى تاثر على السمع والعقل والسلوك والاكل