اللحمية

السلام عليكم
اذا سمحتوا منو مسوية هالعملية حق عيالها و عندي شوية استفسارات ولا عليكم امر:
1- عند اي دكتور و اي مستشفى
2- جم كان عمر الياهل وقت العملية
3- شكثر طول الياهل بالمستشفى
4- شكثر الوقت المطلوب عشان الياهل يمارس حياته عادي و يروح الالم
5- صج من الافضل تصير العملية بالجو البارد يعني بالشتا احسن من الصيف والا هالشي ماله اساس طبي
و مشكورين مقدما

انا ان شاء الله راح اسويها حق ولدي

العمليه اللي اسمع عنه ما اطول نفس اليوم يطلع والدكتور العلي اعرف ناس مسوين عنده ومشاالله يمدحونه

واعتقد بالصيف احسن لان بالشتا نشله ممكن تعوق العمليه

1- عند اي دكتور و اي مستشفى

عند مستشفى زين الاتصالات بس لازم واسطه وعند دكتور علي صفر

2- جم كان عمر الياهل وقت العملية
سنه و4 شهور توني يوم الاحد سويتها واولت امس طلع اليوم الثاني طلع يعني وكنت مسويه لحميه ولوز

3- شكثر طول الياهل بالمستشفى
المفروض يدخل قبل العمليه بليل واليوم الثاني الصبح يسويها بس لازم يكون صايم يعني اللله يعينج انا ولدي تسدح من اليوع لانه من 8 ماياكل شي بس سوائل ومن 4 الفير بس مايشرب يصوم واليوم الثاني طلع من بعد العمليه لانه كان سنه و4 شهور فقال الدكتور اللي اقل من 3 سنين افضل انهم ينامون بالمستشفى

4- شكثر الوقت المطلوب عشان الياهل يمارس حياته عادي و يروح الالم
عادي اليوم الثاني الحمدالله صار شوي احسن ويقدر ياكل

5- صج من الافضل تصير العملية بالجو البارد يعني بالشتا احسن من الصيف والا هالشي ماله اساس طبي

والله مادري عادي ماقالي شي الدكتور وبعد العمليه ب3 ساعات راح يعطونه برد وجلي يعني مكله اشياء بارجه انتي لبسيه ثقيل

و مشكورين مقدما
العفو حياتي اتمنى اني فدتج ولاتخافين انا كنت خايفه اكثر منج والحمدالله سويتها وخلصنا والله يقومه بالسلامه انشالله واي استفسار دزيلي عالخاص وانشالله مااقصر معاج

1- عند اي دكتور و اي مستشفى
عند محمد دماطي عيادته خلف مجمع النقرة والعملة يسويها بالهادي – بس حاليا قمت اتابع مع ولدي عند دكتور ثاني عبدالعزيز عطية حيييييييييييييل ممتاز بمركز العناية الألمانية.

2- جم كان عمر الياهل وقت العملية
عيالي اثنينهم واحد كان عمره 11 شهر والثاني سنة و 8 شهور

3- شكثر طول الياهل بالمستشفى
من الصبح للمغرب ويطلع

4- شكثر الوقت المطلوب عشان الياهل يمارس حياته عادي و يروح الالم
الألم من ثاني يوم يروح ويمارس حياته الطبيعة من ناحية النوم والاكل بعد اسبوعين تقريبا والطلعه عادي عقب جم يوم

5- صج من الافضل تصير العملية بالجو البارد يعني بالشتا احسن من الصيف والا هالشي ماله اساس طبي
ما عندي علم بهالشغلة

و مشكورين مقدما
حياج الله وأجر وعافية يارب

انا كانت عند اذنه لحميه وسويتها وعمره 8 شهوور

وسويتها بابن سينا والعمليه كانت الصبح الساعه 9 وطلع بعد ساعه ونص وقعدنا لي 11 ونص

وردينا البيت وكانت حيااته عادي

والله يقومه لج بالسلاامه