اللبس والكشخة عند الزووج مهم وعااااجل

السلام عليكم ورحمة الله وبركاته

شلونكم حبيباتي ان شاءالله كلكم بخير وصحة وعافيه

خواتي الحبيبات

تكفون ابي منكم تعلموني شلون اكشخ لزوجي احسن ما اعرف شلون اكشخ او شنو اسوي

والله ما اروح مكان الا واشتري قمصان بجايم بس ما ادري ليش ما البسهم او قليل البس ما ادري ليش

حتى شعري طريقته وحدة يا فالته او رافعته بكماشه او لافته يعني ما اعرف اسوي تسريحة او شي حلو

حتى المكياج ما اعرف لانه ما يحب المكياج والمصيبه ما اعرف احط مكياج خفيف وساعات من اخبالي حتى كحله ما فيني اقعد عنده عادي

واموت من الحرة احس اني خبله لا مكياج ولاشي ولبس عادي

تكفون حبيباتي علموني شنو اقدر اسوي لزوجي عشان ما يطالع مني ومناك ابي اسوي شنو اشتري او شنو اسوي عشان اكشخ حق زوجي بالشقه

ودي اتعلم التسريحات شنو للبيت عند زوجي شسوي علموني الله يجزاااكم خير

والله اللي تعلمني لادعيلها

تكفون لا طنشوني طلبتكم اخذو فيني اجر

ابي اكشخ لزوجي بس مو عارفه

الله يخليلج زوجج انشالله و مايطالع غيرج طول العمر يا رب

أهم شي حبيبتي

تتكشخين بالعطور و الكريمات اللي على طعم مثل منتجات

Jessica Simpspn جيسيكا سيــــمبــــسون عندها كريم فراولة مع بخاخ

و صابون و حلاو كله للجسم و الدلع و الكشخة حق الريل

و بالنسبة للبس

لبسي أشياء دلوعة و أنثويــــة

دانتيل على حرير على هالخامات اللي تحسين فيها أنوثة و ملمسها حلو

و الشعر عادي تقدرين تغيرين فيه

تحطين باند او تاج عريض نفس طريقة بنات الستينات فترة الأناقة و تركبين معاه موديل هم بعد ستينات قميص للبيت

أو سبعينات

و ترى حلو ال Leggings الدانتيل حق البيت حده إغراء ( لقينقز )

بس النصيحة الأهم حيلج بالعطور و البخور و الريحة الزينة

و الله يهنيج حبيبتي

ياحبيبتي مولازم يوميا تكونين كأنك جايه من عرس

مره البسي اشياء ناعمه مثل بجامات من لاسينزا او نكست او دبهامز ألوان حلوه ونعومه

ومرات قميص نوم مع مكياج ولاتقولين مايحب المكيااج كذااابين لاشافوا المذيعه او فنانه تارسه وجهها مكياج قعدوا يخزون

اهــــــــــــــــم شي تكونين متسبحه دايم وريحتك حلووووووة وانصحك اخذي مسك من القرشي حق الجسم ريحته عجيبه وسبشل ادهني أماكن النبض بجسمك وشعرك رووحي لصالون خليها تقطعه لك وبالموس احلا يطلع حلوووو

انا شخصيا ما احب المكيج بالبيت دايم بس اخربط باللبس ويا غلووسات ودايم مبخره المكان
اتمنى اكون افدتك

يعطيج العافيه وصاجه حبيبتى مايبونا نحط مكيااااج وعيونهم تلاقط عالتلفزيون هههه شوفى حبيبتى عشان يشتاق لج لاتكشخين له وايد يعنى حزه الضحى خلى عيج سبورتات ولمى شعرج وخليج بدون مكياج احسن يعنى واثقه من نفسج وحزه العصارى خليج بالجينزات والتنانير القصيره او الدراريع الحلوه اذا فبيت الحموله وحطى مكياج ناعم اما الليل فخليج متكشخه جنج رايحتلج عرس تمكيجى والبسى اللى تحسين انه يحبه واتمنى لج التوفيق

البنات ماقصرو انا بعد استفدت من نصايحهم
وليش تشترين بجايم وقمصان وماتلبسينم؟؟؟ لازم تلبسينهم حتى لو زوجج مايمدح في مكياجج ولبسج هم لازم تلبسين
شوفي انا زوجي بداية زواجنا كان يقولي لاتحطين مكياج ماحبه انتي جذيه احلى :يقص عليهاومصدقه
لين حفظني عدل مدل بعدين صار يقول ليش ماتحطين مكياج انتي ماتكشخين.ماينعرف لهم
فانتي
غيري مرات حطي ميكب ناعم لبسي عدسات سوي شعرج تجعيد وحطي كماشات صغيرونه لبسي نفنوف قصير
اذا تسبحتي دهني جسمج كله ب زيت جونسون وبعده حطي بودر معطر ترا هم يموتون بنعومة الجسم
كل شهر حفي جسمج كله وسوي اظافرج وتسنعي
اهم شي العنايه اليوميه يوميا لاقعدتي من النوم تسبحي وتبخري
وسوي شعرج وحطي عطر
وكل يومين او ثلاثه كشخي كشخه عوده ورتبي شقتج على الاخر
وان بعد والله محتاجه افكار من البنات من ناحية البس يعني لبس البيت كله جم لبسه ونمل منه ويصير باهت من الغسل والكوي والبس الغالي نشتريه ونلبسه بالطلعه وش نلبس عند ريايلنا يوميا يعني بالنهار وقدام الخدامه واليهال مانقدر نلبس كل شي يالله قولو انتم وش تلبسون؟؟؟؟؟؟؟؟

…الله يوفقــــــــــج …ويســـــعدج..

..بصراحه البساطه حلوه…أهم شي السباحه ضروريه كل يوم علشان تحسين انج غير والكريمات لا

تخلينهم … و تكحلي على طول وقلوس خفيف وبلشر.. خليج بنوته كيوت ناعمه وحلوه

وريحتج كلها عطورات حلوه حسي بروحج كل مره شكل وغير.. مره شورت جينز مع تيشرت يشووف

مره ليقنق..مع بلوزه قصيره ….والتنانير القصير الضيجه ……نفانيف ناعمـــــه لا تنسين ..التراجي والاكسسورات الناعمه

المشيه بالبيت والدلع والضحكه الحلوه..والابتسامه ومره غير كشخــي عدل عدل

علشان يفرق امس كانت عاديه اليوم احلى وكل يوم انتي له

شكــــــل يــــــديــــــد وستايل أحلى

وأحلـــــى وأحلى دووووم يــــــدوم عليج ياربي ووفقـــــــــج

تحياتي اختج F O O S H I A

:

ويييه الله يعينج هذا انا اعاني مثل معاناتج

لما الحين ما رحت شقتي ما خلصتها فكل ما ايي بيتنا والا اروح عندهم اعاني شنو البس والا شنو احط

ومثل حالتج يقول ما يحب المكياج , واذا حطيت يخليني اغسل ويهي

بس شوي شوي قمت اشتري بجايم من اويشو ولا سنزا

وعدج في دبنهامز تحصلين قطع حلوة من تنانير قصار مع تيشيرتات وبديات نعومه

عندج بعد الشورتات القصيرة القطن حلوة باللبس تينن تطلع

وبالنسبة للشعر مرة سويهم سيده ستريت مرة ويفي مرة لميه واذا ما يحب تقصين شعرج والا تصبغينه في اماكنيبيعون بواريك حلوة قصيره وغيره ترى حلووووين باللبس

وكل الشكر للينات الي حطوا افكارهم واقتراحاتهم واايد استفدت منهم وان شا ءالله تستفيدين مثلي

يعطيكم العافية

:

لبسي كل شي ولكن شوفي الوقت المناسب …يعني الماكياج ترا مو حلو كل يوم جنج رايحة عرس خلي الماكياج بوقت محدد وهو موعد سهرة مع بعض مثلا //////

لا تكثرين الماكياج تراهم ما يحبون ولما يقولون لج ان يعونهم تلاقط على التلفزيون احنا بعد عيونا تلاقط على التلفزيون واللبس لا تظلمون بختكم

اهم شي لا تستمرين بشكل واحد قصي شعرج صبغي صبغات الكستنائي عشان تعطيج جمال طبيعي غير مصطنع خليج على نظافة

والله ما تصدقين اني في اليوم ساعات اتسبح ثلاث مرات تلاقيني اول ما ارد من الدوام / فترة العصاري تلاقيني قعدت ارتب واسنع عفسة الريال والعيال وبعدها اصلي واذكر ربي والعب بناتي والمغرب استعد واجهز العشا اللي كل يوم لازم تنوعين ولازم تكونين حذرة الاطباق صحية / وبعده لازم تتسبحين عشان ريحة الطبخ وبعده اعشي بناتي واجابل الريل مو لازم تكونين مبهرجة اللي تبي زوجها ما يلتف يمين يسار خل تلبس بسيط ومنمق ولبس كشخة تبع الموضة وخففي الماكياج على فكرة انا ما احط غير كحلة داخل عيوني وماسكرا وشدو خفيف حسب اللون

السالفة هينة مو صعبة واهم من هذا كل النظافة والتطيب بالمسك والعطور وكل وحدة حسب ذوقها وشكراااااااااا

شوفي لا تلبسين بالبيت كله بجامات ترا البجامات حتى و ان كانو حلوين مثل لاسنزا او ايشو مو سكسكيين نفس الملابس الثانيه..
لبسي تنانير قصيره شورتات جينز برمودا تريننقات عندج اتش ام و زارا عندهم اشياء حلوه ,,
باختصار لبسي نفس لبس اللي مو متحجبات لما يطلعون.. و سوي حركات مثلا لبسي لو ويست و خلي طرف السليب بوخيط يطلع او حطي تاتو على نهايه ظهرج

و البديات عندج السوق متروس اشكال و الوان..اختاري البديات اللي تكون حفر او كت او حتى مثلا جم طويل و فتحه بالظهر و نوعي فيهم..

طبعا اذا كنتي فاضيه لبسي مثلا اكسسوريز مثل الاحزمه و الباندات (بس مو من اكلير لانه مال يهال)..

و نسيت

بالنسبه حق الميك اب.. حطي محدد (عشان شوي يكبر الشفايف) و غلوس..و كحل داخل العين..و لاتنسين العطر

السلام عليكم انا عضوه جديده على المنتدا ابي اقول البس والكشخه لزوج بس انا زوجي مايقعد في البيت يانايم او طالع او دوانيه

شوفي حبوبة انت يلما تحطين مكياج لا تترسين ويهج ولبسي قمصان النوم ولسي فوقهم جاكيت خفيف>> تلقينه عند زارا ب 5 دنانير وايد الوان ودلعته عودة>>> انا اشوفه حركة ناعمة

الشعر >> انا نفس مشكلتج لان ريلي يحب الشعر الطويل وانا ماعرف شسوي فيه>> عسى البنات يفيدونا
نصيحة اذا تقدرين قصيه وسوي حركات>>> عندج صالون هناء موري في ميدان حولي قصات وصبغات رووووووووووووعة

المكياج>>> علبة الشدوات>> الي فيها اميه لون + قلم كحل + ماسكرا (سودا واذا تحبين الزرقا>> اذا تلوق عليج) + غلوس بني على وردي وغلوس وردي بلمعة خفيفة وبسسسسسسسسسسسسسسسس

المصيبة ابيج دامي عشان اشرلحج خخخخ

شوفي تحطين الشدو على جفن العين من الكسرة ولي الرموش>> لون واحد خفيف لا تثقلين يكون مناسب للبس
الكحل حددي عينج من داخل بس من صوب الرموش الي فوق وركزي على الاطراف الخارجية للعين
الماسسكرا>> لا تشترين الواتر بروف مو شي بايخة>> اشتري كلاسيك من ماكس فاكتور
الغلوس اذا تحبين مع تحديد نفس اللون ولا من غير تحديد

تبين اكسوارات خفيفة روحي سوق بومية والله جبت من عندهم تراشي الوان صغار جنهم لولو>> لانه ولدي يحب يشد التراجي من اذوني وماتسوي اصير باذن مشقوقة على بو اني كاشخة حق ريلي خخخخخخخخخ

اهتمي بنظافتج وريحتججججججججججججججججججججججججججججججججججججججججججججج جججججججج
والله انا حتى العطر الغالي اغرق نفسي فيه عشان لي رحت قعدت يمه يشمها فايحة

واي شي تبين راسليني على الخاص

البنات كفو وفو

اللهم اميييين حبيبتي ما قصرتي على الدعوه الحلوة

شلون احط باند ميته اتعلم تسريحات لان خلاص احس اني مليت من نفسي ماكو تغييير

ويا قلبي الله يوفقج ما قصرتي على الافادة بارك الله فيج

اي انا ما احب اكون كل يوم جذيه لان ما في وقت دوام ولوعت جبد

المصيبه انا اللي يحرني يقول لا تحطين مكياج واعيونه نفس ما قلتي تنح على اللي بالتلفزيون واموت قهر عقدني

اي انا عندي مسك العروس من القرشي قالتلي عنه وحدة الله يجزاها خير بس ما استعملته

وبصراحة مفكرة اقص شعري بس زوجي يقول لا خليه طويل

يا حياتي ما قصرتي وبيض الله وجهج

فديييتج