الكنه والخاله

بنات حبيت اتناقش معاكم في موضوع وابيكم تجاوبوني بصراحه علاقت الجنه مع الخاله :

هل خالتج أم زوجج تغير منك .

مثلاً إذا شريتي شيء تغير منك وتقول ابي اشتري نفسه .

بس هذا الموضوع إلى حبيت أتناقش فيه معاكم .

لا ولاله مالاحظت انها غارت مني بيوم كلشششششششششششششششش لان يمكن خالتي عندها شوي اللامبالاة لروحها !!

مشكوره اختي جوريه على ردج

شدعوه ما فيه احد بس وحده ردت

انا الحمدلله انا وخالتي علاقتنا مبنيه على الصداقه والاحترام بصراحه ما شفت منها الا كل خير الله لا يغير علينا

اتوقع الجواب يتعلق بعمر الخاله يعنى اذا الخاله بالخمسينات ولا الستينات واكبر ما اتوقع بتغار من شغله الجنه تشتريها ، واذا كانت اصغر هم حسب في ناس اغارون وفى ناس لاء . بس انا اتوقع انه الغيره تكون من شي ثانى مو من شغله الجنه تشتريها .

انا الحمد لله خالتي طيبه معاي

بس ترى الصج ينقال
اني احس انها تغار مني
يعني اذا قالها ريلي شرالي شي
تقوله اشدعوه
و كلام مو صريح
و مره و انا شايله بنيتي قالت عطيني اياها انا اغار

يمكن لان خالتي صغيره بالعمر
و انا اول جنه
و ريلي بجرها
عشان جذي تطالعني و شوي غيره

لا والله خالتي ماتغار الحمدلله مع انها صغيرة بس مالها شغل بلي عندي او اللي ولدها يابه او سواه لي …
كل وحدة فينا غير عن الثانية

السلام عليكم………انا ساكنه بشقه بروحي الحمدلله مالي شغل بعوار الراس علاقتي فيهم من بعيد لبعيد
بس احس انها تغار من الجناين الي عندها بالبيت………مره تسولف مرت حماي انها اشرت لها على ساعه كانت لابستها وتقول حق خالتي شرايج بالساعه الالماس الي يابها لي ريلي(الي هو طبعا حماي)….تقول مرت حماي ان ويه خالتي قام يعطي الوان من الحره فقالت لها مرت حماي خالتي ترى هذي فالصو بدينار ونص!!!!!!!!!!

مع اني ما احب اسولف بهالسوالف بس يالله بجاوبج

والله انا خالتي تغااااااااااااار مني ما ادري ليش

مع ان ماشاء الله مو ناقصها شي

لكن ما ادري ليش هالغيرة

ولما زوجي فتح لي سيارة كلمة مبروك ما قالتها

لا وشتقول حق زوجي دام ان عندك فلوس ليش ما تعطيني

بالله هذي شتقولين لها

عسى ما سوى لي ريلي شي قالت وانا امك ليش ما تيبلي

لو ان قاصرها شي نقول ميخالف لكن والله ان مو قاصرها ايييييييييي شي

الله المستعان

لااا اشوه انا خالتي ماتغار … وحتى اذا بتغار من شنوو ههههه ماكو شي تغار منه

انا ماعندي خاله (ام زوج)

متوفيه ..الله يرحمها

انا خالتي انسانه متدينه جدا وفي حالها وبعد كبيره بالسن 70 صوامه قوامه ما تحب الكلام الي ماله معني

ولا تحب تنخوض باي مشكله حتى اذا صارت جدامها بين الجناين او البنات مع الجناين ولا توقف مع احد ضد الثاني

يعني باختصار انسانه نادر وجودها بهالزمن والكل يقولي خالتج اطيب انسانه بالعالم

بس ساعات تقولي لا تشترين غالي يابنيتي او او ليش تغيرون الاثاث توه يديد بس بكل براءه ومن حبها لنا تنصحنا

انا خالتي متوفيه الله يرحمها برحمته بس الحمدالله كانت تحبني وايد وبعدين انا اصغر جناينها وبحسبت احفادها فما كانت تغار كلش مني

تدرون بنات،،،،، كل وحده فيكم اتحط نفسها في مكان الخاله ،،، اقصد كل وحده منكم تتخيل نفسها الخاله وتتخيل ان عندها ولد متزوج ….
وتخيلى هالولد اييب حق مرته هدايا بالاميات والآلاف ،،،، وانتى ولا طل ابويهج ،،، كل ما طلبتيه قال ما عندى ،،،،،