|
|
السلام عليكم بنات …
عندي استفسار بسيط ما عليكم امر عن البنج الكامل والنصفي
بالنسبه للولاده القيصريه شنو الافضل ؟
عن نفسي الصراحه اخاف من البنج الكامل خصوصا ان بهالحمله حاشني الربو فما استحمل بعد العمليه الكحه والبلغم والدوخه ..
اما البنج النصفي ما يطول وماله اثار انشاءالله ويقدرون يعطوني منوم اذا نابي اشوف شي بس مو بنج عام
فالي جربت ياريت تفيدني وعسى الله يسهل على جميع الحوامل ياااااااااااااارب
الحلو في البنج النصفي تشوفين البيبي وماتنامين و البنج العام تنامين و ماتدرين عن الدنيا و تخربطين بالحجي يعني آنا دشيت الساعة 6 و قعدت الساعة 10 بليل
آنا أحب النصفي بس لازم دكتور شااااااااااااااااااطر
بس شكثر مدة العمليه ؟
اقصد البنج النصفي واذا قمت بالسلامه متى اروح غرفتي ؟؟
وبعدين شدعوه عليكم بنات 8 دشوا بس قروا وطلعوا…؟؟!!!!
الوضع بصراحه يخوف بس وايد اريح بعد العمليه ما اتحسين بالعوار كلش عكس الي من اهلي والدين بنج عام امبي كانو يتعذبون
بس اهم شي الدكتور الشاطر
انا بالشفا دكتوره نجلا واله مو ذاكره اسمها عدل بس كانت عجيبه
او مرت خالي برويال الدكتور لعب فيها لعب 17 قزه بظهرها
بس اذا الدكتور قبلها محدد ان العمليه تكون قيصريه ومحدد اليوم وكل شي عادي ما اعتقد في خوف وايد ..
وابرة الظهر بالنسبه لي احسن وايد من البنج العام الي تقعدين بعدها ماتدرين عن هوا دارج بالمره ..
بس النصفي ستاره ورئيس التخدير يسولف معاج طول الوقت واهم شي الاذكار والدعاء حزتها لرب العالمين وان شاءالله مافيها طواله يارب..
وماشاء الله مرت خالج شدعوه 17 مره ؟ اخاف اهي متحركه او الي قازها الابره مو خبير ذاك الزود ؟
والله نصيحتي لج البنج النصفي لكن على فكره ترى هم نفس الشي يعطونج بنج نصفي لكن عقب ما تدخلين العمليه عشان ما يخرعونج يحطون كمام راح يقولون لج هذا عشان البيبي لكن هذا مخدر عشان تنامين و ما تصحين إلا بعد العمليه.
آنه بجر و ولدت قيصريه و عطوني بنج نصفي لكن عقب ما أسدحوني على السرير و حطو الستاره إلا يابولي كمام قالو لي هذا أكسجين عشان البيبي و إلا رحت في عالم ثاني و طبعا زوجي الله يخلي لي دخل معاي العمليه يقولي عقب الكمام رحتي بعالم ثاني و شكلج تكسرين بالخاطرين مخدره و ما تدرين بالدنيا و يقولي يابولج ولدج و حطو على صدرج لكن ما أتذكر كلش و ما حسيت.
يعني حتى لو كان بنج نصفي و بنفس الوقت يحطون لج المخدر بالكمام يعني تكونين نايمه.
بس آنه ولدت قبل شهرين و ألحين ولدي كمل شهرين.
اي مو مشكله عاد تصدقين انا كنت ناويه حتى لو البنج نصفي بقولهم عطوني ابرة منوم عشان ما اشوف شي والله ..
كل هذا لاني مابي البنج العام اخاف منه والله كل الوظائف بالجسم توقف سبحان الله ..
انا قالي الدكتور العمليه ما تطول .. بس انا ابي اعرف شكثر مدتها ومتى اصعد الغرفه ..
البنج الكامل …ما جربته بس اعرف وحده من بعده 3 ايام دايخه و لا تعرف بالدنيا … و اول يوم الناس متيمعه و فرحانه بالبيبي و هي راقده يعني اخر وحده شافت الياهل
انزين انا يصير اقولهم مع النصفي ابي ابرة منوم عشان ما اشوف البلاوي ؟
او اذا ما عطوني بقعد اقرا قران طول الوقت وماكو الا العافيه يارب
و طبعا عقب ما تطلعين من العلميه يخلونج عندهم بالعنايه و عقب ما يتأكدون أنج شوي صحيتي من البنج و كل شي تمام خلاص عقب يصعدون الغرفه و نفس الوقت أيبون لج البيبي نظر عينج الغاليه والله أنها أحلى لحظه
آنه عن نفسي سولي العمليه الساعه 6 الفجر و طلعوني من العمليه الساعه 6 و نص و الساعه 9 الصبح صعدوني الغرفه و كان معاي زوجي الله يخليه لي كان معاي على طول و أنتي خلي ريلج يدش معاج العمليه عشان تحسين بالأمان
أفا عليج بس…….
ترى أنه هم نفسج خوافه و آنه بديرة الغربه لأني كويتيه بس عايشه في الامارات لنه زوجي من الامارات و ما عندي أحد غيره و الحمدلله ربي سهلها علي و صرت أم و الحمدلله على كل حال
ماقصرتي حبيبة قلبي والله يسهل علي يارب ..
بس نسألكم الدعاء