القهوة العجيبة اللي تخلي الجسم ماليكان

السلام عليكم شلونكم بنات ؟
بنات احد سمع عن القهوة العجيبه تنزل من الجسم بشهر 30 كيلو
وحده من البنات تصيرلنا ضعفت حيل دقيت عليها وسألتها تقول انها تشرب هذي القهوة
جابتها لها وحده من اهل زوجها تقول انها ناسيه الاسم لانه من زمان بس وصفت لي شكل العلبه تقول يجيبونها من برااااااااااااااا لونها العلبه اسود وعليها كوب ابيض وطالع منه دخان على شكل جسم مرأة

احد مجربها او يدري وين تنباع واذا لها اضرار جانبيه او سايد ايفكت ؟؟؟؟؟؟؟؟؟؟؟؟؟؟؟؟

كان ودي اكون عارفتها لان اول رد آنا بس لايكون قصدج اللي تنباع بالجمعيات بس مادري شسمها دايما يكون في عارضين يعرضونها انها تنزل 5 كيلو بالشهر بس امانه احلفج ان حصلتيها انج تقوليلي لان الوزن زاد عن حده وحدي نفسيتي اتعبت ابي اضعف

في مرة سمعت ان وحدة خذت منها وصار في بطنها دود

حلات الشي مرخص ومن دكتور تغذية. خوفج له مضاعفات بعدين مضره للجسم.

حبيبتي هذي اسمها دينا سفلت ومتروسه بالصيدليات وجربتها ماضعفت عليها

القهوب موجودة في صيدلية الكندي بالجابرية و مرخصة تسد الشهية

انا سمعت عنها جنه تنباع بالجمعيات,بس نصيحة استشيري دكتور تغذية احسن
واذا تبين شي ينزل وزنج اخذي حبوب (slim) او كولوفاج انصحتني الدكتوره اخذهم بس قالتلي ابتدي بال slim وايد زين وصارلي يومبن وانشاللللللللللللللللللللللللللللللللله ينزل وزني ادعولي

حبيبتي انا مع الاخت الكريمة… القهوة هذي لوعة… تكلرهج بالدنيا ولا تسوي شي

مشكوره

يسلمووو
احس احناا لو زرينخ نشرررررررربه فى سبيل الرشاقه

مره سمعت عنها يقولون من ماليزيا بس راح اسأل واتأكد

انا جربتها قبل اربع سنين جابوها بضاعة من الامارات
ولا نفعت كلللللللللللش

حبيبتي فعلا الكلام هذا صحيح مو على القهوة هذي بالذات اي قهوة لا حتى الكابتشينو اذا تشربينة قبل اي وجبة حتى لو بخمس دقايق راح تسد نفسج عن الاكل

حلوه بس صاجه شربي اي قهوه او كبتشينو لو فات بدون اي سكر او سكر مال الرجيم وتنسد الشهيه((هههههه ماضنتي احنا يسد شهيتنا شي وخصوصا ارمضان ياي والاكلات شي مو طبيعي))

ويييييييييييييي هذي دينا سفلت

شربتها شهر كامل ماكو فايده