|
|
السلام عليكم بنات شلونكم
قطوتي مريضه مادري شفيها 
واليوم حدهااااا خامره لا تحرك ولا تسوي شي ومن اجيسها تماوي بطريقه تخرع جنها متعوره !!
وفي شي غريب !! لما حاولت احركها عشان تمشي قاعده اطالع مكانها في ماي انصدمت ! رحت قربت منها ولا حلجها ينقط مادري اهو ماي ولا سعابيل !! حدي مخترعه مادري شسوي
وطالع فيها مثل فطريات باذونها امس الدكتور حط لها دوا بس الحين انا ماني عارفه احط لها بالبيت شسوي ؟ كل يوم اروح البيطري يحط لها ولا شالحل
حدي خايفه انها تموت توها صغيره عمرها قريب ال3 اشهر اهو طبيعي عقب التطعيم جذي القطوه تتعب ولا لا؟
كان عندي قطوه من قبل لما طعمتها مااثر فيها وظلت تناقز وتلعب مافيها شي بس هذي تعبتني من اول ماشريتها واهي كل ماتصير زينه يطلع فيها شي يديد 
وعاده يومين بالكثير القطوة تكون خامله وتعبانه وماتاكل وبعدين اتصير زينه
بس ان لاحظتي انها حيل تعبانه وما تاكل وما تتجاوب وياج وديها البيطري على طول لانه يمكن اهي من اللي يمرضهم التطعيم
وسالفه الفطريات شنو كريم الدوا ولا شنو
عادي بعود الاذن حطي كريم ومسحي باذونها او لبسي قلافس ومسحي اذونها بصبعج بالمكان اللي فيه فطريات
قطوتي لما كنت أطعمها كانت تتعب لمدة تقريبا يوم أو يومين بعدين ترد طبيعية …~
أما قطوتج يمكن لما شريتيها كان فيها مرض …~
الله يشافيها والله يعينج …~
لما طعمتيها الطبيب خذا درجه حرارتها قبل لا يغزها الأبره ؟
كان فيها اسهال قبل لا تطعمينها ؟
و اختي روحي بيطري الي بالسالميه ( بيت الحيوانات ) زين و يعطيها علاج لما تتحسن حالتها و راح يعطيج دوا حقها ما ادري شنو اسمه بس زين
بس الحين مافيها شي تناقز وتلعب
بس بنات عندي سؤال اهو طبيعي القطوه تحكك ولا انا قطوتي مريضه @@
دايما تحك صوب رقبتها !!!
مع اني دايما اسبحها وانظفها !!
CrystalQ8
وديتها مستشفى الري عندهم دكتور عجيب بس للاسف لي اليوم ماعرف انطق اسمه 