|
|
مع كثرة مواضيع القرقيعان بالمنتدى مع قرب شهر رمضان عسى الله يعوده علينا كل سنه بالخير والصحه امين
وايد بنات يفكرون شبيسوون و خاطرهم بشي حلو مميز لعيالهم
وفي وايد بخاطرهم اهم يسوون ويتفنتقون ويتفننون عشان يطلع قرقيعانهم غير
فقررت انا المذكوره أم بدير تقديم يد العون للبنات
ان كان بالفكره او بطريقة العمل
عشان جذي بحطلكم كذا فكره للقرقيعان مع طريقة العمل والأدوات
بس طبعا مابي اتعب ويكون موضوعي ماله داعي او غير مفيد
فببدي احطلكم فكره فكره
مو كلهم مع بعض
اذا شفت من الردود ان موضوعي مفيد وحلو بكمل
وان شفت ان موضوعي مو مفيد وماله داعي ماراح اكمل لأن ما احب احط شي غير مفيد
ونبتدي بالفكره الأولى
البيت القديم
طبعا العلبه تحصلونها بسرداب حولي واسمه الزهور الشرقيه
وهذي صورتها
بعدين حدر الغطا على طول تسوين ثقوب صغيره وتركبين فيها اعواد قديمه طبعا تكونين مقصصتهم بأحجام متساويه وهذول هم تلقينهم هم بالزهور الشرقيه
وبيكون الشكل مثل هالصوره
بعدين تييبين شريط مكتوب عليه عساكم من عواده او قرقيعان وقرقيعان او تكونين طابعه اسامي عيالج عليه اذا تبين وتلفينه حدر الاعواد الخشب وتسوين فيونكه عالجنب وتزينينها على ذوقج
واخر شي تييبين شرايح خسب مثل اوراق بس خشبيه (تحصلينهم بالمكتبات) وتقصصينهم مربعات صغيره (للدرايش) ومستطيلات (للأبواب) وتركبينهم عالعلبه
وبيكون الشكل النهائي مثل هذا
اتمنى يكون الشرح واضح
واتمنى تعجبكم الفكره
ولكم تحياتي 
يحطون شغلهم مع الشرح ويتفادون الحذف بس وين لا حياه لمن تنادي
حلو شغلج مرتب مااشاء الله
تسلم الايادي
وموضوع مميز
ماشاءالله تبارك الرحمن شغلج روعة ياأم بدير الله يوفقج ويزيدج من فضله…
وناطرين باجي الابداعات والأفكار الحلوة منج…
يا أم بدير
عاد انا محتاره حدي شلون اسوي قرقيعان الكبار ؟؟؟؟؟؟؟؟؟؟؟؟؟.gif "Eh S(10)")
العام حق الكبار اخذت فازات ايكيا بو 500 فلس وزينهم بفوشي واخضر نفس الوان دراعه بنتي ودراعتي
وحق الصغار اخذت اكياس علا شخصيات من وحده بمعرض
هالسنه حق الصغار والبنات بسوي أكياس علا شكل الجاكليته وبزينهم
بس حق الكبار للحين مو راضي شي يطلع 
اذا عندج فكره قوليلي 
ودي اخلص مبجر هالمره……العام واايد تعبت وخلصت قبل القرقيعان بيوم 
.gif "Eh S(4)")
طول عمرج مميزة
ام بدير عطيتيني فكره تنفع لقرقيعان الكبار..
وناويه اروح لسرداب حولي ان شاءالله واشوف اللي عندهم
ماقصرتي والله عسى عمرج طويل