|
|
السلام عليكم
بنت سالفتي طويله اتمنى تقرونها وتفيدوني جد تعبت 
طبعا مثل اي بنت يهمها شكلها وانا سنوني كانت خربانه عمري كان 15 ومن كثر ماابي شكلي يتغير ماعندي وقت انطر دور بالاميري مستعجله رحت لخاص احسن واشتري راحه بالي
وربي كتب ورحت الفوزان ويوم رحت لهم طبعا طلعت مستانسه من الكلام اللي قالوه >> حسسوني اذا سنوني ماراح تصير نفس هيفا يمكن اليسا كلش كلش بتصير نانسي
والمهم وادفع الفلوس وانا مو حاسه اهم شي سنوني تتغير بالطول بالعرض تتغير>> باذن الله 
و4 سنين وانا روحه ورده على المهلب اروح يشيل سيور يركب سيور وارد هني بديت الاحظ واقارن بين الاميري والفوزان اشوف رفيجاتي يسحبون التقويم ويومين ماياكلون وانا لا بس يغير من هالاسيور وشهر فوق وشهر تحت
قلت لا تقارنين الاميري بالفوزان استريحي بس 
بعدين لا والله جد رفيجاتي شالو التقويم وانا مالي نيه اشيله وسنوني ماتغيرت وهم مركبينه بعدي 
المهم وتخرجت من الثانويه شفتوا عمر انا والتقويم من المتوسط لي الثانوي
وبعد التخرج بشهرين شلته طبعا النتيجه مو كلش بالمره سنوني للحين متجدمه بس صفه بس زينه يعني كنت مقتنعه فيه لولا اللي حسسوني ان في شي غلط بس ثقتي كانت زياده شوي وصرت اطنش كلامهم اهم شي مو متفرقات
بعدين بالعيد بنسافر وقبل لانسافر بيومين انكسر تقويمي المؤقت قلت ماراح تتغير على اسبوع اسبوع واسوي
واسافر يومين وسنوني تفرقت ونطت جدام بشكل خيالي خفت لااااااا والالف >>> اهم شي فلوسي لاتلوموني يعني كله كان من معاش الوالد الله يرحمه ومحوشه يعني تعبت 
قلت بلحق على عمري واروح عياده بالديره اللي مسافرتلها واروح جان تشوفني الدكتوره قالت تبيني اغير شكل وجهج كله بحيث فمج بكبره يرد قلت صج حلمي بيتحقق شلون قالت اخلع لج ضرسين 
قلت دكتوري بالكويت ماقالي قالت ماادري اجل قلت لايبه ماعندها سالفه الفوزان احسن >> للحين مقتنعه ان الفوزان توب ااه بس
وبعدين رديت الكويت سنوني خربت مره وحده بلحق على عمري ودكتوري مسافر قلت اهم عياده وحده ماتفرق ابي اي دكتور بس سنوني للا تخرب واروح للدكتور انصدم قال اييييييه >>> قلت بس خلاص عرف السبب
قال المشكله بالنطق اهو اللي خرب سنونج روحي للدكتوره مدنيه احمد صادق وعالجي النطق وتعالي >> طبعا انا قلت الحين لساني اللي مايوقف صار فيه خلل بالنطق وانا مادري بس لا الفوزان ادرى شيعرفني انا
وطبعا صرت طنازه الحين على كثر كلامج وفيج خلل لو ماتكلمين شطلع فيج قلت كيفكم بروح بروح تغلطون الفوزان
واروح وادفع عشرين فتح ملف وادخل وتعطيني كلمات اقراها والله حسيت باولى ابتدائي سياره وسمكه وجزر
قلت اهم شي سنوني قالت انتي مافيج شي وماله شغل بالتقويم نطقج سليم >> مستغربه ليش محوليني لها قالت مرضاي تأتأه وعدم نطق انتي مافيج شي
واروح جان اقوله الحين شالحل قال اركبلج تقويم فهمت ان بلاش انصدمت يوم قالي ب1400 اغلى من اللي قبل قلت شنو لايبه بكلم الفوزان بكبره شالعياده الفاشله >> واخيرا تغيرت وجه نظري
واروح جان يحط الغلط كله علي قال ليش ماجيتي على طول قلت جيت عند انطوان وقال كيت وكيت قال لا انطوان شيعرفه >> شنو شيعرفه مو بالعياده
قال خلاص بس يجي دكتورج من السفر يشوف حالتج >> هذا كله ماجا واخر شي اللوم علي ليش انا لاقيه الدكتور هالمده مسافر وسنوني كل مالها وتطلع جدام وتكبر الفتحه قلت عاد بتصلحون بفلوس ولا بلاش قال لا شنو بفلوس
المهم واروح لفيدال قال خلاص اسويلج تقويم مؤقت ثاني وتضبط سنونج
قلت اوكي مع اني مو مقتنعه بس شسوي المهم طلع التقويم المؤقت ب30 >>> مع انهم قايلين بدون فلوس
خفت ربي قلت لا هذ حق الادوات لازم اعطيهم واروح واطلع التقويم وادفع
وانا بالسياره بركبه الا التقويم يطيح مايركب كبير
وادق عليهم الدكتور مسافر
بنات انا تعبت والله تعبت واذا بكلمهم مايعطوني مجال ياخذوني بالصوت والمشكله اخذت اخوي معاي قلت خلاص الحين اخوي من كثر ماهو معصب شكله بيعلمهم ان الله حق ماادري شلون قتعه لدرجه انه قام يستشيره بتقويمه اللي مركبه برى ولا تكلمت قال خلاص بعد اهو دكتور ويعرف انتي شيعرفج واختي نفس السالفه
الحين شسوي انا فكرت اركب تقويم مره ثانيه بفرجينيا بس مو حرام جم قطيت للحين على عيادتهم الفاشله احس اني مظرومه فيدوووني
لازم تشتكين
ويرجعوون لج الالف
مستغلينا يا الكويتين
بس سحب سحب فلوس وما همه خرب والا صلح
شنو فلوسج لاقيتها بالشارع عشان ياخ>ونها ووما يفيدونج
شلون استحملتي التقويم لمدة اربع سنين!
انا الحين بيصير لي قريب 6 شهور وطاقة جبدي من تقويمي ودي اشيله
حسبي الله عليهم
اهم شيء انهم خذوا فلوسج وقطوج على صخر
هذا حال 99% من العيادات الخاصة اللي بالكويت
لان مافي قانون يطلع عيونهم اذا اخلوا بالتزاماتهم الطبية
عيادة الخليج بالسالمية هذا رقم دكتورة نعمة لو حبيتي تستشيرينها
وهم مااقول الا حسبي الله عليهم 
وهذا النحت وتلبيس وايد احسن لج من هاللوية
صج يطلون بس النتيجه حلوة و مرضيه
الخاص مادي ما يهمه بس سحب فلوووس
كل ما اروح ما يشدون السيم بس يغيرون السيور
و ما احس بعوار مثل ما الناس تحس لمن يشدون على التقويم
كنت عند الهندي و غيرت عند فيدال
و فيدال عشر ايام ب الكويت و عشره ب لبنان
يعني اذا طوفتي الموعد لازم تنطرين شهر
اول ما ركبت قال لي اول مره 400 تركيب التقويم و كل زياره 50 دينار قلت اوكي
وصلت معاهم الف دينار و اخر زياره لمن شال التقويم طلعت بره جان يقول الحسب 300 دينار
و انا ما كان معاي الا 50 دينار حساب الزياره
جان يقول لأ التقويم 1300 دينار
بس قلت له ان الدكتور قايل لي كل زياره 50 لمن تتعدل اسنانج
المهم كلمت اللدكتور و ساعه يكلمني بالتلفون
و ما رضوا يعطوني المؤقت الا لمن دفعت 100 دينار
و الحين اسناني ردت نفس قبل و اخس
ما احب اقطع رزق احد بس باختصار حراميه
و الحين اراجع عند د اياد ب عياده البيان
خلالالالاص بحط تلبيس انشالله