@الفنانه 79 @ تروي لكم قصة ولادتها بشيخة البنات مع بعض صور استقبالها @@

السلام عليكم

ادري طولت وماحطيت موضوع قصة ولادتي بسرعه بعد ماولدت

وهذا لان مثل ماتدرون تعبت واااااااايد بعد الولاده ورديت دخلت المستشفى والله لايوري احد اللي شفته

المهم نرجع لمحور الحديث

دخلت شهري التاسع وكنت حيل ثقيله وتعبانه ومثل ماتدرون ولادتي بعيالي كانت قيصريه

وهالمره مع الثقل بدى الجرح القديم يعورني على جنب وكل مااروح مراجعتي دكتورتي (معصومه مخصيد ) تفحصني مووومفتوحه ولاااا سانتي

وقالتي بما انج اول شي قيصريه والجرح القديم يعورج ماراح اجازف فيج ومااقدر اعطيج طلق صناعي اخاف على الجرح وقررتلي عمليه وتوكلت على الله

في يوم العمليه قعدت من الساعه 4 الفجر >>> من الخوف قمت صليت ركعتين وقريت سورة البقرة لحد ماأذن الفجر وقمت صليت وقريت سورة مريم وغسلت بماي زمزم وشربت منه واستغفرت >>> واعصااااابي ثلج

صارت الساعه 6 ونص قومت ريلي وقتله يالله لازم اكون بالمستشفى الساعه 7 الصبح لبست وجهزت اغراضي وطرشت مسج حق خواااتي قلتهم انا رايحه المستشفى

ولا الربع كلهم ينطروني هناك خخخخخ

وصلت مستشفى رويال حياة ودخلت وودوني فوق وبدلت ملابسي وحطوا علي التخطيط وخواتي الثلاثه معاي << الرابعه ناااايمه

ولا المفاااجأه ان الطلق عندي عاااااااااالي يقولولي السسترات مدام مافي عوار وانا ( ياجبل مايهزك ريح ) اقولهم لا مااحس بشي

وكل هذا وامي ماتدري عن اي شي وكان الجو عجيييييييييييييييييب مطر وغيم المهم اوصلت دكتوره وقالتلي ان يصير اي احد من خواتي او امي واو زوجي يدخل معاي العمليات وانا استااااااااانست وقتلهم خلاص تدخل معاي اختي

وصلت دكتوره معصومه وشافت التخطيط قالتلي خليني افحصج يمكن تكونين مفتوحه وتولدين طبيعي لان الطلق عااالي على الاقل مفتوحه 3 سانتي افحصتني ولا مووومفتوحه ولا سانتي

وتوكلت على الله ودخلت غرفة العمليات وياي دكتور البنج <<< لاني طالبه ابرة ظهر بالعمليه حدي( سوبر ومن )هههههههه

وصل الدكتور طبعا هالدكتووور روووووووووووعه مصري عطاني الابره ماحسيت بولااااااشي وحسيت بحرااااره بريلي ونمت على السرير وحطووولي الحاجز مال العمليات

وقلبي من الخوووف بيطلع من مكاااااااانه وميته من البرد ارجف ادخلت الدكتوره ومساعدتها والسسترات يزهبون كل شي المشارط والمقصات وكل شي وانا اطالع ودكتور البنج فوووق راسي ماتحرك اهو مع رئيسة السسترات

جان انادي رئيسة السسترات اقولها دخلي اختي <<< جان تقولي مايصير بس امج او زوجج وهقووووووني

ناديت الدكتوره اقولها انزين نادي ريلي اطلعت بعد قلبي اتنادي ريلي تقوله تعال ادخل تبيك <<< جان ينحاااااااااااش ههههههههههههههه ادخلت الدكتوره ميته من الظحك تقولي ريلج انحاش وقعدت بالعمليات وحيده

اهني الفلم بدت الدكتوره تشتغل وانا مااحس بشي وماادري شنو اتسوي >>> جان اجذب خخخخخ
اقول حق دكتور البنج دكتور قول حق الدكتوره لاتشق بطني ترى انا بعد اريولي ماخدرت ههههههههههههههه

جان يقولي افتحوا بطنج الحين راح يطلعون البيبي ثوااااني الا اسمع صوت هالعسل بنتي تبجييييييييييييييييي

والدكتوره تقووولي كلها ابووووها ماخلت شي منه وانا اظحك من الونااااسه ومن الفشله لاني اجذب ههههههه

ويابوها لي وحطوها على صدري وقمت احبها وابجي من التعب اللي شفته فيها واهي بس اتصرخ العوبه بس حييييييييل كانت صغيره كيلوين ونص

وخذوها طلعوووها حق زوجي وخواتي بره <<< وصااااار سباق بين خواتي من يبشر امي وابوي بولادتي علشان ياخذ البشاااارة لوووووووووووووووووووووووول

وبعدها خلصت والدكتوره سوتلي العمليه تجميلي بالليزر والحمدلله طلعت من الولاده بس كلمه في حق مستشفى رويال حياة انهم وااااااااااااااااايد ايهبلوووون ومعاملتهم اتينن من الاستقبال لحد غرفة التهيئه للولاده لحد غرفة العمليات والافاقة والجناح كللللللللللهم والله انهم شالوني ايهبلوووون والنظافه والمعااامله اتهبل <<< هذا اهم شي والعنايه بالياهل وحيييل منظمين حتى بغرفة العمليات ماتسمع للسسترات صوت

وهذي كانت قصة ولادتي بشيخة البنات وبعدها بيومين سويت استقبالي بقاعة الجوري

وهذي صور من استقبالي ((ماشاء الله لاحول ولاقوة الا بالله )

هذي اول شي بعض الصور للكفر ولونه كان لحمي

وهذي البجامه طقم مع الكفر

وهذا الورد على اطراف السرير
[IMG][/IMG]

هذا الورد اللي كان بالسنتر
[IMG][/IMG]

الشاي مع المعجنات

[IMG][/IMG]

وهذا كان الحلو مع القهوه

[IMG][/IMG]

وهذا السوفنير

[IMG][/IMG]

وسلامتكم

وامانه اللي تقرى الموضوع تدعيلي ان الله يشافيني ويبعد عني انا واعيالي كل شر