الفروانيه حدث ولا حرج !!!!!

السلام عليكم ورحمة الله

شخباركم بنات ان شاء الله تمام

ياطويلات العمر كنت بمنطقة الفروانيه التعليميه….<<< بتسئلوني ليش ؟؟؟؟؟

ماطول عليكم السالفه … داقين ع المدرسه طالبين أحد يستلم الملف الخاص(( البريد)) بالنقل والندب الإشراف الداخلي والخارجي …. لا ومو اي احد لازم إحدى المديرات المساعدات أو المديره بنفسهااااااا <<<<<< اشدعوه … ملف نووي ..

موهذي سالفتنا … المهم …. وراحت طير شلوى اللي إهي أنا

والله لا ني مديره مساعده وأكيد ما ني مديره بس الله لا يوريكم الواسطه ودتني ولأن ورقتي داخل هالبريد ..

دخلت المنطقه ودايركت رحت للتعليم الإبتدائي وإلا ما كو إلاموظفه وحده لا وطافي التكييف والله كسرت خاطري وسألتها وين البريد اللي إنتو داقين نستلمه قالت تحت عند مكتب مديرت الشؤون التعليميه لأن طافي التكييف انحاشوا تحت

ولما وصلت وإلا أمة لا اله الا الله …عند الباب مدرسات مصريات ورياجيل ودخلت ولقيت الموظفه سألتها وقالت ما كو شئ
قلت إنتو دقيتو قالت نطري المراقبه اللي اهي بالأصل مراقبة مرحلة رياض الأطفال لأن المراقب التعليم الإبتدائي ما أدري تقاعد أو وين راح … المهم وتنظم المرحله المتوسطه لأن المراقب هم مو مداوم والطامه الكبرى انها اهي بنفسها مو مداومه
والله نطرت لين خلاص وصل العداد … وحرام مصريات تعيين جديد توهم واصلات من ديرتهم مو محصلين ورقة التعيين والرياجيل يا حرام اللي يراجع لإخته او زوجته والدنيا حوووووووووووووسه × حوووووووووووووووسه

حرام الرياجيل اللي يتحلطمون ويسبون ومحد داري عنهم واحد شايب والله كسر خاطري يقول 3 أيام وأنا اراجع ولاأحد موجود من المسؤولين ولا واحد بمكتبه … وتذكرت (( مكتوب لا فته ع باب مراقب التعليم الابتدائ المراجعه من الساعه12 الى الساعه 2 )) حرام والله تعب نفسه واحنى يالمدرسات من 8 الى 1 والنص وما كو شغل بطاليه…

وطلعت وقلت جعل هالورقه ما توصل … بس ما أروح مره ثانيه

مراسلتكم من منطقة الفروانيه التعليميه

رووووووووووعه

حدث ولا حرج

منو يسمعج أنا صارلي أسبوع امداومة في المنطقة بس علشان آخذ صورة من قرار نقلي مو راضيين ،حتى اليوم شفت إللي شفتيه ، زحمة وفوضة ، أنا تعبت من مشوار إلمدرستي القديمة بعيدة حيل عن بيتي وكل إللي طلبته صورة من ورقة النقل علشان أباشر امدرستي الجديدة إللي هي قريبة من بيتي

أشتكو عليهم بالبرنامج الثاني علي الخط بالاذاعه اتصلي واتركي مسج………والله يخافون من الفضايح ويتسنعون

الراحه لهم والتعب والشقا لنا احنا المساكين

الله يعينكم صج

االه يكون بالعون

محد يمدح منطقة الفروانية التعليمية

الله يعينج عادي هذي سوالف المنطقه متعودين عليها

الفراونيـه أصلا تخبط في تخبط ..
كل شي مو عارفينه .. كل شي ما يدرون وينه .. كل شي ما سمعوا فيه ..

الله يعيـن

كل الماطق جذي المراقبين والمدراء ما يداومون لانهم معفيين من البصمه ويعطلون اشغال الناس

^^

الله يعين

ماشاء الله دوامه من 12 الى 2 !!! يعني شنو احنا نومنا خفيف وهم نومهم ثقيل !!!! اذا شبع نوم داوم

الله يعينج بس والله أعلم مالنا دبره إلا بعد العيد …….

والله ياقلبي بعد ما طلعت قعدت أتحلطم وأقول والله لأفضحهم بالمنتدى والمديره تقولي إي والله حيلج فيهم ….خخخخخخخخخ

ياقلبي …
لاااااااا حراااام إحنا مدرسات لازم نحلل معاشنا بس اهو فقير كل شئ على راسه ومو ملحق لأنه أصلا مايداوم