الفرق كبير

السلام عليكم

شلونكم حبيباتي وكل عام وانتوا بخير

صراحة أنا دخلت موقع الدكتوره ناعمه الهاشمي

ولقيت الفرق تبي المرأه قويه وطالب بكل حقوقها

واحنا دايم نقوول أن الرجال يحب المرأه الضعيفة اللي تحسسه بقوته

وش رايكم أفيدوني

بالعكس الزوج يحب الزوجه العنيده لكن الي تخضعله مع احترامي يظرب فيها الطوفه
وانتوا لاحظوا هالشي بحياتكم العاديه الي يقول انشالله وحاظر يبط جبدكم لكن الي يعاندكم تتعلقون فيه
بس مع احترامي موبكل وقت عنيده مره تشد ومره ترخي

انا من خلال ملاحظتي لكل المتزوجين احس كل واحد له طريقه
يعني حسب الريال موشرط
بعضهم يحب المره المطيعه يحطها فوق راسه
وبعضهم يبي الي تعطيه العين الحمره وتحقره يموت عليها
وبعضهم يبونها عاقله
وبعضهم يبون ويبون
وبعضهم مايدرون شنو يبون وهذولا الي الله يعين حريمهم عليهم

تحياتي لج

نو نو جين كلامها صح

ترى يعتمد على الريال وبيئته والطريقه في بيتهم اللي تربو فيها

والله يا أختي قرة عيوني

صراحة ما أحب اللي يعاندي ويشوف نفسه علي

أحب اللي يطيعني وطيعه

يا ويله أذا بطقني بطوفه

هلا ب نونوجين أنا معاش أحس الرجال العنيد يحب المتسامحة لأنها اذا بتعانده بيضيعون

والهادي يحب الاكشن والعند

كلامش صحيح كويتيه أصيله كلن على حسب بيئته حتى حنا الحريم نختلف

اكيد حسب تربيته الريال وثقافته وتفكيره بس مع هذا مادي احس انه المره لما تكون شخصيتها قويه وماتتساهل بكل شي الريال يحط لها اعتبار ومكانه عكس لما تكون ضعيفه ومطيعه تلاقينه يتعود على هالشي ومع الوقت يمكن تحس انها ولاشي بس طبعا بعد ماتكون عودت الريال لين ماصار يحس فيها او بخاطرها وناطرين راي اهل التجارب

كل انسان وبيئته وكل واحد وتربيته وثقافته مثل ماقالت اختنا نونو بس الشرقي معروف مايحب المراه الي تصير اذكي واقوى منه يخاف من المره قويه الشخصيه يحس ان راح يعاني وياها بس هم في وقت ينحاش من الضعيفه حيل ويهرب منها لانها تكون ممله فالافضل تكون المراه متوازنه
وفي حكمه تقول من الذكاء ان تخفي ذكائك