الفحص@@!!!!

السلام عليكم كروشات

شلونكم؟؟
الله يعينا والله
بنات انا في اخر السابع وهذا بجري واراجع عند الدكتور عمرو عصام في مستشفى السلام وطبعا زوجي يدخل معاي في كل مراجعه
بس مادري شلون اقولها
انا سمعت ان بس ادخل التاسع راح يبلش يفحصني الدكتور
وحيييييييل مستحيه شلون بخليه يفحصني واذا فحصني يعني راح يشوفني !!!
وزوجي بنفس الغرفه بعد !!!!
احس راح ارفض الفحص
ولحد يقولي غيري لان دكتوري حيييييل زين وانا مرتاحه عنده والله تعذبت من هالدكتورات ولعبوا فيني

ابي اسال شلون راح يكون الفحص يشوفني؟؟؟
ومنو دخل معاها زوجها في الفحص تقولي شنو صار؟؟؟

اب اب حبيت ارفعلج الموضوع يالغلااا
ماعندي فكره

هوو ماراح يطل تحت
بس من تحت الشرشف بيدخل ايده
بس بيكوون يطالع لوجهج 
وهني الفشيله

ماراح يطالع تحت كلش أصلا تكونين متغطيه بالشرشف يعني لا تحاتين

لاتحاتين انشالله خير

مشكورين بنات والله ريحتوني

كنت وايد احاتي

واحاتي زوجي بعد مفتشله منه

بنات انا اللي اعرفه ان الفحص مو زين لا تخلون الدكاتره يفحصون اذا ما تحسون بطلق ولا عوار الفحص بس اذل حسيتي ان فيج ولادة

لا تحاتين حبيبتي تره الدكتور او الدكتوره ماراح يطلون ولا يطالعون والشرشف مغطي الريول كلها
انتي تكونين مثل هالوضعيه بس فاتحه ريولج

وريولج كلها مغطيها بشرشف فلا تخافين واهم شي ترخين نفسج وما تشدين
وحاولي ما تفكرين بالفحص كلش

وعلى فكره مو من اول التاسع راح يفحص يمكن نص التاسع تقريبا

بنات متى الفحص ادري بالشهر التاسع بس متى اخر

الفحص اذا فيج طلق

ااااااااااااااب

انا بالنسبة لي اذا مافيج عوار الفحص ماله اي داعي

اول شي في حريم يتالمون منها

ثاني شي اذا ماتبين تغيرين دكتورج كيفج بس شماله كل اسبوع يفحص يعني حتى اذا ماشاف هم الفحص فيه اشكال
واذا فحصج وانتي مو تعبانة انتي محاسبة حبوبة

من تجربتي انا والدة 4 مرات ولامرة فحصوني قبل لا اييني الطلق دايما افحص اذا حسيت فيني ولادة

الا اذا طولتي بشهرج واحتاجو يفحصون هذا شي ثاني

سوري طلعت من الموضوع بس حبيت انبهج

وان شالله تولدين بالسلامة وتفرحين بشوفته *

والله انا الصراحة كان يشوف مغطيني بشرشف بس هم يشوف اول مرة حملت الدكتور استأذن زوجي ان ما يدخل معاي وكان دكتوري مو عربي بس قال له اخاف تتضايق اذا شفتني افحصها
والحين بحمالي هاذا عند دكتور ثاني وكان يبي يفحصني لان كان شاك بعنق الرحم لايكون مفتوح وزوجي من نفسه مادخل وقت الفحص وهم الدكتور سكر الباب اول مرة يسكر الباب بس اهو والسستر
يعني انا لاحظت ان الدكاترة يفضلون ان الزوج يدخل مع زوجته وقت السونار بس ما يفضل ان يدخل وقت الفحص الداخلي ..لان الرياييل يغارون ويمكن يتضايقون