الفحص الطبي للمعلمه؟؟؟؟؟؟؟

السلام عليكم

شلونكم ابلات

بدش بالموضوع على طول

انقبلت بالتربيه تدريس طبعا

سويت مقابله بتاريخ 2/6 والنتيجه احتمال الاحد تطلع

المهم في حاله اني ناجحه راح يعطوني اسبوعين على ما تتوقع اوراق النتيجه

عقبها راح اسوي تحاليل

انزين في وحده حاطه تعليق تقول انهم اتصلو فيها وحددو لها تاريخ 11/7 ان لازم تسوي التحاليل

بس لو عطوني انا نفس هالتاريخ وانا اصلا مسافره اشلون راح يكون وضعي

وما اقدر الغي او اكنسل شي لان ما ترجع الفلوس

وهم ممكن بهالتاريخ تكون علي اللي شيسمونها اشلون!!

يعني اشلون يجبروني على تاريخ معين

في حاله اني ما اقدر اقدر اقول لهم يغيرون لي الموعد والا لا

واذا اجباري وانا ما اقدر يعني يشيلوني من الوظيفه

شسوي بنات تكفون

اممممممم

اللي اذكره والله العالم اني انا طووووولت علي مااكمل اوراقي بعد القبول

بس تأكدي افضل لج من الصاله اللي فيها كوانترات حق التعينات

حبوبه هي عطتني هالتاريخ وقالت لي سويه بهالتاريخ قبله لا ومعك فتره ع ماتكملين فحوصاتك جيبيه
يعني اي وقت بس موقبل هالتاريخ فاهمه علي حبيبتي :d

فراي لما تروحين لهم قولي لهم عن سفرتج

الجرح يعني عادي اسويه بعده لاني ايي من السفر تقريبا على 18 /7 يعني ممكن اسوي 20/7!!!

اهم حاطين لج بالورقه التاريخ 11/7؟؟؟

لما كنت عندهم الاسبوع اللي طاف قالو لي نعطيج الفحص الطبي لما تتطلع النتيجه!!

اشلون الحين غيرو رايهم!

جرح عفوا انتي كويتيه؟

روحي سألي
أنا لما توظفت بعدي توظفت وحده فكنا نتناقش عن الفحص و الأشعه ،، قالت أنا حامل ما سويت أشعه ،، قلت لها : إشلون تعينتي
قالت : قلت لهم حامل قالوا كملي التحاليل أما الأشعه خليها بعدين

يعني ممكن الموضوع أسهل مما إنتي متصورته ،، روحي و سألي

واااي فراي قلت لج راح اسألهم لج

انتي خريجت شنو حبيبتي
انا مستغربه انتو متى متخرجين يمكن مو هلكورس
لانه خريجات التربيه الاساسيه بعدهم ماخلصوا الشهايد
لازم نستلم الشهاده اول تالي نراكض للوظيفه
او اني انا مو فاهمه
ههههههههه

لا حبيبتي انا سعوديه

اي حاطين التاريخ بالورقه
بس عادي اتوقع تسوينه بعده لاني سألت كذا وحده
قالو اغلبهم انهم تأخرو ماراحو بنفس الوقت وعادي موشرط

وآنا اليوم يمكن آروح عندي مراجعه بالسفاره والخارجيه وبروح للوزاره وبسأل لك وآتآكد

<<مدري انتم نفس اجرآءاتنا " الخليجيات" او لااا

خريجة جامعة الكويت كورس أول حبيبتي

ولييييييين التاريخ بورقه بعد

ما اقدر اكنسل سفرتي

يمكن عشان انتي سعوديه غير

اها جرح عشان انتي سعوديه الاجراءات غير عنا

لان قالو لي بعد ما تطلع النتيجه بأسبوعين راح يتصلون فيني

عشان يعطوني اوراق التحاليل ولما اخلص منهم اعطيهم اوراق طالبينها مني

بعدين عاد اودي ملفي حق المنطقه التعليميه على ما اعتقد

بس جنا يعطون مدة شهر عشان نسوي التحاليل

تكفون بنات انا بعد عندي نفس المشكلة يصير نسوي التحاليل لما نرد من السفر ؟

ما اقدر اكنسل سفرتي

حددولي 7/7 بس حزتها اكون مسافرة ورادة 29/7 يصير اسوي التحاليل بعد هالتاريخ؟

يمكن قصدهم مثل ما قالت جرح يعني لا تسوينه قبل هالتاريخ!

بس انتي مطوله شكلج بالسفره؟؟

لان لازم تخلصين هالاوراق قبل 7/8