|
|
السلام عليكم ورحمة الله وبركاته
اول شي مبروك لكل خريجات هالسنه ..
واخيـرا افتكينا من مرض الثانوي
<<– ماتعرف تسوي مقدمات لوووووووووول
المهم بنات .. انا وحده نجحت ولله الحمد بالثانويه ونسبتي يعني ماشي حالها
بس خايفه ماانقبل بالجامعه .. خاصه ان القدرات راسبه فيه ومافي امل انجح .. مع اني مقدمه زيييين بس ماادري
المهم اني راسبه راسبه
فـ شسوي !! تتوقعون مايقبلوني علشان نسبه القدرات نازله !!
واقعد انتظر هالكورس يعدي وامتحن امتحان القدرات الجاي .. يمكن اقدر انجح وادش اللي ابيه ولا شرايكم
عفيه اللي عندها حل او خلفيه بهالموضوع تقولي
انتظركم 
يعني اذا تربيه يبون بس لغه انجليزيه واذا انتي راسبه عادي تاخذين تمهيدي انجليزي اذا دخلتي انشالله
وبالنسبه لكليه العلوم يبون رياضيات وكيميا بس اذا راسبه نفس الشي تاخذين تميهدي اذا دخلتي
بس كليه الهندسه لهم حسبه معينه لازم تكونين جايبه درجه معينه بالقدرات يعني لازم تكونين ناجحه
قدمي وبالتوفيق انشالله انتي اذا بتسجلين راح يعطونج دليل القبول وانشالله يفيدج
انا نسبتي 90 صارت 81
بس الحين امتحنت وناطرة النتيجة يوم الخميس انشالله ترتفع
وحسب خبرتي 
اذا انتي نسبتج تدخلج الجامعة
لا تخافين راح يقبلونج اذا ساقطه بالقدرات بس شنو
راح تاخذين كورس تمهيدي بالمواد اللي سقطتي فيها
يعني احتمال تتأخرين كورس أو كورسين
بس كل هذا يعتمد على الكلية اللي تبينها
لان في كليات ما تاخذ معدل مكافئ
مثل كلية الشريعة أو العلوم
وموفقه انشالله 